Cantares 1:2 - La'qaatqa ñi qota'olec Qota'olec & Qota'olec Novita Na Qomyipi

² ¡Ñaq yqo'goqe'! Paguec lo'daxa quena lataxa quena' yiñiiquishiñi'sac,

Cantares 1:2 Iomraidhean Croise

Génesis 29:11

Ime, ca' iquin chaqai nqo'goq, ca' noỹentac.

Génesis 45:15

Na' ime, ca' so José nqo'goq so lqaỹaripi, ca' noỹen quena' qa'aalgue. Ca na' ime dajo, ca saua lqaỹa' qaigueme ishite' retaxaira'pegue'.

Salmos 36:7

¡Chalego loyac da re'xorenataxanaxa'e', qami' qota'olec! ¡I'guenoto naua rauachi' na qomyipi, ma' huotaque quiyim 'ootaxañirelec!

Cantares 1:4

¡Qaỹaloq yi'xachi'! ¡Qami' ỹashi, yaviquira'alo caua qauotochi'! Ñitoonqatac ma' ñaqatqata'guit qami'; paguec so'leentaqataque ma'le da neneequesenaxaqui' quena lataxa. ¡Chaxaso' ma' nqo'ta qami' na 'aallipi!

Cantares 2:4

Yauegougui ñi lqui'ỹaxaqui lauo' so'maxare, re'qoota da lqo'iichi quena' ra'iitaỹot.

Cantares 4:10

¡Chalego lo'daxa da neneequesenaxaqui', qami' ñapiitaxauo'lli'! ¡Da neneequesenaxaqui' paguec lo'daxa quena lataxa; chalego lo'daxa lahita na nocoraxachi' quená'ogue na liỹa lo'daxaraic lahita!

Cantares 7:6

Qami' iqo'itqate, qami' 'aalo maqachaqai, ¡chalego royaaqui', ỹaatqajam qami' lo'yaxana!

Cantares 7:9

na noquiaqe' 'ec ná'maq no'uen lataxa quiyim chi resaullichi'ñigui quena naapi' chaqai quenaua nouee.

Isaías 25:6

Cada qa' ladocai leenaxat Sión ñi qara'gaxala' qaica lqalanec 'ue ca ỹa'maxajñi ma'le quená'ogue na ỹoreta'oguit qomyipi ỹo'uet ca nqui'ỹaxac lodegaxat chalego loyac chaqai na ñaauapec lataxa, chalego lo'daxa na na'ic chaqai ná'maq no'uen lataxa.

Mateo 26:26

Ca co'na' ñaq que'eeta'pe, ca' so Jesús ỹacona so pan, ca ỹaanot da na'aachic ñi qota'olec. Ca na' ime, ca ỹasectaxachigui, ca ỹaanouguilo saua lapaxaguinatqa. Ca 'naaco': —A'guii, najo ná'maq ỹoshicmaxa.

Lucas 15:20

Ca' quiyi, ca' eec, pila yi la'a' so leta'a. Ca co'na' ñaq qoỹoqo'chiguit, ca so leta'a ỹauañi'chiguit so'maxare. Ca' ỹaatqajam 'uo' da le'xorenataxanaxa. Ca' ne'guenta ca'guit. Ca co'na' ỹovichiguit, ca' qa'aalegue chaqai nqo'goq.

Hechos 21:7

Somataq qolqatañigui aso huaaxai na' sachigoxosqochi'ñi yi Tiro, na' sovitaxa Tolemaida. Ca' quiyi, ca ñiquinqata'pegue' so qarqaỹaripi, ca senqa'anyi queso 'óna na'xa'a.

1 Pedro 5:14

Ca' quiyim niquiñiỹata', ca nqo'goxoỹata' chaqai ỹaatqajam ne'xoriñiỹata'. Chaqai quiyim qamiá'ogue 'ue da ra'maxahi mashic qamiri lalamaxarete' so Jesucristo. Ajá'a, chaqaida 'neeta dajo.