Cantares 5:2 - La'qaatqa ñi qota'olec Qota'olec & Qota'olec Novita Na Qomyipi

² Ỹim selaqata, qam añi i'taxanata nelootauec. Ca' sa'xaỹaque so iqo'itaxat noỹaxantapego quena lasom, 'naac: ¡Qami' iqo'itqate, huachirigui, ñapiitaxauo'lli', qami' iqo'itqate coviguinco'lli'! ¡Ma' mashic pi'guiloxolchigui na iqahic cana 'ỹa'! ¡Ana 'ỹa' quena pe qui'ñigui na iqahic laue!

Cantares 5:2 Iomraidhean Croise

Génesis 29:20

Ca' so Jacob ro'ueenataxan ỹahinlec aso Raquel quesaua siete ñaxari. Ca queso'maxare 'ec sqo vite', ma' paguec da lqo'iichi caso'maxare.

Proverbios 23:26

Qami' ỹaalcolec, ỹaatqajam na'xaỹaxanchiriua', chaqai 'ajñite' quiyim ña'maxateta, ca' yadenaxachi';

Cantares 2:10

So iqo'itaxat 'naac caỹim: Qami' iqo'itqate, ne'laxachirishiguim; qami' iqo'itqate, ỹala'e', qolaq.

Cantares 2:14

Qami' coviguinco'lli' ỹalamaxarete, nañoxochirouguilo naua lauaco ana qa', quenaua qoỹoqoshi'meguelo nqañoqotqachichi', sahotaque seuañigui na qashiiqui', sahotaque sa'xaỹa ca qavillaxaqui'. Ma' ¡chalego loyac quena seuana qami'! Chaqai ¡chalego lo'daxa quena' sa'xaỹa qami'!

Cantares 2:8

¡Mashic naata na iqo'itaxat! ¡Mashic sa'qaata'guit da lavillaxac! Naquetalec renoteta'gue ana qa' ladocai, naqueta renoteta'gue ana quemaralec.

Cantares 3:1

Quiyi pe quena' ñinantañi quiyi ỹoma', sedaantaque quen só'maq lqo'itaxat da ñachaalataxac. Sedaantaque quen, qam se sanata.

Cantares 4:7

¡Ỹaatqajam qami' lo'yaxana, qami' iqo'itqate; ỹaatqajam ỹovirañi da royaaqui'! ¡Ỹaatqajam qaica ca ra'aqshichi'!

Cantares 4:9

Mashic cuachita añi i'taxanata, qami' lo'yaxana ñapiitaxaua; mashic cuachita añi i'taxanata, ca na'chaqai 'oonoqui' ra'ira'a aỹim, queso 'oonoqui' lequet ana rqola'e'.

Cantares 7:9

na noquiaqe' 'ec ná'maq no'uen lataxa quiyim chi resaullichi'ñigui quena naapi' chaqai quenaua nouee.

Cantares 8:7

Na huaxaỹaq quená'ogue na huaaxaipi se ishit ỹo'mat da nqo'iichi; chaqai na lachiuguellipi se ishit iuagaxatac. No'm 'ue ca ỹahotaque ỹaañiguit cá'ogue ca lesallaxa da nqo'iichi, ca chaqa'ma' qai'neetac se qaicoñiguit.

Isaías 50:6

Saandec naua ỹapalatetari quiyim qaỹouaxanlgoto chaqai ñañaanta quiyim qano'tegue' naua ỹaqareue. Se lloỹoote'oga na ỹashic quená'maq yi'neetac chaqai natoqotapiguiỹot.

Isaías 52:14

'Nejem dá'maq quiyim 'xoic ná'maq no'daxatetec na'le so'maxare, na' ra'i'tot quiyim ỹoqa'am na lashic mashic sham 'ec sqai qom,

Zacarías 4:1

Ca' rapil só'maq nelaatec piguim le'ec só'maq retaqata'pegue' aỹim, ca' neloxotec aỹim 'ec nqai'en quena' qaneloxotec ca laqata. Ca' yinat:

Mateo 7:8

Ma' cá'maq rashiilaxan, ca' icoñiguit ca rashiilaxanaque; chaqai cá'maq idaanaque, ca ỹanata; chaqai cá'maq ỹotogoxouo ñi lasom, ca' qaỹauate'oga.

Mateo 8:17

Ca' dajo 'neeto' na'le, qaiyi ipaquichigui da la'qaatco' na'le so qota'a letaxaỹaxanqajnec leenaxat Isaías co'na' 'naac: “Ca'maxare icona so qarolauaxa chaqai i'xat so qaralolaxa.”

Marcos 1:35

Ca co'na' ñaq napaltañi, ca' so Jesús ne'laxashiguim. Ca ta'oguiyi quiyi na'a' lodegaxat, ma' ỹahotaque quiyim nodaatec, ca' nqouagaxain.

Lucas 22:44

Ca co'na' paguec da le'xoric, ca lotqai noquigaxatec da lquesaxanaxa da nqouagaxainaxac, chaqai na nenoxoỹaxa naquetac, 'ec naua leuo' ñitetañi quena 'laua.

Lucas 6:12

Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Lucas 9:32

Qam so Pedro chaqai saua nauegaxaua' ỹaatqajam 'xoic na lelaxague'. Qam liyi neloosauec. Ca iuanchirigui da lauaq so Jesús chaqai saua dos ỹale' lapoota'to so'maxare.

Juan 10:4

Ca ma' ime quiyim ỹachaxanec cañi lahi' ná'ogue ana lalo qagretaipi, ca' eec, 'auetauec cana'maxare, chaqai aná'maq qagreta coỹaretaho queso'maxare, ma' ỹa'den da lavillaxac so'maxare.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Efesios 5:14

Vichiguiño' da na'qaatec 'naacsa': Ma' qami' ñaqai laqaite', ca' nelo'irec; ne'laxachirishiguim quena leuaxaiquipi, ca' coỹarelec qami' ma'le so Cristo.

Apocalipsis 14:4

Ca' so'maxare só'maq se iuanapega aca 'aalo, chaqai co'teeta. Chaqai so'maxare só'maq coỹaretegueñi so 'ec qagreta llaalec quecanchaqa taigue so'maxare. Qanca'laxatec, qaỹachigoxotaugui na qomyipi hueetalec ana 'laua, 'ec nqohin aca 'auaxai nachitaxanataxanqate quiyim qoỹaanot ñi qota'a chaqai so 'ec qagreta llaalec.

Apocalipsis 3:20

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.

Apocalipsis 3:4

Qam 'ue na qomyipi quená'maq neeta'ñi na Sardis se napio'xote' naua loho. Ca na'maxare ñauequeta'pegue' ma'le, ỹansañi caua noho lalagaxaqa, ma' chi no'ueenataxac nqohin.