Cantares 4:12 - La'qaatqa ñi qota'olec Qota'olec & Qota'olec Novita Na Qomyipi

¹² Qami' ñapiitaxauo'lli', qami' nanaxanqa' napoota'a, huaxaỹaq lahi' napootau'a, huaxaỹaq ne'paxantashiguim 'ue añi qaỹotocqotalec;

Cantares 4:12 Iomraidhean Croise

Génesis 29:3

Ca co'quena' sá'ogue so iseripi lapoỹata' quiyi'maxare, ca' so neloxoỹaripi naqato' quen so qa', ca' ne'taxan ana qagreta. Ca co'quena' ime, ca lotqai ỹapo'ñigui aso ni'ỹa.

Cantares 4:9

Mashic cuachita añi i'taxanata, qami' lo'yaxana ñapiitaxaua; mashic cuachita añi i'taxanata, ca na'chaqai 'oonoqui' ra'ira'a aỹim, queso 'oonoqui' lequet ana rqola'e'.

Isaías 58:11

Ca' ỹim se neme sashaxañi'sac chaqai 'xoic nqaishin ca qanoqe' quiyi 'laua qaica qom, sa'ue lquesaxanaxa na roshicmaxa'e', 'ec nqaishin qami' ca nanaxanqa' se neme ỹaquitetalec, 'ec ca ne'paxantashiguim huaxaỹaq se neme.

Jeremías 31:12

Nanaqueta, qam ro'ueenaxanta'guit queda netoonaxac quena qoỹoqoshi'ma quiyi Sión, ỹaatqajam le'eetaxat da lqouagaxa ñi qara'gaxala': na trigo, na lataxa chaqai na aceite, na qagreta chaqai ana huaca. 'Neetari' ca nanaxanqa' 'xoic na naquitaxa chaqai tot na'laañi da lquesaxanaxa.

Oseas 6:3

¡Ña'ñaxataq quiyim seuanaxa ñi qara'gaxala'! Ñi qara'gaxala' nacpegueto qomi' ỹaatqajam lliqueta 'ec quena' nenoxonshiguim añi ra'aasa, ỹaatqajam lliqueta 'ec quena' na ỹaxat ỹocorelec na 'laua quiyi cotap chaqai yi nosaxa.

1 Corintios 6:13

Ỹaatqajam llic dá'maq qohinac: Quiyim na na'ic qaỹo'uet quiyim taỹa'ña añi qaracom, chaqai añi qaracom qaỹo'uet qaiyi taỹapi'ña na na'ic. Qam ñi qota'a ỹomate' ma'le ñaua dos. Qam dá'maq sqai llic quiyim na noshicmaxa tau'a nqohin ca dequenaxac. Chaqaidaata quiyim lalamaxat nqohin so qara'gaxala', qaiyi ma' novi' so qara'gaxala', ca nca'laxatec na qaroshicmaxa.

1 Corintios 7:34

Chaqai qai'neeta aca 'aalo mashic 'ue ca loua mesqai 'nejem aca qaica ca loua. Ma' cá'maq qaica ca loua ỹaatqajam ỹalamqajlec quelec so qara'gaxala', ma' ỹahotaque nomatalta' ỹaanot ñi qota'a da no'ueenataxac. Qam acá'maq mashic 'on ỹaatqajam imelec na no'ueenatqaipi huelecna, ma' ỹahotaque ỹa'maqachigui lauel ca loua.

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

Efesios 1:13

Chaqai qai'neete' qamiri, na' 'xaiỹa dá'maq ỹaatqajam lliqueta na'qaatec, na' qaỹa'xat da rca'laxahi, ca' viilec so Cristo, ca' na'yiiu'a so'maxare, ca' 'ue ca netanec nqohine' qamiri, ca' qamiri lalamaxarete' ñi qota'a, chicqochigui nqohin so Espíritu Santo só'maq shi'gue ỹachaxantac ñi'maxare.

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

Apocalipsis 21:27

Qam se ishit inoxoneu'a yi'maxare ca ñaq napio'o, chaqai ca ñaq noqocatapiguilo naua se no'viiñi no'ueenataxaco, loqo'm naua na'majnaxaco. Qainaata inoxono ná'maq qoỹeretañi ca leenaxat aso nelere so 'ec qagreta llaalec, naneretalec ná'maq qaica lqodoc da lca'laxa.

Apocalipsis 7:3

—Se na'axachii na 'laua chaqai ana huaaxai chaqai ana qo'paq, quiyim saqa' setanaq ná'maq lelaatqaipi ñi qota'olec, sahoqai aca netanaqsete huejlec nqaishinaq na latap.