Daniel 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ na ne'naqaipi 'maxaraic da no'ueenataxac, qaica ca la'aqset na loshicmaxa, 'ue na ỹa'den, co'ỹaxaraic, ỹomata'ta' ná'ogue ỹa'den chaqai ta'chiguit ro'ueenataxan quiñi lauo' so nashi. Ca' qaỹapaxaguinegue quiyim 'xaiguit nqohin na Babilonia laseripi, da leraxanaxac chaqai da letaxaỹaxac.

Daniel 1:4 Iomraidhean Croise

Génesis 41:46

So José ỹovito'o' saua treinta ñaxari co'na' qaỹauega'a so Faraón nashi quiyi Egipto. Co'na'le, ca' so José niquine'e' so Faraón, ca' eec quigui yá'ogue yi 'laua Egipto.

Proverbios 22:29

Cá'maq ỹa'maqachiguiñi nqai'en ca lo'ueenatec, ca'maxare nelaatec ma'le quena nashillipi, mesqai queca qom sqailligueme' ỹaqamaq.

Daniel 3:8

Ca' 'vii saua Caldea lase' nquipitero quiyim talaxaneguelo saua judío lase' queso nashi Nabucodonosor.

Daniel 5:11

Ma' queda ro'ueenataxanaxaqui' quiyim qami' qarashi 'ue so ỹale qaỹashaxantac queso ne'espíritu ñí'maq co'teeta qota'olec. Ma' cana' so qataa'i' qarashi, ca' sojo ỹale re'oq quiyim ỹaatqajam 'ue ỹa'den, 'ue da lco'ỹaxaric chaqai 'ec chicqashiguim da la'deenec. Vichiguiño' so qarashi Nabucodonosor só'maq qataa'i' ỹano na'le quiyim lashi ná'ogue na pi'xonyipi, na richaauec nqai'en nanchaqaina, na 'deenaxanqachaqaiquipi chaqai na napaxaguintapega na piguim le'ec quenajo 'laua.

Daniel 5:7

Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.

Zacarías 2:4

Ca' 'neetapega: Mo'e', ni'guiñite', 'ñirapega so ne'necoqui' só'maq lo'qoota'a so ñic laloqojnaxanaxat: Yi Jerusalén liỹa 'xoic ma'le ca qom neetaugui, qam ma' ỹapaguelec ma'le ca qom chaqai na laloipi isecỹac, ca' tot ỹouen ma'le ca lapoxonaxat.

Hechos 7:20

Ca' quesauajo na'xata' chaqaisaua huauguilo quiyim ne'qaañi so Moisés. Qam sojo noctoqui' ỹaatqajam lqo'itaxat ñi qota'olec, ca' saua leta'al cochiisapega quiyi la'aate' quesaua tres shiriguiri.

Hechos 7:22

Ca' quedajo so Moisés ỹaatqajam qaỹapaxaguinegue dá'ogue da na'deenaxanaxa quiyi Egipto, chaqai qai'neeta quesaxanaxaic quena' 'ue ỹa'xat chaqai quena' 'ue da ỹo'uet.

Efesios 5:27

qaiyi ma' ỹovita quiyim nachaxana'a nqai'en so'maxare ná'maq mashic icoñiguit da na'qaatec, ca ỹaatqajam co'teeta, qaca aca lete, chaqai ca lesoỹaxa, chaqai canchaqaica 'nejem da'maxare. Ta'ta'a quiyim co'teeta chaqai naloochiguiñi.