Cantares 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' qami' paguec lo'yaxana quena lo'yaxanaipi, no'm sqa 'yiiñi' ca hua'gue, ca' quiisa'pegue' ca taỹa'gue na qagretaipi, chaqai qui'ỹaxañi'sac na qalo'e' quetaq llaalqaipi quiyi leseeque'ta na lauo' na'daañi na neloxoỹaripi.

Cantares 1:8 Iomraidhean Croise

Salmos 16:3

Na lqolaquipi na qomyipi quena 'laua paguec quesaxanaxaiquipi, 'naac ná'maq lashiilqaipi na'maxare.

Salmos 45:11

ma' ñi nashi nqo'teu'a dá'maq royaaqui'; ñi'maxare chaqaiñi ñi ra'gaxalachi', ca' qaiñiita na'xaỹaxañita.

Salmos 45:13

¡Nagui, ca' nenoxono aná'maq nashi llaale ỹaatqajam lo'yaxana no'ueeteta! ¡Naua neloxoqui' 'vii naua lemaqatete' 'oro!

Cantares 2:10

So iqo'itaxat 'naac caỹim: Qami' iqo'itqate, ne'laxachirishiguim; qami' iqo'itqate, ỹala'e', qolaq.

Cantares 4:1

¡Qami' iqo'itqate, ỹaatqajam chalego da royaaqui'! ¡Ỹaatqajam chalego da royaaqui'! Naua nqochichi' 'ec dos coviguiñigo' napoosañi quena napoxogui'i'; na qavi'i' 'ec quetaq llaalcoqui' rishiquitac cada qa' quiyi Galaad.

Cantares 4:10

¡Chalego lo'daxa da neneequesenaxaqui', qami' ñapiitaxauo'lli'! ¡Da neneequesenaxaqui' paguec lo'daxa quena lataxa; chalego lo'daxa lahita na nocoraxachi' quená'ogue na liỹa lo'daxaraic lahita!

Cantares 4:7

¡Ỹaatqajam qami' lo'yaxana, qami' iqo'itqate; ỹaatqajam ỹovirañi da royaaqui'! ¡Ỹaatqajam qaica ca ra'aqshichi'!

Juan 21:15

Ca co'na' ime so lqui'ỹaxague', ca' so Jesús inato' so Simón Pedro: —Qami' Shimoñi', qami' llaalec so Jonás, ¿paguec rqo'chita aỹim quenauajo? Ca' so Pedro 'naaco': —Ajá'a, qami' ỹa'gaxala', qami' 'yiiñi' quiyim yqo'chiraxaua'. Ca 'naaco' so Jesús: —Cha'regue quelollita na ilo qagreta llaalqaipi.

1 Corintios 11:1

Ca' qamiri yadenaxachii, quiitalec ma'le aỹim, ma' aỹim shiqueta'pegue' so Cristo.

Efesios 5:27

qaiyi ma' ỹovita quiyim nachaxana'a nqai'en so'maxare ná'maq mashic icoñiguit da na'qaatec, ca ỹaatqajam co'teeta, qaca aca lete, chaqai ca lesoỹaxa, chaqai canchaqaica 'nejem da'maxare. Ta'ta'a quiyim co'teeta chaqai naloochiguiñi.

Hebreos 13:7

Se couahi'e ná'maq ra'gaxalaripi ná'maq shi'gue ỹa'xatema qamiri da la'qaatec ñi qota'a; 'yiiñitapega dá'maq chicqochigui da nachaalataxac chaqai denaxachiichigui dá'maq 'neeta da lpi'ỹaxac.

Hebreos 6:12

Se sahoqotaque quiyim reualliñi. Ta'ta'a quiyim quiitalec denaxachii só'maq chicqochigui nqai'en da lpi'ỹaxac chaqai da leualaxavic, ca' ỹaconta'piguit dá'maq lalamaxaret ỹachaxantac ñi qota'a.

Santiago 2:21

Ma' ñi qota'a 'naapega quiyim ỹaatqajam lo'yaxanec ỹale so 'auaxaic qareta'a Abraham quedá'maq ỹo'uet na' inaxalec ada ncopatoxonaxalate so llaalec Isaac ỹauaaque lachitaxanataxanaxat.

Santiago 2:25

Ca' dá, 'neeto' na'le aso nanatqa lo'o', leenaxat Rahab; ñi qota'a ỹa'maxarenta, ca' 'naapega quiyim lo'yaxana 'aalo quedá'maq ỹo'uet. Ma' so'maxare la'qarañi nqai'ne' quiyi la'a' saua qaỹauaapigui na'ajnaxanqajanqa, chaqai ỹotauane' quiyim ỹoqa'a ca nayic queetere'uegue nqai'ne'.

Santiago 5:10

Qamiri ỹaqaỹa', coñiỹa quiyim denaxachiichigui da le'xoric chaqai da leualaxavic so la'qaataxanqajanqaipi ñi qota'a na' qailarelec quiñi'maxare quiyim ỹa'xat da na'qaatec.

1 Pedro 3:6

Ca' chaqaida 'neeto' na'le aso Sara, ma' ỹaatqajam na'xaỹaxane'ta so Abraham. Ca co'quena' roỹaxana, ca 'naaco' quen “ỹa'gaxala'”. Qamiri qai'neeta viriỹau'a ma'le quiyim 'ñiita aso'maxare, no'm 'viichii ca ỹa'maqachiguiñi chaqai qaica ca ro'chiỹaque.