Cantares 4:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ ¡Chalego lo'daxa da neneequesenaxaqui', qami' ñapiitaxauo'lli'! ¡Da neneequesenaxaqui' paguec lo'daxa quena lataxa; chalego lo'daxa lahita na nocoraxachi' quená'ogue na liỹa lo'daxaraic lahita!

Cantares 4:10 Iomraidhean Croise

Cantares 4:9

Mashic cuachita añi i'taxanata, qami' lo'yaxana ñapiitaxaua; mashic cuachita añi i'taxanata, ca na'chaqai 'oonoqui' ra'ira'a aỹim, queso 'oonoqui' lequet ana rqola'e'.

Cantares 5:5

Ca na'le, ca' ñi'laxashiguim, sahotaque sauate'oga so iqo'itaxat. Quenaua iqai'laqate' chaqai naua ñapoquenal 'ue saua llitaxahi quena qo'paq louaq mirra tarelec ñi naconec ñi lasom. ¡Na' sa'xaỹaque retaqa, ca ñauate'e sham yileueta! Sauate'oga quiñi lasom so iqo'itaxat, qam so'maxare totqai hueete'e yi'maxare. Ca chaqa'ma' sedaantaque, qam se sanata, soỹaxantaque, qam sqai saachiguit.

Cantares 7:6

Qami' iqo'itqate, qami' 'aalo maqachaqai, ¡chalego royaaqui', ỹaatqajam qami' lo'yaxana!

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Filipenses 4:18

Ma' ỹim mashic shi'gue paguec ana secoñiguit quecá'maq ñotauanaxac quet, ca cá'maq qanela' na'le queso Epafrodito aso'maxare ỹaatqajam nalau'a ná'ogue ná'maq souentaque. Ca' sojo rotaanaxanqachii aso'maxare 'nejem ca nichiinaxanaxat lo'daxaraic lahita quiyim qaỹavigaxat, ca' qoỹaanot ñi qota'a, ca ỹa'maxarenta ñi'maxare.

Apocalipsis 5:8

Ca na' icona aso lere, ca' saua cuatro ise' nca'leesauec chaqai so veinticuatro qo'xoiquipi ỹa'chi'iñi naua le'cootal quiyi reloqota'ñi so qagreta llaalec. Ca' queso qo'xoiquipi nodaachiguiñi 'ue ana liviigue chaqai lo'qoota'a ana 'taxaqui 'oro, no'qaachigui quena nichiinaxanaxat. Ca' najo nichiinaxanaxat chaqaina ná'maq nqouagaxainaxac ná'maq lalamaxareteripi ñi qota'a.