Cantares 4:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Añi huaxaỹaq lahi' quiyi nanaxanqa', añi'maxare ni'ỹa, ca na la'uaxac chicqotape'oga yi Líbano.

Cantares 4:15 Iomraidhean Croise

Salmos 46:4

Aso lachiugue chaqai na taỹau'alo ñaachi ỹo'uet da netoonaxac yi qota'olec la'a' yí'maq paguec co'teeta quena la'aateripi ñí'maq ỹapacauec quená'ogue.

Eclesiastés 2:6

Ca so'ueete' naua ni'ỹaqa huaxaỹaq lahiri, sauaaque leletqate ana qo'paq ỹanecse;

Cantares 4:12

Qami' ñapiitaxauo'lli', qami' nanaxanqa' napoota'a, huaxaỹaq lahi' napootau'a, huaxaỹaq ne'paxantashiguim 'ue añi qaỹotocqotalec;

Isaías 58:11

Ca' ỹim se neme sashaxañi'sac chaqai 'xoic nqaishin ca qanoqe' quiyi 'laua qaica qom, sa'ue lquesaxanaxa na roshicmaxa'e', 'ec nqaishin qami' ca nanaxanqa' se neme ỹaquitetalec, 'ec ca ne'paxantashiguim huaxaỹaq se neme.

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Zacarías 14:8

Ca' ma'le, ca' nac ca huaxaỹaq 'oom chicqota'a yi Jerusalén, ca ná'maq huaxaỹaq naquetac quiyi no'oomaxa chaqai yi nosaxa. So lavinñi taatapegaqso'ma aso huaaxai qaỹamata'gue leuaxai, chaqai so liỹa lavinñi taatapegaqso'ma aso huaaxai hueetegueñigui ana delec.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Juan 7:38

Ma' 'nerac yaua nerecse' na'qaatqa: cá'maq huelec aỹim, ca 'ec huaxaỹaq ne'paxantashiguim ca chicqotapougui añi le'taxanata.

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.