Cantares 4:3 - La'qaatqa ñi qota'olec Qota'olec & Qota'olec Novita Na Qomyipi

³ Naua qadapchi' togue' 'ec ca qo'laaxaic toc chaqai lo'daxaraqa naua ra'qaataxahi'. Naua rashilqui' 'ec caua granada lahil richiitau'alo quena napoxogui'i'.

Cantares 4:3 Iomraidhean Croise

Génesis 32:10

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Esdras 9:6

Ca' shinac: —Qami' ỹa'gaxala' qota'olec, qami' ỹa'gaxala' qota'olec, ỹaatqajam chalego da ỹayiloxo, chaqai tot sa'den ca shine'tegue quiyim ñqouagaxainot qami'. Ma' na se no'uen mashic ỹapacshiguim coqomi', chaqai na qarasauaxaset mashic ỹovitot na piguim.

Salmos 45:2

¡Qami' ná'maq paguec lo'yaxanec quena ỹalliripi! ¡Da qouagaxa hueetauguilo naua ra'qaataxahi'! Vichiguiño' ñi qota'olec qaica lqodoc quiyim no'ueenaxat qami'.

Proverbios 31:26

Quena' retaqa, qam ỹa'den dá'maq ỹa'xat, quiichigui nqai'en da le'xorenataxanaxa da lapaxaguinataxanaxac.

Cantares 1:5

Qamiri 'aallipi quena Jerusalén, ỹim huerai, qam ỹim lo'yaxana; huerai 'nejme' naua co'matqate' quiyi 'laua Cedar, lo'yaxana 'ec na no'ueetaxat ñi lauo' lasom so Salomón.

Cantares 4:11

Qami' ỹalamaxarete ñapiitaxaua, quena qadapi' 'ec rapic li'i na chicqotapougui. ¡'Ec rapic li'i chaqai naua no'i' hueeto'ot na ro'legaxanaxachi'! ¡'Ec na lahita quiyi Líbano na lahita ana neloxogui'i'!

Cantares 7:9

na noquiaqe' 'ec ná'maq no'uen lataxa quiyim chi resaullichi'ñigui quena naapi' chaqai quenaua nouee.

Ezequiel 16:63

Ca' qami' ma' 'yiiñira'a, ca' chalego ma'le ca rayiloxo'e' chaqai nemanachichi', ca' totqai huachirigui ma'le na qadapi' quiyim taxahi', ma' ỹim sapalaxat ná'ogue ná'maq se no'uen 'viichi'sac. Ỹim na'gaxala', se'taxajñi da ỹa'qaatec. (17.1-24 Qaraloqojnaxañigui aso 'uva lashi chaqai qaraloqojnaxañigui so o'ic.)

Mateo 12:35

Cá'maq no'uen ỹale, ca lo'yaxanqa naua la'qaatqa, ma' cá'maq no'uen hueetagui añi le'taxanata. Chaqai ca se no'uen ỹale, ca' se no'viiñi naua la'qaatqa, ma' cá'maq se no'uen hueetagui añi le'taxanata.

Lucas 4:22

Ca sá'ogue imaqachintac so Jesús chaqai qai'laqatapegalo naua la'qaatqa ỹaatqajam lo'yaxanqa. Ca nenatetecta' so qomyipi, 'naac: —Dajo, ¿mesqaido' da llaalec ca José?

Efesios 4:29

Sqai 'xachii' naua se no'viiñi na'qaatqa, ta'ta'a quiyim no'ueenaxachii' naua ra'qaataxahi, qaiyi noquiicshiguim nqai'en chaqai ỹa'ue ca la'maxa cá'maq na'xaỹaxantapegalo qamiri.

Colosenses 4:6

Daañiỹaque quiyim se neme qanqo'talo chaqai qaimaqachinta'pe naua ra'qaataxahi, chaqai quiyim 'yiiñii cá'maq ỹaatqajam 'maxaraic leloxoỹaxac quiyim taxaiỹa'pegue' ca liỹa.

Hebreos 9:19

So Moisés co'na' ime ỹa'xatem so qomyipi dá'ogue da laqataxaquipi ñi qota'a, ca icono' so qagreta laue toc chaqai aso lasote aso peue leenaxat hisopo. Ca illijñi quesaua leuo' na huaqui llaalec chaqai na quetaq llaalec ỹalequeta'guit na huaxaỹaq. Ime, ca' iñitaxajlec aso lere hueetalgoto saua laqataxaco ñi qota'a, chaqai sá'ogue so qomyipi.

Josué 2:18

Qam ma' qomi' ñinoxonaxau'a najo 'laua, ca' qami' coñichiro najo ñic toc cañi nqote na qauochi' cañí'maq queetouguilo nqai'ñi' qomi'. Ca ma' ime, ca lapooñirata' quena ra'aachi' ca qataa'i', qachii'i', caua rqaỹachi', chaqai ná'ogue na lauoyac ca qataa'i'.