Cantares 5:1 - La'qaatqa ñi qota'olec Qota'olec & Qota'olec Novita Na Qomyipi

¹ Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Cantares 5:1 Iomraidhean Croise

Génesis 37:25

Ca co'na' ime, ca nqa'xañiñi qui'ỹe'. Ca' queco'na'le, ca' iuanchichiguit so Ismael llaalqaipi no'viiquetañi chicqota'gue da Galaad, ỹahote'e ana li'ỹaaquioxolate lalo nauaanaxanaxa late'ellipi, li'ỹaac na coraxat lo'daxaraic lahita, chaqai na qo'paq louaq ỹoreta'oguit leenaxat bálsamo chaqai ana mirra, ỹodo'ogue da Egipto.

Salmos 16:3

Na lqolaquipi na qomyipi quena 'laua paguec quesaxanaxaiquipi, 'naac ná'maq lashiilqaipi na'maxare.

Proverbios 24:13

Qami' ỹaalcolec, a'qui' na rapic li'i ñaqai hueetagui ana lapa; 'guiñi' dá'maq 'neetari' da lo'daxa.

Proverbios 9:5

Ỹalahi, qui'ii quena na'ic chaqai ni'chii quena lataxa sa'maxatetañi.

Eclesiastés 2:5

Ñasauec cá'maq chaqai ỹanaxanqa' chaqai loma' ana ỹanecse 'ue lenoỹaxai, chaqai ỹaleque'ejta' ana ỹanecse qo'paq na'ic ana la.

Cantares 4:16

Nonot huaquiaxaic, ¡nelo'irec! Nonot chicqa'gue da 'guiñi, ¡nanaqui'! Pi'chiilec na ỹanaxanqa', qaiyi huaguec na lo'daxa na lahita. Qami' iqo'itaxat, nanaquirepegue' na qadanaxanqachi', ca 'qui' ná'maq lo'daxaraic la.

Isaías 5:1

So'uen ca ỹo'ueenec taỹalec nqaishin ñí'maq ỹaatqajam ñauochaxaua, da ỹo'ueenec taỹaugui nqaishin yi lanaxanqa'. Ñi ñauochaxaua 'ue yi lanaxanqa' 'uva loma' quiyi ỹaatqajam lo'yaxanec 'laua.

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Isaías 58:11

Ca' ỹim se neme sashaxañi'sac chaqai 'xoic nqaishin ca qanoqe' quiyi 'laua qaica qom, sa'ue lquesaxanaxa na roshicmaxa'e', 'ec nqaishin qami' ca nanaxanqa' se neme ỹaquitetalec, 'ec ca ne'paxantashiguim huaxaỹaq se neme.

Isaías 61:11

Ma' 'ec aca nanecse quena' ñaxajshiguim quena 'laua chaqai quena no'ualauec na llaxataxa na nanaxanqa', ca' chaqaida 'ne'tegue ñi qara'gaxala' quiyim 'ec ñaxatec nqai'en da loxonaxanaxac, ca' ná'ogue na ỹoreta'oguit qomyipi ỹo'uen ca no'ueenec imaqachintac ñi'maxare.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Lucas 12:4

Qamiri ỹaqaỹarolqa, shiñiỹapegaxaua' totaxan ro'chiỹa cá'maq ishit quiyim ỹalauat ca qom, ca' ime quiyim ỹalauat, ca se ishit quiyim 'ue ca liỹa 'ne'tegue.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

Hechos 11:29

Ca' so mashic ỹacoñiguit da na'qaatec na'ñi yi Antioquía ỹa'uo' aso lotaanaxanqate queso nqaỹaripi neeta'ñi yi Judea, qam cá'maq chaqa taachi'ñi ishit ỹaan queca 'óna.

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.