Daniel 3:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' so Nabucodonosor ỹaatqajam ro'o, ca' relaataxane'ogalo quiyim qaỹaueguero saua Sadrac, Mesac chaqai so Abed-nego. Ca, na' mashic reloqota'guita,

Daniel 3:13 Iomraidhean Croise

Génesis 4:5

Qam sqai 'ne'tegue dajo na' ra'ỹa'a so Caín chaqai aso lachitaxanataxanqate. Co'na'le, ca' ỹaatqajam ro'o so Caín, ca' ỹoqa'a na lashic.

Daniel 1:7

Ca saua'maxare qaỹoỹoota'alo daua leenqate' queso nashi quiñi lauo' so nashi. Ca' so Daniel leenaxat nqai'en Beltsasar, ca' so Ananías ỹanegue Sadrac, so Misael ỹanegue Mesac, chaqai so Azarías ỹanegue Abed-nego.

Daniel 3:19

Ca co'na' 'xaỹa dajo na'qaatec so nashi Nabucodonosor, ca' netoguec na lashic quena lauel quesaua tres ne'naqa. Ca' relaataxanlec quiyim liỹa qaỹalonougui ñi nqatelaxanaxaqui, qaiyi paguec nqo'neuec da lpa'ỹaaxa.

Mateo 10:18

Ca vire'to' ma' viriỹau'a ná'maq reloqota'alo naua 'lauari chaqai ná'maq lashillipi na'maxare, ma' qamiri ỹalamaxarete', qaiyi shichii ya'xachitac quena'maxare chaqai quena sqai judioipi.

Marcos 13:9

Qam chi ncochiỹalta' qamiri, ma' qoỹaaneu'alo qamiri ma'le na nashillipi, chaqai huaugui ma'le ana lapoxoqui na judioipi, ca qaỹouaxanta'pe qamiri. Vire'ta qaraviguiu'a ma'le na nashillipi neloxoỹaripi quena qom chaqai ná'maq lashi na nashillipi sovitapigui aỹim. Ca' quiyi, ca' shichii 'xachii aỹim quena'maxare.

Lucas 21:12

Qam ma' saqa' re'xoi' naua'que nauajo, ca qaỹaconlgoto qamiri ma'le, chaqai qaỹocana'pe qamiri ma'le. Ime, ca' qaỹodou'alo qamiri na lapoxoqui' na judioipi, ca qaimite' qamiri. Ca' qaicoñite' qamiri, chaqai qaỹauegueu'alo qamiri na nashillipi chaqai na lotauaripi, ma' soviỹalec ma'le da ỹeenaxat.

Lucas 6:11

Qam só'maq qomyipi ỹaatqajam ro'o. Ime, ca' nenatetecta': —¿Nega'ỹo' ca 'neeta quiyim qaỹa'ue ca qohine'tegue so Jesús?

Hechos 24:24

Ca co'na' mashic 'vii saua na'xata', ca lotqai noviro so Félix, liỹaatac aso loua Drusila. So'maxare judío lase. Ca qaroỹaxane'oga so Pablo quiyim qanauego qana'xaỹaxana quiyim ỹa'xat ca leloxoỹaxac ca pi'ỹa'a so Jesucristo.