Daniel 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca só'maq qaỹamaxalec quiyim netaxaỹaq ma' taañi quiyim qoỹaanshiguim, ca na' retaqa ỹaatqajam nelamaxaren, 'naac: —Ñaq na'xaỹaxañiñi qamiá'ogue qamiri ỹoreta'oguita naua ra'qaataxahi:

Daniel 3:4 Iomraidhean Croise

Ester 8:9

Ca chaqa'ma' qaroỹaxane'oga so leraxanqajanqaipi so nashi, ca mashic ỹovi' veintitres na'xata' quesaua tres shiriguiri quesó'maq shiraigo leenaxat Siván. Ca ná'ogue ná'maq relaataxanlec so Mardoqueo tai'a nqai'en na judioipi, chaqai na lotauaripi na nashillipi neetalgoto naua ciento veintisiete 'lauari, chicqochi'ñi yi 'laua India queda lqodoigue, ỹovira'a yi 'laua Etiopía queda lauashiguim. Qoỹeretalgoto nauá'maq chi la'qaatqa nauá'maq neetalgoto 'lauari, chaqai quena judioipi ana lere qoỹeretalgoto nauá'maq chi la'qaatqa.

Isaías 40:9

Qami' Sión, quirishi'megue ana roto aca qa' ladocai, ỹaatqajam na'ñaxat nqai'ñi' da qavillaxaqui', ca 'qaataxañita queda no'uen na'xaỹaxac. Qami' Jerusalén, totaxan ro'chi'i', ỹaatqajam nichintegue ca ra'qaachiqui', vite la'xaỹaxague' naua na'aate' quiyi 'laua Judá, 'ñirac: ¡'Ena hueete'e ñí'maq qota'olec caqamiri!

Isaías 58:1

Ñi qara'gaxala' qota'olec 'naac caỹim: Se ro'chi'i', taxahi' nelamaxariñi', 'ec npe'te nqai'ñi' ca qavillaxaqui'; relaqaita na ỹalamaxareteripi llaalqaipi so Jacob quedá'maq se no'uen ỹo'ueetetac chaqai queda lasauaxaset.

Daniel 3:10

Qami' qarashi 'ñirac quiyim ná'ogue na qom ỹa'chi'iñi naua le'cootal chaqai nqouagaxainot ñi nadenqatec qom imaañi 'oro ma' ilamigui na niviiguellipi,

Daniel 3:3

Sá'ogue so leta'allípi nashillipi quiyi 'laua lapou'a so nadenqatec na' ỹovita quiyim qoỹaanshiguim.

Daniel 3:7

Ca' chaqaida 'neeta nqohin queso qomyipi lapoota'ta', na' 'xaỹaque so lelamaxa so ỹoreta'oguit niviiguellipi na' qaiviiguigui, ca sá'ogue ỹa'yi'iñi ana le'coota, ca' nqouagaxainot so nadenqatec qom imaañi 'oro.

Daniel 6:25

Ca co'na'le, ca' so nashi Darío ỹa'ue so lerec, taỹaugui nqai'en sá'ogue so ỹoreta'oguit qomyipi neetalec yi 'laua, 'naacsa': Sahotaque quiyim qaicanqaida chaqai 'ue nqaiyi caqamiri,

Oseas 5:11

Yi Efraín qaipataxañi ma'le chaqai qarouootaxana'gue na lalamaxaret, ma' se neme queetalec na nashiilqaipi.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.