Cantares 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Yauegougui ñi lqui'ỹaxaqui lauo' so'maxare, re'qoota da lqo'iichi quena' ra'iitaỹot.

Cantares 2:4 Iomraidhean Croise

Ester 7:7

Ca' so nashi Asuero chalego lauel, ca' ne'laxatashiguim, ca chaqa'ma' ca'e ñí'maq 'imec nqui'ỹaxaqui, ca' quepegue' yi nashi lanaxanqa'. Qam so Amán na' retan quiyim so nashi ỹahotaque quiyim qaỹalauat, ca so'maxare no'ueenaugui so nqui'ỹaxaqui, ma' ỹahotaque quiyim ne'xoresene'tot aso nashi Ester quiyim se qaỹalauat.

Job 1:10

Ma' qami' qaica ca ỹoviro'ot nqai'ñi'; 'ootaxañiseguelec ñi'maxare chaqai na llaalqaipi. Ca' qaica ca ỹovira'a, chaqai no'ueenaxachi' ná'ogue ná'maq ỹo'uet. Chaqai ñi'maxare paguec nesallaxanec nqai'ñi' quena lalo quená'ogue na 'laua.

Salmos 84:10

¡Paguec la'maxa quiyim 'oonoqui' ca na'xa'a seuetalec ca nasoxoqui', quecaua mil na'xata' spa'aatauec! 'Ue da ishoxo quiyim ỹim lasom lo'o quiñi lo'ueenaxanaxaqui ñi qota'olec, sqai 'nejem quiyim seueta'ñi ca hua'ñi na se no'uen.

Cantares 1:1

Najo ná'maq paguec loyac quena lo'ueenqaipi so Salomón.

Cantares 1:4

¡Qaỹaloq yi'xachi'! ¡Qami' ỹashi, yaviquira'alo caua qauotochi'! Ñitoonqatac ma' ñaqatqata'guit qami'; paguec so'leentaqataque ma'le da neneequesenaxaqui' quena lataxa. ¡Chaxaso' ma' nqo'ta qami' na 'aallipi!

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Apocalipsis 3:20

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.