Cantares 4:9 - La'qaatqa ñi qota'olec Qota'olec & Qota'olec Novita Na Qomyipi

⁹ Mashic cuachita añi i'taxanata, qami' lo'yaxana ñapiitaxaua; mashic cuachita añi i'taxanata, ca na'chaqai 'oonoqui' ra'ira'a aỹim, queso 'oonoqui' lequet ana rqola'e'.

Cantares 4:9 Iomraidhean Croise

Génesis 20:12

Qam ỹaatqajam llic quiyim ỹaqaỹa añi'maxare, ma' llaale ca ita'a, qam mesqaca'ogue aca qarate'e.

Génesis 41:42

ca' so Faraón naqate'e aso lichicshaqate asó'maq hueetalec aso netanaxasete quiyim nashi, ca' ỹanñi nqai'en so José. Ime, ca relaataxanlec quiyim qaỹa'vii saua loho lo'yaxanqa chaqai nqolaanñi nqohin aso nqola oro.

Salmos 45:9

Cana 'aalo quiyim qami' nashi 'ue ana nashi llaale; ca' queda qatoiqui' pa'aata'gue añi roua'e' nashi, no'ueetaxat ná'maq paguec loyac 'oro.

Proverbios 1:9

ma' caqami' ma'le, ca 'ec ca no'uen no'ueetaxachi': 'ec aca rqola'e', loqo'm aca nashi nado'o ñi'sañi.

Cantares 4:10

¡Chalego lo'daxa da neneequesenaxaqui', qami' ñapiitaxauo'lli'! ¡Da neneequesenaxaqui' paguec lo'daxa quena lataxa; chalego lo'daxa lahita na nocoraxachi' quená'ogue na liỹa lo'daxaraic lahita!

Cantares 4:12

Qami' ñapiitaxauo'lli', qami' nanaxanqa' napoota'a, huaxaỹaq lahi' napootau'a, huaxaỹaq ne'paxantashiguim 'ue añi qaỹotocqotalec;

Cantares 7:10

Ỹim lalamaxarete só'maq iqo'itaxat: ma' yaueca'guit dá'maq lquesaxanaxa da lqo'iichi.

Isaías 54:5

ma' ñí'maq qami' lo'ueenata icona qami' ma'le quiyim qami' loua. Ca' dá'maq leenaxat ñi'maxare na'gaxala' qaica lqalanec; ñí'maq naqata'a qami', ñi'maxare co'teeta qota'olec quiyi Israel, ñi'maxare qota'olec quená'ogue na 'laua.

Isaías 62:5

Ma' 'nejem ca ne'necoqui' quiyim shilliguit aca napiitaxaua, ca' chaqaida 'ne'tegue ñi qota'olec icoñiraxaua' quiyim qami' loua, liỹa no'xonshiguim aqami', ca' netoonta'pegue qami', 'nejem cá'maq chita'gue 'on netoonta'pegue aca loua.

Ezequiel 16:11

chaqai sa'ue na no'ueetaxachi', sa'ue na rouaxashichi' chaqai ana rqola'e';

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Daniel 5:7

Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.

Mateo 12:50

Ma' canchaqaica quiyim ỹo'uet dá'maq ỹahotaque ñi ita'a qota'olec neeta'gue da piguim, ca chaqaica cá'maq ỹaqaỹa ỹale, ỹaqaỹa 'aalo, chaqai ỹate'e.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

1 Corintios 9:5

chaqai qai'neeta quiyim ñauequeta'pegue' aca ỹoua mashic icoñiguit da na'qaatec, shintam da 'neesari' saua liỹa' lelaatqa so qara'gaxala' Jesús, chaqai saua lalamqate' lqaỹa', chaqai so Pedro.

2 Corintios 11:2

Ma' ỹim 'eco' 'ue da ico'ualaxanaxac caqamiri, qam dajo ico'ualaxanaxac ỹaatqajam chicqo'ot ñi qota'a. Ma' ỹim sahotaque so'naxanguita qamiri so Cristo, chaqai sahotaque sauegueu'alo qamiri so'maxare, 'nejem aca nequetegaxai se ỹauanapega 'on, ỹalamqa'chiguit ca loua.

Apocalipsis 21:2

Ca' ỹim Juan seuañi'chiguit so na'a' lodegaxat dalaxai Jerusalén, ỹaatqajam co'teeta, chicqashiguim queda piguim, ỹaatqajam chicqo'tot ñi qota'olec, ỹaatqajam qaỹa'maxachichiguiñi, 'ec nqohin da na'maqataxac aca nequetegaxai quiyim ỹovita o'ñiguit ca nauonaxaua.