Cantares 2:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qami' coviguinco'lli' ỹalamaxarete, nañoxochirouguilo naua lauaco ana qa', quenaua qoỹoqoshi'meguelo nqañoqotqachichi', sahotaque seuañigui na qashiiqui', sahotaque sa'xaỹa ca qavillaxaqui'. Ma' ¡chalego loyac quena seuana qami'! Chaqai ¡chalego lo'daxa quena' sa'xaỹa qami'!

Cantares 2:14 Iomraidhean Croise

Job 9:16

Loqo'm quiyim soỹaxana quiyim noviriua', qam sqa seuelec quiyim na'xaỹaxana quet ca ỹa'qaatec.

Salmos 110:3

Na ralamaxarichi'ipi nañaanot qami' quiyim qami' lashi queca na'xa'a na' huegaxañi'. Ca' da nenocchishiqui' nqo'neetauec quenaua na'xata', quedaua quemaralgoto qari looỹaco ñi qota'olec, 'ec aca 'ỹa' chicqochigui na lauel añi ra'aasa.

Salmos 22:3

Qam ỹaatqajam co'teeta qami'; qami' nashi, ca imaqachintac qami' na Israel.

Salmos 45:11

ma' ñi nashi nqo'teu'a dá'maq royaaqui'; ñi'maxare chaqaiñi ñi ra'gaxalachi', ca' qaiñiita na'xaỹaxañita.

Salmos 45:12

Llaale ñi nashi quiyi na'a' lodegaxat Tiro, yí'maq paguec nesallaxanec quena qomyipi ỹahotaque na lame, sha'apiguito' rqouaquitegue.

Salmos 50:23

cá'maq ỹaantacot aỹim ca na'aachicyaxac, ca' yimaqachin. ¡Ỹim ñca'laxatec cá'maq se neme queetalec da ñayicyaxac!

Salmos 74:19

¡Totaxan coua'ira'e qomi'! Qaica ca qarishaaque 'ec qomi' ca cocon; ¡sqai 'ỹaañichiguita qomi' na iseripi!

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Cantares 1:5

Qamiri 'aallipi quena Jerusalén, ỹim huerai, qam ỹim lo'yaxana; huerai 'nejme' naua co'matqate' quiyi 'laua Cedar, lo'yaxana 'ec na no'ueetaxat ñi lauo' lasom so Salomón.

Cantares 1:8

Ma' qami' paguec lo'yaxana quena lo'yaxanaipi, no'm sqa 'yiiñi' ca hua'gue, ca' quiisa'pegue' ca taỹa'gue na qagretaipi, chaqai qui'ỹaxañi'sac na qalo'e' quetaq llaalqaipi quiyi leseeque'ta na lauo' na'daañi na neloxoỹaripi.

Cantares 5:2

Ỹim selaqata, qam añi i'taxanata nelootauec. Ca' sa'xaỹaque so iqo'itaxat noỹaxantapego quena lasom, 'naac: ¡Qami' iqo'itqate, huachirigui, ñapiitaxauo'lli', qami' iqo'itqate coviguinco'lli'! ¡Ma' mashic pi'guiloxolchigui na iqahic cana 'ỹa'! ¡Ana 'ỹa' quena pe qui'ñigui na iqahic laue!

Isaías 2:21

chaqai i'guenou'guelo ma'le naua lauaco na qa', chaqai quenaua laqacqate' na qa', ỹahotaque nqañoxojñi queda lichic da loviraxac ñi qara'gaxala', dá'maq lauaq quiyim nashi, ma' ñi'maxare ne'laxashiguim, ca no'xalec nqai'en na 'laua queda nqolonaxa.

Isaías 6:5

Ca' da ỹa'deenataxanaxac 'neetasa': ¡'Xoraicolec aỹim; nagui, ca' yileu! Ma' mashic seuana quenaua ñqote' ñi nashi, ñi qara'gaxala' sqaica lqalanec; ma' ỹim qom, ca' se no'viiñi naua ỹa'qaatqa, chaqai salequetaugui na qomyipi se no'viiñi naua la'qaatqa.

Isaías 60:8

¿Negue' ná'maq ỹootajlec 'ec na naueguelec, 'ec na coviguiñiguiripi quepegue' ca lco'viichaqa'?

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 3:16

Ca co'na' qanachilaxan so Jesús, ca na' nenoxonshiguim quiyi huaxaỹaq, ca 'eco' huachigui na piguim. Ca' so Jesús iuañi'chiguit so ne'Espíritu ñi qota'a naỹa'ña so'maxare 'ec na coviguiñic.

Efesios 5:27

qaiyi ma' ỹovita quiyim nachaxana'a nqai'en so'maxare ná'maq mashic icoñiguit da na'qaatec, ca ỹaatqajam co'teeta, qaca aca lete, chaqai ca lesoỹaxa, chaqai canchaqaica 'nejem da'maxare. Ta'ta'a quiyim co'teeta chaqai naloochiguiñi.

Colosenses 1:22

ỹachigoxochichigui da re'qoochigui lelauaxa so Cristo. Dajo 'ne'tegue, ma' ỹahotaque nachaalataxando qamiri, qam co'chiita quecá'maq hueete'e so'maxare, quiyim 'ec qaica ca ro'maxashichii chaqai ca rasauaxashichii.

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

1 Pedro 3:4

Ta'ta'a quiyim ỹanñi cá'maq chalego loyac 'ueetaxac quená'maq se re'xogui, viichigui nqai'en añi le'taxanata. Cá'maq no'uen 'ueenataxac 'ue da loyac chaqai da la'maxa, ma' chaqaida dá'maq ỹapacauec nqai'en ñi qota'a.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

Apocalipsis 5:8

Ca na' icona aso lere, ca' saua cuatro ise' nca'leesauec chaqai so veinticuatro qo'xoiquipi ỹa'chi'iñi naua le'cootal quiyi reloqota'ñi so qagreta llaalec. Ca' queso qo'xoiquipi nodaachiguiñi 'ue ana liviigue chaqai lo'qoota'a ana 'taxaqui 'oro, no'qaachigui quena nichiinaxanaxat. Ca' najo nichiinaxanaxat chaqaina ná'maq nqouagaxainaxac ná'maq lalamaxareteripi ñi qota'a.