Daniel 1:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' quená'ogue nanchaqaina quená'maq ỹouen ca na'deenec chaqai da nco'ỹaxaric quesó'maq renataxanegue na'le so nashi, ca ỹa'den quiyim qaica ca nalo'guita quesá'ogue so liỹaripi, ỹaatqajam ỹapaquerauec quesá'ogue so pi'xonyipi chaqai ná'maq richaauec nqai'en nanchaqaina, quená'ogue na lauo' so nashi.

Daniel 1:20 Iomraidhean Croise

Génesis 31:7

Qam ñi'maxare chi yayintac chaqai ỹadalaxat añi ỹauegue. Qam qaiyiita ñi qota'olec sqai ỹaxanegue quiyim ỹo'uet ca se ỹa'maxañi caỹim.

Génesis 41:8

Qam co'na' richiguiñi, ca na' nete'etam queso liỹa na'xa'a tot ỹa'den ca 'neeta. Ca relaataxane'oga ná'ogue ná'maq idaanau'alo naua 'ueenataxaco chaqai na 'deenaxanqachaqaiquipi quiyi Egipto. Ca na' so Faraón ỹa'xat da 'neeta da le'guemataxac quesaua'maxare, qam qaica ca ishit ỹa'xat ca leloxoỹaxac.

Nehemías 4:12

Qam ná'maq judioipi quená'maq lauoraripi, na'maxare nanac quiyim ra'qaataxanalo qomi' quiyim sojo qomyipi sqa ỹaataq ca chicqo'tegue ma'le quiyim queu'alo qomi'.

Job 19:3

Ma' pillitailec quiyim quiitapiguiỹa'; ca ¿qaico' ca rayiloxohi quiyim 'ñiita'gue dajo caỹim?

Éxodo 7:22

Qam so 'viiquiaxairipi quiyi Egipto qai'neeta ro'ueenataxana da lo'viiquiaxac, ỹadenaxat so'maxare. Ca' vichiguiño' so Faraón paguec se na'xaỹaxanalo saua Moisés chaqai Aarón. Ca chaqaido' dá'maq qohinapegalo quiñi qara'gaxala'.

Éxodo 8:19

Co'na'le, ca' so 'viiquiaxairipi 'naaco' queso Faraón: —Chaqaiñi ñi qota'olec ñí'maq ỹo'ueetetac dá'ogue dajo. Qam so Faraón qaiyiita se ỹaqamaq chaqai se na'xaỹaxan, ma' chaqaida 'naaco' na'le ñi qara'gaxala'.

Éxodo 8:7

Qam so 'viiquiaxairipi qai'neeta 'ne'tegue dajo queda lo'viiquiaxac. Ca no'xalec yi 'laua Egipto cana piyiloxoloxo.

Daniel 1:17

Ca' quesauajo cuatro ne'naqa ñi qota'olec ỹaanema da lco'ỹaxarigue' chaqai ỹa'yiinchirigui dá'ogue da 'neeta ana lere chaqai ná'ogue na na'deenec. Ca' so Daniel ỹa'den qai'neeta ná'ogue na leloxoỹaxaquipi na neuanaxanaxac chaqai na ne'guemataxac.

Daniel 5:17

Co'na'le, ca' so Daniel 'naaco': —Qami' ỹashi chaqai vi'saxauoto naua ramichi', chaqai ỹoqa'a ca 'ỹaañitem quiyim rotaua'e'. Qam ỹim qaiyiita sichoxochiraxarom ca leloxoỹaxague' yaua nerqa quena 'imec lahi.