Daniel 1:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' quesauajo cuatro ne'naqa ñi qota'olec ỹaanema da lco'ỹaxarigue' chaqai ỹa'yiinchirigui dá'ogue da 'neeta ana lere chaqai ná'ogue na na'deenec. Ca' so Daniel ỹa'den qai'neeta ná'ogue na leloxoỹaxaquipi na neuanaxanaxac chaqai na ne'guemataxac.

Daniel 1:17 Iomraidhean Croise

1 Reyes 3:12

ca' ỹim saañiraxarom ná'maq shiilaxañisaque: saanem qami' da na'deenaxanaxa, qaiyi qaica ca qalañiralec, ca' qaiyi qaica ca 'nejem qami' queso 'auaxaiquipi chaqai na co'uaataxanaxaiquipi.

1 Reyes 3:28

Ca' sá'ogue so llaalqaipi so Israel ỹa'deeno' dá'maq 'ne'tegue quiyim ỹosogui so co'uaxac so nashi. Ca' 'ue nqai 'negue nqai'en so'maxare, ma' qaiuanchigui quiyim ñi qota'olec ỹaanem so'maxare da la'deenec, qaiyi ỹa'den ca reloqo'tegue ca nasauaxaset.

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!

Daniel 1:18

Ca na' ỹovirec so laloqojnec so nashi quiyim qaỹaueguero saua ne'naqa quiyi neeta'ñi so nashi, ca' so lashi so neloxoỹaripi quiñi lauo' so nashi, ca' ỹauego quiyim qaỹa'ajan.

Daniel 1:20

Ca' quená'ogue nanchaqaina quená'maq ỹouen ca na'deenec chaqai da nco'ỹaxaric quesó'maq renataxanegue na'le so nashi, ca ỹa'den quiyim qaica ca nalo'guita quesá'ogue so liỹaripi, ỹaatqajam ỹapaquerauec quesá'ogue so pi'xonyipi chaqai ná'maq richaauec nqai'en nanchaqaina, quená'ogue na lauo' so nashi.

Daniel 1:4

na ne'naqaipi 'maxaraic da no'ueenataxac, qaica ca la'aqset na loshicmaxa, 'ue na ỹa'den, co'ỹaxaraic, ỹomata'ta' ná'ogue ỹa'den chaqai ta'chiguit ro'ueenataxan quiñi lauo' so nashi. Ca' qaỹapaxaguinegue quiyim 'xaiguit nqohin na Babilonia laseripi, da leraxanaxac chaqai da letaxaỹaxac.

Daniel 5:14

'Ue da ỹa'xaỹaxac quiyim neetagui qami' ca ne'espíritu ñi qota'olec chaqai ỹaatqajam 'ue da rco'ỹaxariqui' chaqai da ra'yiinqui'.

Daniel 7:1

'Ue so pe queso 'auaxaic ñaaxa queda lo'ueenataxanaxac so nashi Belsasar quiyi Babilonia, ca' so Daniel 'ue so le'guemataxac chaqai leuanaxanaxac. Qam na' nelouec, ca' ỹichiñi sauá'maq paguec lecaigue' le'guemataxaco. Ca só'maq ỹiriñi 'neetasa':

Lucas 21:15

ma' ỹim saanema ma'le qamiri caua ra'qaataxahi chaqai ca ra'deenaxanaxahi, qaiyi qaica ca ishit retaxaỹa'guita qamiri.

Hechos 6:10

Qam qaica ca lligo, ma' so'maxare quena' retaqa, da la'deenaxanaxa ỹachigoqto'ot so Espíritu Santo.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.

Hechos 7:22

Ca' quedajo so Moisés ỹaatqajam qaỹapaxaguinegue dá'ogue da na'deenaxanaxa quiyi Egipto, chaqai qai'neeta quesaxanaxaic quena' 'ue ỹa'xat chaqai quena' 'ue da ỹo'uet.

Colosenses 1:9

Vichiguiño' qomi' quecá'maq na'xa'a na' novi' da qara'xaỹaxac, chaqa'ma' se neme ñqouagaxainqatalgoto qamiri, sashiilqatac ñi qota'a quiyim ỹa'deenaxanaxanque qamiri cá'maq ỹahotaque ñi'maxare, chaqai quiyim ỹaanema qamiri ná'ogue nanchaqaina na'deenaxanaxa quiyim 'yiiñichigui na se re'xogui chicqo'ot so Espíritu.

Santiago 1:17

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.

Santiago 1:5

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.