Cantares 5:5 - La'qaatqa ñi qota'olec Qota'olec & Qota'olec Novita Na Qomyipi

^5-6 Ca na'le, ca' ñi'laxashiguim, sahotaque sauate'oga so iqo'itaxat. Quenaua iqai'laqate' chaqai naua ñapoquenal 'ue saua llitaxahi quena qo'paq louaq mirra tarelec ñi naconec ñi lasom. ¡Na' sa'xaỹaque retaqa, ca ñauate'e sham yileueta! Sauate'oga quiñi lasom so iqo'itaxat, qam so'maxare totqai hueete'e yi'maxare. Ca chaqa'ma' sedaantaque, qam se sanata, soỹaxantaque, qam sqai saachiguit.

Cantares 5:5 Iomraidhean Croise

Cantares 5:2

Ỹim selaqata, qam añi i'taxanata nelootauec. Ca' sa'xaỹaque so iqo'itaxat noỹaxantapego quena lasom, 'naac: ¡Qami' iqo'itqate, huachirigui, ñapiitaxauo'lli', qami' iqo'itqate coviguinco'lli'! ¡Ma' mashic pi'guiloxolchigui na iqahic cana 'ỹa'! ¡Ana 'ỹa' quena pe qui'ñigui na iqahic laue!

Lucas 12:36

'Ñiitam ca nelaatec quiyim nauaanta'guit ca na'co' quiyim novi' chicqa'a ca nashilaxac, qaiyi leuoteta ỹauachigui ca lasom ma' novi' ca'maxare, loqo'm chi roỹaxan.

2 Corintios 7:7

Chaqai mesqaidaata da loviraxac so'maxare, ma' so'maxare ỹaatqajam 'ue da na'ñaaqataxac chicqauguilo qamiri. Ca so'maxare ra'qaataxantapegalo qomi' quiyim 'ue da rishoxohi quiyim liỹa huañiỹalo qomi', chaqai ỹa'xatetac da rachicoxohi quedá'maq 'ñiita caỹim. Ca' quedajo, ca' nqo'neuec da ñitoonaxac.

Efesios 3:17

qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

Apocalipsis 3:20

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.