Cantares 4:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ ana nardo chaqai azafrán, chaqai ana noqola late'e lo'daxaraic lahita chaqai ana canela, chaqai ná'ogue ana liỹa qo'paq nichiinaxanqate, mirra, áloes; ¡chaqai ná'ogue ná'maq liỹa lo'daxaraic lahita!

Cantares 4:14 Iomraidhean Croise

Génesis 43:11

Co'na'le, ca 'naaco' so leta'a Israel: —Hua', mashic qaica quet cá'maq lata'. Ca' yí, 'viichii dá'maq shinac: ỹoxoiguilo naua qachoxoquiri queca ramii quecajo ỹale. Dohi ma'le ná'maq paguec loyac la najo 'laua. 'Viichio' ca ri'ỹaaguii quena 'ec qo'paq louaq leenaxat bálsamo, chaqai na rapic li'i, chaqai coraxat lo'daxaraic lahita, chaqai na mirra chaqai ana qo'paq ala leenaxat nueces chaqai ana almendras.

1 Reyes 10:10

Ime, ca' aso'maxare ỹaanem so nashi so tres mil novecientos sesenta kilos quena 'oro, chaqai ỹaatqajam 'xoic na coraxat lo'daxaraic lahita chaqai na qa' qashilgaxaraic. Ỹaatqajam se ỹauanapega qanoda'a yi Israel yi ỹorete' so coraxat, 'nejem só'maq nodo aso nashi quiyi Sabá, ỹaanem so nashi Salomón.

Salmos 45:8

Ná'ogue na qatooỹaqui' no'qaachigui quena coraxat lo'daxaraic lahita leenaxat mirra, áloe chaqai canela; ỹo'uet da netoonaxaqui' quiñi qauochi' lodegaxat lo'ueetqate ana ladocoloue quena' qaiviiguigui ana niviigue 'vii naua lequeete'.

Cantares 4:6

Toco' ma' sham richiguiñi, ca' eec na la'al, ca' shicpegue' ada qa' huaalec na qo'paq louaq mirra, cada quemaralec huaalec na nichiinaxanaxat lo'daxaraic lahita.

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Números 24:6

Mashic 'ec chalego ladogolec chaaviquipi ỹo'viiquichiguiñi, chaqai 'nejem ca nanaxanqa' hueeto'ot na lahi aca lachiugue, chaqai 'nejem ana áloe, lanecse ñi qara'gaxala', ¡chaqai ana cedro hueeto'ot na lahi ca huaxaỹaq!

Marcos 16:1

Ca co'na' ime'uegue so na'xa'a co'mataxaqui, ca' aso María, lase yi Magdala, chaqai aso liỹa María, late'e so Jacobo, chaqai aso Salomé, saua'maxare rishiujnaxandaque so coraxat lo'daxaraic lahita, ca' querepegue' ỹahosaque ỹocorrelec so Jesús.

Juan 19:39

Chaqai so Nicodemo só'maq 'uo' so pe quepegue' so Jesús quiyim ỹahotaque retaxaỹa'pegue', so'maxare nodootaho so treinta kilos quena ỹaleque'ejta' na qo'paq louaq leenaxat mirra chaqai áloes.

Apocalipsis 18:13

chaqai na liỹa li'ỹaac na canela, chaqai ná'maq ỹaleque'ejta' lo'daxaraic na lahita, chaqai na nichiinaxanaxat, chaqai na qo'paq louaq mirra, chaqai na coraxat, chaqai na lataxa, aceite, chaqai lo'yaxanec 'aríña, chaqai na trigo; chaqai na iseripi ni'ỹaaquioxola', qagreta, shipgaq, nahoglena, vire'ta na na'ac ná'maq re'qoochigui qom.