Daniel 3:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ñi qota'olec coqomi', ñí'maq ñqouagaxainqatacot, ñi'maxare ishit quiyim qarca'laxatec quena lauaq ñi nqatelaxanaxaqui chaqai quená'ogue ná'maq se no'uen vi'saque 'ñiteteguelo qomi', qami' qarashi, ca ñi qota'olec qarca'laxatec ma'le.

Daniel 3:17 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 18:14

¿'Uo' ca lqalanec ñi qara'gaxala' quiyim ỹo'uet? Quena liỹa ñaaxa, ca lotqai liỹa ñovita qami', ca mashic 'ue ma'le ca llaalec añi Sara.

Job 5:19

Chaqai ỹaatqajam se neme quiyim ro'ootaxanteguelec qami' quenaua lichico, chaqai sqai ỹaxanegue quiyim ỹoviro'ot qami' ca se no'uen. (5.20-25 So Elifaz queetalec da letaxaỹaxac queso Job.)

Salmos 73:20

Ma' ne'laxachirishiguim, qami' qara'gaxala', 'ec ca qom quena' nelouec, ca' ne'laxashiguim, ca' se rqo'chita dá'maq 'neetari'.

Jeremías 1:8

Qaica ca ro'chiraque, ma' ỹim seuetau'e ma'le na rahi'i', squepaqataxanteguelec qami'. Ỹim ná'maq ỹim ra'gaxalachi', saanec da ỹa'qaatec.

Jeremías 15:20

Ỹim so'uet ma'le quiyim quenajo qomyipi 'ñiisari' ca nquepaqataxanaxat bronce qaican que'guenalec. Qoyiga'a qami' quiyim qanalauate'e', qam se qarishichi', ma' ỹim sento'ot aqami' quiyim ñca'laxachirec chaqai so'ootaxanlec qami'. Ỹim ná'maq ỹim na'gaxala', saanec dajo ỹa'qaatec.

Jeremías 15:21

So'ootaxanlec qami' queda lquesaxanaxa na hualoxonyipi, ñca'laxachirec ma'le queda lquesaxanaxa ná'maq se ra'maqataxan. (16.1—17.13 Mashic nepalata da nouaxanaxaset yi Israel. Dá'maq chi nqouagaxainaxac so Jeremías.)

Daniel 3:26

Ca na' 'naac dajo, ca so Nabucodonosor nqo'neu'a ñi lasom ñi nqatelaxanaxaqui, ca ỹaualaq, 'naac: —¡Sadrac, Mesac chaqai Abed-nego, lelaatqa ñi ỹapacauec qota'olec, nenoxoñiuec, naiquenajo! Ca' saua tres nenoxondec, chicqoterougui so norec lauaq.

Daniel 6:16

Co'na'le, ca' so nashi relaataxane'oga so Daniel quiyim qanauego, ca qainaxa'ñigui aso tema hueeta'ñigui so sauaxaic leta'allipi. Qam na' saqa' qaỹomachigui da na'qaatec, ca' so nashi 'naaco' queso Daniel: —¡Ca qota'olec caqami' cá'maq 'ỹaañisacot da no'ueenataxaqui', rca'laxachirec!

Daniel 6:23

Ca co'na'le, ca so nashi 'ue da netoonaxac, ca' relaataxan so nashi quiyim qanavicshiguim so Daniel cañi tema. Ca na' qanaqajshiguim, ca' qaica ca qaiuana natoc, ma' ỹaatqajam huelec ñí'maq qota'olec.

Daniel 6:27

Ma' ñi'maxare nca'laqataxanaq chaqai nosoxonaq; chaqai ỹa'ue ná'maq ỹachaxan chalego lecaic quena piguim chaqai quena 'laua. Ñi'maxare nca'laxatec ñi Daniel quenaua lenachi' na sauaxaic leta'allipi.

Lucas 1:37

Ma' ñi qota'olec sqaica ca lqalanec.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 21:13

Qam so Pablo 'naaco': —¿Chi'negue ma' nohiñitac chaqai viitaque na ỹachicoxo? Ma' ỹim mashic ñomatalta' quiyim sqaidaata quiyim qaycoñi', qai'neeta quiyim yileua'ñi yi Jerusalén, sasoualec so qara'gaxala' Jesús.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

2 Corintios 1:10

Qam ñi qota'a quepaqataxanlgoto qomi' chaqai ñaqai queeta quiyim quepaqataxanteguelgoto qomi' queda chalego lichic nelauaxa. Ca' chaqaiñi ñí'maq spa'xanqo'ot da qanaquitaxac quiyim queeta quepaqataxanteguelgoto qomi',

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

1 Samuel 17:37

Ca ñí'maq qara'gaxala' ñí'maq ro'ootaxanlec aỹim quenaua lenachi' ca sauaxaic leta'a chaqai caca layoraxai late'e, ca qai'neeta ro'ootaxanlec aỹim quedajo filisteo. Co'na'le, ca' so Saúl 'naaco' queso'maxare: —Cha'regue mo'e', ca quepaqataxanlec qami' ñi qara'gaxala'.

1 Samuel 17:46

Ca' nagui ñí'maq qara'gaxala' ỹo'uet quiyim qami' ỹoxonec. Ca' nagui quena na'xa'a, ca' salauachi', ca' sichaxauec ñi rqahiqui'. Chaqai ná'maq la'at na nallichi'ipi filisteoipi saanem na ratecsan chaqai na iseripi, qaiyi ná'ogue na qomyipi ỹa'den quiyim 'ue ñi qota'olec quena Israel.