Daniel 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Hua', qam nagui 'vii daua judío lase' dauá'maq qami', qami' qarashi, ñi'ra'ñi quiyim idaandelec na 'laua Babilonia, ỹaatqajam qaica ca ỹauaaque qami', chaqai se na'xaỹaxan se nqouagaxainot na rashiilqui' nqolaquipi chaqai ñi nadenqatec qom imaañi 'oro só'maq laataxañirelec na'le quiyim qaỹo'uet. Ca' so Sadrac, Mesac chaqai so Abed-nego chaqaisaua sauá'maq se na'xaỹaxane'.

Daniel 3:12 Iomraidhean Croise

Ester 3:8

Ca' so Amán 'naaco' queso nashi Asuero: —Quiyim quená'ogue na na'aateripi quená'maq 'lauari hueeto'oto da rquesaxanaxa'e', qami' qarashi, ma' 'ue na noỹootetapeguec quena liỹaripi quená'maq se nachiñiguita naua loico na liỹaripi chaqai na'maxare se na'xaỹaxana da ra'qaachiqui'. Ca se ỹa'maxañi quiyim najo qomyipi ỹalequetaho queda ro'ueenataxanaxaqui' quiyim qami' nashi.

Eclesiastés 4:4

Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.

Daniel 1:7

Ca saua'maxare qaỹoỹoota'alo daua leenqate' queso nashi quiñi lauo' so nashi. Ca' so Daniel leenaxat nqai'en Beltsasar, ca' so Ananías ỹanegue Sadrac, so Misael ỹanegue Mesac, chaqai so Azarías ỹanegue Abed-nego.

Daniel 3:11

ca cá'maq se ipacqajñigui da ra'qaachiqui', ca' qainaxaugui ñi nqatelaxanaxaqui ỹaviquetaugui.

Daniel 3:16

Ca saua tres ne'naqa 'nerac: —Dajo qaica quet cá'maq 'neeta quiyim setaxaiqatapigui.

Daniel 3:29

Ca' ỹim shinac nagui quiyim canchaqaica qom se no'uen ca ỹa'xat quiñi qota'olec ñí'maq lashiilgue' nauajo ne'naqa, ca qaichaqatajlec chaqai qanopoxoỹaxajñi ca lauo', quecanchaqaica na'ñi quenaua na'aate', chaqai cá'maq lauo', chaqai caua la'qaatqa ỹa'xate', ma' qaica liỹa nashiilec ca'laqataxan 'nejem ñi'maxare.

Daniel 3:30

Na' ime, ca' so nashi ỹa'ue ca lo'ueenategue' saua tres ne'naqa, ca lo'ueenategue' paguec lecaic quesó'maq 'auaxaic quiyi 'laua Babilonia. (4.1-37 So Nabucodonosor 'ue da leleguemaxa, ca qanataren.)

Daniel 6:13

Co'na'le, ca 'neraco': —Ñi Daniel ñí'maq judío le'ec ỹoqa'a da 'laua qaỹachigoxota'gue, ñi'maxare qaica ca ỹauaaque qami', qami' qarashi, chaqai só'maq qana'deenaxac shi'gue 'deenaxanaxañitegue na qom, ma' qomi' seuanqalec quiyim tres nqouagaxain quiyi na'xa'a.

Daniel 6:14

Ca co'na' so nashi 'xaỹa dajo, ca chaqa'ma' rachicotam, ca chaqa'ma' idaantaque ca la'maqa' quiyim nca'laxatec so Daniel. Chi ỹovireta'a na' inoxonñi aso ra'aasa, ỹahotaque quiyim nca'laxatec.

Hechos 17:7

Ca' najo Jasón ỹacoñi'chiguita quiyim nera'ñi yi la'a'. Chaqai ná'ogue na'maxare qaica ca huelgoto naua lelaataxanaxaco ñi qarashi neeta'ñi yi na'a' lodegaxat Roma. Ma' na'maxare 'naac quiyim 'ue ca liỹa nashi leenaxat Jesús.

Hechos 5:28

—Qomi' sqaica ma' sa'maxarenaq quet quiyim paxaguinataxañita'pegue da leenaxat so Jesús. Qam ¿negue' dá'maq 'viichitac? Mashic no'xataxachiigui ná'ogue na Jerusalén quedá'maq rapaxaguinataxanaxaguii qamiri, chaqai viitaque pataxailgoto qomi' quiyim qarasauaxaset da lelauaxa so ỹale.