Cantares 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ ¡Mashic naata na iqo'itaxat! ¡Mashic sa'qaata'guit da lavillaxac! Naquetalec renoteta'gue ana qa' ladocai, naqueta renoteta'gue ana quemaralec.

Cantares 2:8 Iomraidhean Croise

2 Samuel 6:16

Ca' aso lahite' saua naqataxaco co'na' ỹovira'a yi na'a' neeta'ñi so David, ca' aso Mical só'maq llaale so Saúl ra'ỹauco' caso nqote so lauo'. Ca co'na' idaana'a so David nenotetashiguim chaqai rasotetacot ñi qara'gaxala', ca' aso'maxare ỹaatqajam ra'aguelec so'maxare.

Cantares 4:16

Nonot huaquiaxaic, ¡nelo'irec! Nonot chicqa'gue da 'guiñi, ¡nanaqui'! Pi'chiilec na ỹanaxanqa', qaiyi huaguec na lo'daxa na lahita. Qami' iqo'itaxat, nanaquirepegue' na qadanaxanqachi', ca 'qui' ná'maq lo'daxaraic la.

Cantares 5:2

Ỹim selaqata, qam añi i'taxanata nelootauec. Ca' sa'xaỹaque so iqo'itaxat noỹaxantapego quena lasom, 'naac: ¡Qami' iqo'itqate, huachirigui, ñapiitaxauo'lli', qami' iqo'itqate coviguinco'lli'! ¡Ma' mashic pi'guiloxolchigui na iqahic cana 'ỹa'! ¡Ana 'ỹa' quena pe qui'ñigui na iqahic laue!

Isaías 35:6

ca' na se ra'ñiiguelo naua lichil nenojshiguim 'ec ca re'xone', chaqai na qaicaua caua la'qaatqa, ca ỹaualaq. Quiyi rashivijlec 'laua qaica qom, ca' ne'paxantashiguim ma'le ca quesaxan huaxaỹaq.

Isaías 52:7

¡Chalego loyac ma' qaiuañi'chiguit queetalgoto naua quemaralgoto cá'maq nodo ca no'uen qara'xaỹaxac, cá'maq nodo ca no'daxa, ỹa'xateta'guit quiyim qanaqata'a na Sión, ca 'naac quena'maxare: “Ñi qota'olec caqami', ñi'maxare nashi!”

Lucas 6:23

Ỹaatqajam 'xoic ca raỹaaguii chaqai ỹaatqajam netooñitagui ma'le queca na'xa'a, ma' ỹaatqajam lodegaxat ma'le ca nishiuetenaxaguii queda piguim. Ma' chaqaida da 'neeta so 'auaxaic leta'allipi najo qomyipi 'xoic lqa'viic quesó'maq 'auaxaic letaxaỹaxaquiripi ñi qota'a.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

Hechos 14:10

Ca' so'maxare nelamaxaren, 'naapego': —Nachaachichiriñi, co'ỹaxañiriñi naua richilli'. Ca' so ỹale nenojshiguim, nachajñi, ca chaqa'ma' ỹouoiguiri'.

Hechos 3:8

Ca chaqa'ma' ỹouoiguiri', ca liỹaasaho saua'maxare quiñi no'ueenaxanaxaqui, qauaata chaqai nenotetashiguim, imaqachintac ñi qota'olec.

Apocalipsis 3:20

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.