Daniel 3:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca co'na'le, ca' so Nabucodonosor ne'laxatashiguim, ỹaatqajam 'ue da le'laxa, ca inate' saua lotaua', 'naac: —¿Mesqai treeso' ỹale' nanaqatqa caua senaxasoxoro quiñi nqatelaxanaxaqui ỹaviquetaugui? Ca' saua lotaua' 'neraco': —Ajá'a. Ca' so nashi 'naaco':

Daniel 3:24 Iomraidhean Croise

Daniel 3:17

Ñi qota'olec coqomi', ñí'maq ñqouagaxainqatacot, ñi'maxare ishit quiyim qarca'laxatec quena lauaq ñi nqatelaxanaxaqui chaqai quená'ogue ná'maq se no'uen vi'saque 'ñiteteguelo qomi', qami' qarashi, ca ñi qota'olec qarca'laxatec ma'le.

Daniel 3:23

Ca' saua ne'naqa taariñigui so lauaq so nqatelaxanaxaqui qoỹaxateta'que.

Daniel 3:25

—Qam ỹim cuatro dauá'maq ỹale' sedaantau'alo soosauec 'ec qaica nqai'ne' na norec lauaq ỹouoosapigui, ca dá'maq liỹa 'ec qota'olec lelaatec chicqashiguim.

Daniel 5:18

Ñí'maq paguec lecaic qota'olec ỹaanem da lo'ueenataxanaxac, chaqai da lecaic, da lauaq chaqai da lemaqachic so Nabucodonosor só'maq qataa'i', qami' qarashi.

Daniel 5:6

ca no'chi, nalacqatec. Ca na' paguec so lqolonaxa, ca sá'ogue i'loxol.

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Daniel 6:7

Ca qomá'ogue qomi' seloxoiqata'a na 'laua sotauanqai'sac qami' qarashi llapoxota', ca setaxaỹaxata', ña'deenaxata' quiyim qaỹa'yiñi da qana'deenaxac caqami' qarashi, quiyim 'ñirac quiyim quesaua treinta na'xata' qaica ca qoỹaanot ca nashiilaxanaxac quena nashiilec nqolac loqo'm ca chaqai qom, qaqamite' qami' qarashi qaỹa'dooto naua ne'cootal. Ca no'm cá'maq se na'xaỹaxan, ca' qainaxa'ña so sauaxaic leta'allipi cañi tema hueeta'ñigui.

Hechos 12:13

Ca co'na' ỹouaxantapego ñi pa'aauec lasom, ca raỹaauec aso nequetegaxai leenaxat Rode, ra'ajnaxane'oga chi negue' so'maxare.

Hechos 26:13

Qam queso nayic, qami' ỹashi, mashic na'xa'a lavinñi, ca 'uo' so seuana 'nejem ana ncoỹeraxanaxaqui chicqo'ot na piguim. Qam paguec lquesaxanaxa so lauaq cañi ra'aasa, na' nqai'lliguiñi quiyi seuqate'e, ỹovira'ogalo saua ñauegaxaua'.

Hechos 26:27

Qami' ỹashi Agripa, ¿vi'relec da la'qaataxanaxague' saua qota'a letaxaỹaxaqui'? Ỹim sa'den quiyim vi'relec.

Hechos 9:6

Ca' so Saulo i'loxoltari' quena lqolonaxa, ca 'naaco': —Qami' ỹa'gaxala' Jesús, ¿nega'ỹo' cá'maq vi'saque so'uet? Ca' so qara'gaxala' 'naapego': —Ne'laxachirishiguim, ca quirepegue' yi na'a'. Ca' quiyi, ca qohiñirapegaxaua' quecá'maq 'viichi'.

1 Samuel 17:55

Ca co'na'le, ca' so Saúl inato' so Abner só'maq lashi so nalliripi co'na' iuante'uegue so David na' quiguit so filisteo. Ca 'naaco': —Abner, ¿negue' ca leenaxat ca leta'a so ne'nec?