Cantares 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Vite, ca 'ñirapiguiỹa' qami' lqo'itaxat da ñachaalataxac, ¿hua'gue ca reloxoiqachi' cana qalo'e' qagreta?, ¿hua'gue ca nco'matqa' nqai'ñi' quiyi na'xa'a lavinñi? Ma' ¿chi'negue queta' 'ec so'meetegueri' quena laloipi na nauegaxauachi'ipi?

Cantares 1:7 Iomraidhean Croise

Génesis 37:16

—Sedaantapiguii caua ỹaqaỹa' —'naaco' so José—. ¿Tegue' chaqai 'yiiñi' ca hua'gue ca leloxoiqate' caua'maxare queca qagretaipi?

Cantares 5:8

Qamiri 'aallipi quena Jerusalén, no'm huañijlec ca iqo'itaxat, ca' 'ỹaañiuec ca ra'qaachiguii quiyim 'ñiỹapega mashic yileuetac queda iqo'iichi.

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Isaías 5:1

So'uen ca ỹo'ueenec taỹalec nqaishin ñí'maq ỹaatqajam ñauochaxaua, da ỹo'ueenec taỹaugui nqaishin yi lanaxanqa'. Ñi ñauochaxaua 'ue yi lanaxanqa' 'uva loma' quiyi ỹaatqajam lo'yaxanec 'laua.

Miqueas 5:4

Cajo nashi ne'laxashiguim ma'le quiyim reloxoỹa'a na lalamaxareteripi queda lquesaxanaxa chaqai da lecaic ñi qara'gaxala' qota'olec. Ca 'xoic ca no'daxa ma'le quenajo, ma' cajo nashi qaimaqachin ma'le quenaua'que naua lahil na 'laua.

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.

Juan 10:11

Ỹim ná'maq ỹim no'uen qagreta lo'o. Cá'maq no'uen qagreta lo'o ỹaanec da nachaalataxac cana qagretaipi.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

1 Pedro 2:7

Caqamiri ma' mashic viilec, ca' sojo qa' chalego da lovic, qam quená'maq sqai huelec, ca' ipaquichigui ma'le dá'maq naneretañi la'qaatec ñi qota'a: So qa' ỹañijno' na'le so 'imec lo'ollipi, ca ỹovira'a quiyim chaqaiso só'maq nollaañi ca 'imec.

1 Juan 2:19

Saua'maxare inoxondec chicqotouguilo qomi', qam llic quiyim mesqai ỹaatqajam qariỹa'. Ma' quetqai ỹaatqajam qariỹa', ca' se noỹooterec quet coqomi'. Qam dajo 'neeta, qaiyi ỹaatqajam re'qoota quiyim ná'ogue mesqai qariỹaripi.

Apocalipsis 7:17

Ma' ñí'maq qagreta llaalec ñí'maq neetañigui na lavinñi yi nashi nqa'xanqa', ñi'maxare reloqota'a 'neeta'gue aca qagreta, chaqai ỹauega ca hua'ñi na ne'paxantashiguim huaxaỹaq chicqaugui da nca'laxa. Chaqai ñi qota'olec nquiỹouec ná'ogue na lachiripi quenaua nqote' na'maxare.

Rut 2:21

Ca' aso Rut lotqai 'naaco': —Qai'neeta 'naac caỹim quiyim shiquetalec se'palaxantac, iỹaatac na lelaataipi, chi ỹovireta'a ime qanaqat ana la yi lanecsec.