Cantares 2:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ So iqo'itaxat 'naac caỹim: Qami' iqo'itqate, ne'laxachirishiguim; qami' iqo'itqate, ỹala'e', qolaq.

Cantares 2:10 Iomraidhean Croise

2 Samuel 23:3

Ñi qota'olec quena llaalqaipi so Israel retaqa; ñí'maq quepaqataxanteguelec na llaalqaipi so Israel 'naapiguiỹa': Ca nashi quiyim reloxoi'a na liỹaripi, ca ỹaatqajam 'maxaraic ca la'deenataxanaxac, ca ỹale quiyim reloxoi'a na liỹaripi, qam ỹaatqajam no'cha'a ñi qota'olec,

Cantares 2:11

¡'Ajñi', mashic ỹoxe'uegue so no'oomaxa, chaqai so ỹaaqateripi mashic ỹoxe'uegue.

Cantares 2:13

Ana 'igo lashi mashic 'ue ana la, chaqai naua 'uva lomaate' mashic huaguec na lo'daxa lahita. Ne'laxachirishiguim, qami' iqo'itqate; qami' iqo'itqate, ỹala'e', qolaq.

Cantares 2:8

¡Mashic naata na iqo'itaxat! ¡Mashic sa'qaata'guit da lavillaxac! Naquetalec renoteta'gue ana qa' ladocai, naqueta renoteta'gue ana quemaralec.

Cantares 5:2

Ỹim selaqata, qam añi i'taxanata nelootauec. Ca' sa'xaỹaque so iqo'itaxat noỹaxantapego quena lasom, 'naac: ¡Qami' iqo'itqate, huachirigui, ñapiitaxauo'lli', qami' iqo'itqate coviguinco'lli'! ¡Ma' mashic pi'guiloxolchigui na iqahic cana 'ỹa'! ¡Ana 'ỹa' quena pe qui'ñigui na iqahic laue!

Jeremías 31:3

ca na' ñaq qoỹoqo'ta, ca ñachaxana. Ca' se'xoren, qam qaica lqodoc da i'xorenataxanaxa; vichiguiño' ñaqai queeta da iqouagaxa.

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

2 Corintios 11:2

Ma' ỹim 'eco' 'ue da ico'ualaxanaxac caqamiri, qam dajo ico'ualaxanaxac ỹaatqajam chicqo'ot ñi qota'a. Ma' ỹim sahotaque so'naxanguita qamiri so Cristo, chaqai sahotaque sauegueu'alo qamiri so'maxare, 'nejem aca nequetegaxai se ỹauanapega 'on, ỹalamqa'chiguit ca loua.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.