Daniel 3:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Ca na' 'naac dajo, ca so Nabucodonosor nqo'neu'a ñi lasom ñi nqatelaxanaxaqui, ca ỹaualaq, 'naac: —¡Sadrac, Mesac chaqai Abed-nego, lelaatqa ñi ỹapacauec qota'olec, nenoxoñiuec, naiquenajo! Ca' saua tres nenoxondec, chicqoterougui so norec lauaq.

Daniel 3:26 Iomraidhean Croise

Génesis 14:18

Qai'neeta so Melquisedec, so'maxare nashi quiyi Salem chaqai letaxaỹaxanqajnec na qomyipi quena' qaretaxaỹa'pegue' ñí'maq qaica 'nejem qota'olec, so'maxare naueguec so pan chaqai so lataxa.

Esdras 5:11

Qam yí'maq qomyipi 'naac quiyim nqouagaxaintacot cá'maq qota'olec lo'ueenatec na piguim chaqai na 'laua, chaqai liỹa no'xonshiguim añi no'ueenaxanaxaqui ñí'maq shi'co' no'xonshiguim na'le so 'ñaaxaic nashi quiyi Israel.

Isaías 28:16

Vichiguiño' ñi qara'gaxala' 'naac: Sa'ue ma'le ca qa' sella'ñi yi na'a' Sión, cajo qa' ỹaatqajam nca'acsec, 'xoic lesega'a, ca'maxare qaỹa'auaxanñi qa', ca ỹa'maqachiguiñi quiyim qanoqojshiguim qaỹo'xon. Ca cá'maq pi'ỹa'a ma'le, ca' qaica huapigui lauel i'maqatapeuc.

Isaías 52:12

Qam nagui mesqai 'xoic ca riỹalaxahi quiyim noxoñiuec, mesqai 'ec 'iichitac quiyim noxoñiuec, mesqai 'nejem na' 'au qoyique'e yi Egipto, ma' ñi qara'gaxala' ñí'maq qota'olec quena Israel quenaua'que naua rahilli quepaqataxanteguelgoto qamiri ñi'maxare.

Daniel 3:17

Ñi qota'olec coqomi', ñí'maq ñqouagaxainqatacot, ñi'maxare ishit quiyim qarca'laxatec quena lauaq ñi nqatelaxanaxaqui chaqai quená'ogue ná'maq se no'uen vi'saque 'ñiteteguelo qomi', qami' qarashi, ca ñi qota'olec qarca'laxatec ma'le.

Daniel 6:20

Ca co'na' so nashi ipalataxaso'ma añi tema, ca 'ue da lachicoxo, roỹaxantaxaso'ma so Daniel, 'naaco': —Daniel, qami' lelaatec ñi nca'leetauec qota'olec, ¿ishit ñi'maxare nca'laxatec qami' quena sauaxaic leta'allipi, ma' qami' 'ỹaañisacot da no'ueenataxaqui' ñi'maxare?

Daniel 6:21

Ca' so Daniel 'naaco' queso nashi: —¡Qami' ỹashi, qaica ca lqodoc da nachaalataxaqui'!

Daniel 7:25

So'maxare queu'a ma'le ñi qota'olec qaica nqai 'nejem, chi ỹovireta'a ma'le quiyim ỹa'llaxat na lalamaxareteripi ñi'maxare; ỹahotaque ỹadalaxat ma'le da lelaataxanaxac ñi qota'olec chaqai naua lemaqachico quiyim qaimaqachin ñi'maxare, chaqai ná'maq lalamaxareteripi ñi qota'olec qoỹoiquentac ma'le queso'maxare quesaua tres ñaxari chaqai seis shiriguiri.

Hechos 16:17

Ca' asojo nequetegaxai coỹaretalgoto qomi' queso Pablo, ỹaualqata'guit, 'neetapogoxoua': —Nauajo ỹale' nauá'maq ỹaatqajam lelaatqa ñi qota'olec ñí'maq ỹaatqajam lodegaxat, ỹa'xatetapeguema qamiri da llicyaxac da nca'laxa.

Hechos 16:37

Qam so Pablo 'naapegalo' saua nouaataxanaq lase': —Ma' qomi' romano lase', ¿chi'neco' ma' qaỹaconejlgoto quiyim qaỹouaxane' qomi', qaỹauanchiguilo, ime, ca' qaỹapou'alo qomi' cana ncoñiitaxanaxaqui? Ma' saqa' qaỹa'den ca qarasauaxaset. Ca' nagui qaỹahotaco' quiyim qanemootaxanterec, qaỹosoorec qomi'. 'E', se ỹa'maxañi, ta'ta'am quiyim caua'maxare ỹosoorec qomi'.

Hechos 27:23

Ma' squepe nachaxana ỹim so chicqashiguim qanela' quiñí'maq sento'ot qota'olec, chaqai so'ueetetac da lelaataxanaxac.

Gálatas 1:10

Ca quena' shinac dajo, ca ¿peeta'a chi sahotaque ỹa'maxarenta ỹim na qomyipi, loqo'm ñi qota'a? Loqo'm ¿sahotaque yiuojonta na qomyipi? Ma' quet ñaq sahotaque quiyim ỹa'maxarenta ỹim na qomyipi, ca sqaỹim lelaatec so Cristo.

Josué 3:17

Sá'ogue so qomyipi pacta aso lachiugue leenaxat Jordán, qam so que'ejta'gue llima. Ca só'maq netaxaỹaxanqajanqaipi só'maq i'xateta aso lahite' saua laqataxaco ñi qara'gaxala' ỹaatqajam nachaachichiriñi quena lavinñi so Jordán quiyi 'laua ra'ñijlec. (4.1—5.15 Qaiconalo saua doce qari quiyi Jordán. Ime, ca' nco'matec quiyi Gilgal.)

Apocalipsis 19:5

Ca' 'ue so sa'xaỹaque nivillaxac 'maqateguelec yi nashi nqa'xanqa', 'naacsa': Maqachiñii ñi qota'olec, qamiá'ogue qamiri ma' mashic 'ueenataxañitacot chaqai ná'maq huelec ñi'maxare, quená'maq collo'olqaipioqui' chaqai ná'maq mashic leta'allipi.