Daniel 1:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' so nashi retaxaỹa'pegueto saua'maxare, ca quesá'ogue so ne'naqaipi qaica ca ỹanata 'nejme' saua Daniel, Ananías, Misael chaqai so Azarías. Ca saua'maxare chaqa'ma' no'ueendañi quiyim ro'ueenataxantot so nashi.

Daniel 1:19 Iomraidhean Croise

Génesis 41:46

So José ỹovito'o' saua treinta ñaxari co'na' qaỹauega'a so Faraón nashi quiyi Egipto. Co'na'le, ca' so José niquine'e' so Faraón, ca' eec quigui yá'ogue yi 'laua Egipto.

1 Reyes 17:1

So letaxaỹaxaqui ñi qota'olec leenaxat Elías, na'ñi yi na'a' Tisbe, huaugui yi 'laua Galaad, 'naaco' queso nashi Acab: —¡Ñallitalta' quiñi qara'gaxala', ñí'maq qota'olec queso Israel, ñí'maq so'ueenataxantacot, quiyim quenauajo ñaxari sqaica ca ỹaxat chaqai aca 'ỹa', toco' ma' ỹovita quiyim 'ue ca sa'xat!

Proverbios 22:29

Cá'maq ỹa'maqachiguiñi nqai'en ca lo'ueenatec, ca'maxare nelaatec ma'le quena nashillipi, mesqai queca qom sqailligueme' ỹaqamaq.

Jeremías 15:19

Ca na'le, ca' ñi qara'gaxala' 'naac caỹim: No'm rapillita aỹim, ca' ỹim lotqai liỹa secoñiraxaguit, ca lotqai ishit liỹa 'ueenataxañitot aỹim. No'm totqai qui'salec da chi retaxaỹaxaqui' chaqai quiyim qainaata ná'maq no'uen 'xachi'sac, ca qami' ná'maq 'xachi' naua ỹa'qaatqa ma'le. Ca' ná'maq qomyipi ná'maq huaguiguit quet qami', qam sqai qami' ná'maq huaquichiguit na qomyipi.

Daniel 1:18

Ca na' ỹovirec so laloqojnec so nashi quiyim qaỹaueguero saua ne'naqa quiyi neeta'ñi so nashi, ca' so lashi so neloxoỹaripi quiñi lauo' so nashi, ca' ỹauego quiyim qaỹa'ajan.

Daniel 1:4

na ne'naqaipi 'maxaraic da no'ueenataxac, qaica ca la'aqset na loshicmaxa, 'ue na ỹa'den, co'ỹaxaraic, ỹomata'ta' ná'ogue ỹa'den chaqai ta'chiguit ro'ueenataxan quiñi lauo' so nashi. Ca' qaỹapaxaguinegue quiyim 'xaiguit nqohin na Babilonia laseripi, da leraxanaxac chaqai da letaxaỹaxac.

Daniel 1:5

Ca' so Nabucodonosor qai'neeta chilnataxanegue quiyim so ne'naqaipi qaiqui'ỹaxanegue ná'maq loq chaqai na lataxa ne'taxat so'maxare, chaqai quiyim qaỹapaxaguin quesaua tres ñaxari. Ca ma' ỹomate', ca chaqa'ma' ro'ueenataxantot so nashi.

Daniel 1:6

Ca' queso ne'naqaipi ỹalequesaho saua Daniel, Ananías, Misael chaqai so Azarías chicqoraugui so llaalqaipi so Judá.

Daniel 1:7

Ca saua'maxare qaỹoỹoota'alo daua leenqate' queso nashi quiñi lauo' so nashi. Ca' so Daniel leenaxat nqai'en Beltsasar, ca' so Ananías ỹanegue Sadrac, so Misael ỹanegue Mesac, chaqai so Azarías ỹanegue Abed-nego.

Daniel 3:29

Ca' ỹim shinac nagui quiyim canchaqaica qom se no'uen ca ỹa'xat quiñi qota'olec ñí'maq lashiilgue' nauajo ne'naqa, ca qaichaqatajlec chaqai qanopoxoỹaxajñi ca lauo', quecanchaqaica na'ñi quenaua na'aate', chaqai cá'maq lauo', chaqai caua la'qaatqa ỹa'xate', ma' qaica liỹa nashiilec ca'laqataxan 'nejem ñi'maxare.