Cantares 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Na iqo'itaxat 'ec ca re'xone': 'ec ca re'xone' llaalec. ¡Mashic hueete'ena pa'aatauec quiñi lasom, huaqatau'a ana nqote, na'iitapego cañi nqote!

Cantares 2:9 Iomraidhean Croise

Cantares 2:7

'Ỹaañiuec ca ra'qaachiguii, qamiri 'aallipi quena Jerusalén, quena naueenec chaqai quena peele quena no'ueenaxa, quiyim se ỹaqaguita'guit da lelaxac yí'maq iqo'itqate, chi ỹovireto'o' ma' chi neme ca lelaxac.

Cantares 3:5

'Ỹaañiuec da ra'qaachiguii, qamiri 'aallipi quena Jerusalén, quena naueenec chaqai quena peele quena no'ueenaxa, ca' sqai qaicchiỹa'guit da lelaxac yí'maq iqo'itqate, chi ỹovireto'o' ma' chi neme ca lelaxac.

Lucas 24:35

Ca saua'maxare lotqai ra'qaataxane'o' quedá'maq 'neeto' quesaua'maxare queso nayic, chaqai dá'maq 'neeto' na' no'uentegue so Jesús co'na' ỹasectaqchigui ca pan.

Juan 12:41

So Isaías ỹa'xat dajo, ma' iuanchiguio' da lecaic so Jesús, chaqai ỹa'xatetac so'maxare.

Juan 5:39

Qamiri ỹaatqajam 'ue da reuogoxohi quena' napaxaguiñitapegalo naua naneresañi la'qaatqa ñi qota'a, ma' 'ue da naquitaxaguii quiyim chigoqchiỹaugui quiyim nachiỹa ca nca'laxa sqaica lqodoc. Qam chaqainaua naua naneresañi na'qaatqa nauá'maq ỹa'xatesa'guit aỹim.

Juan 5:46

Ma' quetqai viilec dá'maq ỹa'xat so Moisés, ca viilec quet aỹim qai'neeta, ma' so Moisés chaqaỹim ná'maq 'em deraxan na'le.

1 Corintios 13:12

Ca' chaqaida 'nejem nagui 'ue ná'maq seuanaxa, qam napalalec 'ec aca na'ỹoxolate quiyim i'telqatalec. Qam ma' ỹovita ca na'xa'a, ca seuanaxa ỹaatqajam ná'ogue re'qojlec. Ca' nagui saqa' nalogoñi dá'maq sa'den, qam ma'le ma' ỹaatqajam ná'ogue sa'deenta, 'nejem quiñi qota'a ỹa'den aỹim.

Colosenses 2:17

Ma' ná'ogue najo chi lqui'i cá'maq novi' ma'le, qam dá'maq ỹaatqajam leloxoỹaxac chaqaiso so Cristo.

Hebreos 10:1

Ma' da naqataxaquipi chicqo'ot na'le so Moisés 'ec chi la'al cá'maq chalego loyac naỹa'quena, ca' mesqai dá'maq ỹaatqajam no'ueenataxac. Ca' vichiguiño' na naqataxaquipi se ishit ỹa'maxajñi ca qom shim nqo'neu'a ñi qota'a, chicqochigui na qoỹaantapego nachitaxanataxanaxat naua'que ñaxari.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.