Cantares 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Totaxan ra'iigui dá'maq quiyim ỹim huerai, ma' yavigaxat añi ra'aasa. Na iqaỹaripi ro'iiua', ca' yilarelec quiyim seloqota'a yi 'uva loma', ¡ca' se squelola yí'maq ỹaatqajam ỹanaxanqa'!

Cantares 1:6 Iomraidhean Croise

Jeremías 8:21

Salecau'a da le'xoric na iuo' laseripi; da lachicoxo chaqai da lqolonaxa 'eco' spa'aalec aỹim.

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Mateo 10:25

Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Marcos 4:6

Qam co'na' nenoxonshiguim aso ra'aasa, ca' ỹavic, ma' sqoỹoxo'ñiguilo naua lpa'yii. Ca' ỹaso.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Gálatas 4:29

Qam chaqaido' dá'maq 'neeto' na'le, quiyim só'maq ñaalec re'qoochigui da ne'xaỹoqsoxoc, ỹaatqajam ỹocanac só'maq liỹa ñaalec chicqo'ot da ne'xaỹoqsoxoc so Espíritu Santo, ca' chaqaida dá'maq 'neeta nagui qai'neeta coqomi'.