Cantares 4:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Nonot huaquiaxaic, ¡nelo'irec! Nonot chicqa'gue da 'guiñi, ¡nanaqui'! Pi'chiilec na ỹanaxanqa', qaiyi huaguec na lo'daxa na lahita. Qami' iqo'itaxat, nanaquirepegue' na qadanaxanqachi', ca 'qui' ná'maq lo'daxaraic la.

Cantares 4:16 Iomraidhean Croise

Eclesiastés 1:6

Na nonot taỹa'gue da 'guiñi, ime, ca naqalgoxoñi lotqai taigue da rapiguim. ¡Naqalgoxoñi, lotqai rapil na nonot, chaqai lotqai liỹa naqalgoxoñi!

Eclesiastés 2:5

Ñasauec cá'maq chaqai ỹanaxanqa' chaqai loma' ana ỹanecse 'ue lenoỹaxai, chaqai ỹaleque'ejta' ana ỹanecse qo'paq na'ic ana la.

Cantares 1:4

¡Qaỹaloq yi'xachi'! ¡Qami' ỹashi, yaviquira'alo caua qauotochi'! Ñitoonqatac ma' ñaqatqata'guit qami'; paguec so'leentaqataque ma'le da neneequesenaxaqui' quena lataxa. ¡Chaxaso' ma' nqo'ta qami' na 'aallipi!

Cantares 2:8

¡Mashic naata na iqo'itaxat! ¡Mashic sa'qaata'guit da lavillaxac! Naquetalec renoteta'gue ana qa' ladocai, naqueta renoteta'gue ana quemaralec.

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Isaías 64:1

Saxanchi' cona'gue nqai'ñi' na piguim, ca' renochirec, ca' quiyim novichiriñi, ca i'loxol nqai'ñi' ana qa' ladocaipi,

Ezequiel 37:9

Ca na'le, ca' ñi qara'gaxala' 'naac caỹim: 'Xachi' da ỹeenaxat quiyim nac ca nacat ỹo'uet ca nca'laxa, ca' 'ñirapega: Da la'qaatec ñi qara'gaxala' 'neetasa': Nacat 'viichi' ca nca'laxa, ñaqai naqui' chicqote'ogalo da rapiguim, 'guiñi, lqodoigue, chaqai da lauashiguim, ca 'viichi' quiyim nca'leuec najo qomyipi loshicmaxa ileu.

Mateo 26:10

'Qaatapegalo' so Jesús, ca 'naaco' quesaua'maxare: —¿Chi'negue ma' sqai 'xañiỹac anajo 'aalo? Dajo ỹo'uet caỹim 'xoic loyac.

Mateo 26:12

Dá'maq ỹo'uet caỹim dajo 'aalo, quiyim ỹocorelec na ỹoshicmaxa queso aceite lo'daxaraic lahita, ỹa'maxatetañi quiyim qayishinñi.

Juan 3:8

Na nonot quena' npe'taxanshiguim, qam chaqai ỹoiquentac cá'maq reloxoigue; ca 'qa'isaque na lelamaxa, qam sqa 'yiiñi' cá'maq chicqochi'ñi chaqai cá'maq taigue. Ca' chaqaida 'neeta ná'ogue ná'maq ne'xaỹaugui so Espíritu Santo.

Juan 5:8

Ca' so Jesús 'naaco' queso'maxare: —Ne'laxachirishiguim, coñitot na qacanqui', ca' qui'.

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

Romanos 15:16

quiyim aỹim lelaatec nqai'en so Jesucristo quená'maq sqai judioipi, quiyim so'ueenataxanougui. Ca dá'maq so'ueetetac 'neetasa' quiyim sa'xatetapeguem da na'qaatec chicqaugui da nca'laxa ỹachaxantac ñi qota'a, qaiyi saanot ñi'maxare ná'maq sqai judioipi, 'nejem aca nachitaxanataxanqate qaỹa'maxarenta quiñi qota'a, ma' mashic qaỹoỹoota'oga na'maxare queso Espíritu Santo.

Romanos 15:28

Ca ma' somat dajo, ma' ime saano ana notaanaxanqate, ma'le ca' saigue da España, ca shiquejlgoto qamiri ma'le.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.