Cantares 1:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qamiri 'aallipi quena Jerusalén, ỹim huerai, qam ỹim lo'yaxana; huerai 'nejme' naua co'matqate' quiyi 'laua Cedar, lo'yaxana 'ec na no'ueetaxat ñi lauo' lasom so Salomón.

Cantares 1:5 Iomraidhean Croise

Salmos 45:9

Cana 'aalo quiyim qami' nashi 'ue ana nashi llaale; ca' queda qatoiqui' pa'aata'gue añi roua'e' nashi, no'ueetaxat ná'maq paguec loyac 'oro.

Salmos 90:17

Ca' da lqouagaxa ñi qara'gaxala' qota'olec hueetalgoto qomi'. ¡Qami' qara'gaxala', 'taxachiriñi da qaro'ueenataxanaxac! ¡Ajá'a, paguec 'taxachiriñi da qaro'ueenataxanaxac!

Cantares 2:14

Qami' coviguinco'lli' ỹalamaxarete, nañoxochirouguilo naua lauaco ana qa', quenaua qoỹoqoshi'meguelo nqañoqotqachichi', sahotaque seuañigui na qashiiqui', sahotaque sa'xaỹa ca qavillaxaqui'. Ma' ¡chalego loyac quena seuana qami'! Chaqai ¡chalego lo'daxa quena' sa'xaỹa qami'!

Cantares 2:7

'Ỹaañiuec ca ra'qaachiguii, qamiri 'aallipi quena Jerusalén, quena naueenec chaqai quena peele quena no'ueenaxa, quiyim se ỹaqaguita'guit da lelaxac yí'maq iqo'itqate, chi ỹovireto'o' ma' chi neme ca lelaxac.

Cantares 3:5

'Ỹaañiuec da ra'qaachiguii, qamiri 'aallipi quena Jerusalén, quena naueenec chaqai quena peele quena no'ueenaxa, ca' sqai qaicchiỹa'guit da lelaxac yí'maq iqo'itqate, chi ỹovireto'o' ma' chi neme ca lelaxac.

Cantares 4:3

Naua qadapchi' togue' 'ec ca qo'laaxaic toc chaqai lo'daxaraqa naua ra'qaataxahi'. Naua rashilqui' 'ec caua granada lahil richiitau'alo quena napoxogui'i'.

Cantares 5:8

Qamiri 'aallipi quena Jerusalén, no'm huañijlec ca iqo'itaxat, ca' 'ỹaañiuec ca ra'qaachiguii quiyim 'ñiỹapega mashic yileuetac queda iqo'iichi.

Isaías 53:2

Ñi qara'gaxala' ỹahotaco' quiyim so lelaatec queda llaxataxac 'ec aca nanecse ra'lliitam, ca' ta'iñi naua lpa'yii quena 'laua rashivita. Qaica ca loyac chaqai sqa taiguit da no'ueenataxac, chaqai dá'maq no'ueenataxac qaica ca lemaqachic;

Isaías 60:7

Ná'ogue ana qagreta quiyi Cedar qalo'e' ma'le; na qagreta louaaripi quiyi Nebaiot rovinqui' ma'le, ca ma'le, ca 'ỹaañitot ñi qara'gaxala' quiyi lanatqa', ca' cajo name icoñi'chiguit, ca ñi'maxare ma'le paguec nqo'naxatec da loyac ñi lo'ueenaxanaxaqui.

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Ezequiel 16:14

Chaqai vichirau'a quiyim qami' choxorai quená'ogue na ỹoreta'oguit qomyipi queda royaaqui'. Ỹaatqajam ralo'ichiriñi queda remaqachiqui' quená'maq no'ueetaxachi' sa'ue. Ỹim na'gaxala', se'taxajñi da ỹa'qaatec.

Mateo 10:25

Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Mateo 22:11

Co'na'le, ca' so nashi inoxono ra'ajnaxaneu'a so nalecseripi. Ca' iuanejlec so 'óna ỹalequetaho, qam sqai ỹansañi caua noho 'ueetaxaqui' quiyim qaỹalequetau'a ca shilaq.

Lucas 13:34

¡'Xoraiqolqa qamiri ñiita'ñi na Jerusalén, ma' qamiri lauachiỹac na la'qaataxanqajanqaipi ñi qota'a, chaqai naxahitalec quena qa' ná'maq nelaatalo qamiri ñi qota'olec! ¡Ỹoto'o' quiyim sahotaque llapoonta' na qachaalaxai'pi, shine'tegue quiyim 'ec aca huaqa'e quena' lapoonta' na llaalqaipioqui', illo'oto naua laua', qam sqa 'maxariñii!

Lucas 15:22

Qam so leta'a 'naapego' so lelaatqaipi, 'naaco': “Chaqa'ma' coñiỹalo caua no'viiñi noho, ca' ỹañiñi nqai'ñii, chaqai ỹanñi nqai'ñii aca lichicshaqate chaqai caua lapelate'.

Romanos 13:14

Ta'ta'a quiyim ỹaatqajam 'goxoñiỹa so qara'gaxala' Jesucristo, chaqai totqai 'yiiñiỹapega quiyim quiitalec na se no'uen lamaanaxanqachic na roshicmaxahi.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

Gálatas 4:26

Qam se na'á yí'maq Jerusalén hueeta'gue da piguim, ca' qomi', qomi' llaalqa yi'maxare.

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

1 Juan 3:1

Ñaqai 'ajñii dá'maq chalego le'xorenataxanaxa ñi qota'olec coqomi' quiyim qohinac qomi' llaalqa ñi'maxare, qam llic qomi' llaalqa. Vichiguiño' ná'maq ñaq ỹo'ueetetac na nanatec hueetalec ana 'laua se ỹa'deene' qomi', ma' se ỹa'den ñi qota'a.