Apocalipsis 9:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qam se qaỹa'maxaren quiyim ỹalauat na qom. Ta'ta'a quiyim chi ỹo'uet da nqui'ic quecaua cinco shiriguiri. Ca dá'maq nqui'ic nqai'en queca qom 'ec dá'maq quena' qaỹa'caañi caca pa'lotoxoic late'e.

Apocalipsis 9:5 Iomraidhean Croise

Job 2:6

Ca' ñi qara'gaxala' 'naaco' queso na'ỹaapec: —Hua', ỹa'maqachiguiñi. Nagui 'viiquiñi'sac ñi'maxare quecá'maq 'ñi'sa'gue, qam sqai huooquirau'a da nachaalataxac.

Ezequiel 2:6

Qami' ỹale, totaxan ro'chita yi'maxare chaqai cá'maq 'naac caqami', 'eno'm 'ec vi'sañigui ca leesat loqo'm 'ec vi'sañigui ca pa'lotoxoiquipi. Totaxan ro'chita cá'maq 'naac yi'maxare caqami' chaqai quiyim na'axachigui na lashic, 'eno'm chalego re'qoota da lauel caqami', qam se ro'daxachirec.

Daniel 7:6

Ca' so liỹa 'ec na regat ramoqogui, qam 'vii saua cuatro laua' quena lelaq; qai'neeta seuane'talo saua cuatro lqahigo' chaqai qoỹaanem da lquesaxanaxa.

Juan 19:11

Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

Apocalipsis 11:7

Ca noma' ỹomate' dá'maq ỹo'ueetesac, ca' nenoxonshiguim so isecỹac lodegaxat chicqa'ña yi lapooqo' na lqui'i na leuaxaiquipi. Ca reloquia'to saua dos, ca loxonqa ma'le, ca' ỹalauate'.

Apocalipsis 13:5

Chaqai qai'neeta qaỹasene'tem quiyim se no'uen ca ỹa'xat quenaua na'qaatqa quiyim npa'guenta'to ñi qota'a, chaqai quiyim relaataxantac quecaua cuarenta y dos shiriguiri.

Apocalipsis 13:7

Chaqai qai'neeta qoỹaanem so isecỹac quiyim nalauate'e' ná'maq lalamaxareteripi ñi qota'a, vire'ta quiyim loxonqaipi; chaqai qoỹaanem quiyim ila', ỹoiquentac ná'ogue na qomyipi ỹoreta'oguit na la'qaatec.

Apocalipsis 9:10

Ca na lqai'it ana'maxare 'nejem lqai'it ana pa'lotoxoic late'e, 'ue añi la'na, 'ue da ledoonaxa, qaiyi ishit na'axat na qom quecaua cinco shiriguiri.

Apocalipsis 9:3

Ca' quesojo nesalaxaripi chicqotougui aso 'xoic piñai, ỹouec, quelec na 'laua. Ca' aso piñai qoỹaanem quiyim 'ue na ledoonaxa 'nejem na pa'lotoxoic late'e hueetalec ana 'laua.