Apocalipsis 9:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.

Apocalipsis 9:20 Iomraidhean Croise

2 Reyes 22:17

Ma' na'maxare yalat na'le, ca ỹavigaxatetac na lichiinaxanaxat quiyim ỹaantacot na nashiilec nqolaquipi, ca' ỹaatqajam yo'ooqochit quená'ogue ná'maq ỹo'ueetetac. Ca vichiguiño' 'eco' ỹachipina'a da ỹonogoxonaxac quenajo 'laua, ca da'maxare qaica ca nemanñi nqai'en.

Isaías 2:8

¡Qam qai'neeta no'qajlec quena nashiilec nqolac! So qomyipi nqouagaxaintacot ná'maq 'neetapega qota'olec, qam lo'ueenatec quenaua chi lqai'laqate' chaqai quenaua chi napoquena.

Jeremías 1:16

Dajo dá'maq nouaxanaxaset so'uet ma'le sauaxat da lasauaxaset, ma' yalat ca'e aỹim na' copata'a na lichiinaxanaxat chaqai ỹa'dooto naua le'cootal na 'naac qota'olqaipi, chi lo'ueenatec yi'maxare.

Jeremías 44:8

¿Chi'negue ma' yo'ooqochichii quedá'maq ro'ueenataxanaxaguii chaqai 'viichii na richiinaxanaxachii quena ỹoqa'a qota'olqaipi quena Egipto ná'maq naguipegue' quiyim ñiỹa'ñi? Ca' quedajo, ca' viitaque cá'maq chi relauaxahi, ca' ñigui quiyim qamiri naloqojnaxanaxaqui' quiyim 'ue ca qaỹa'xat se no'uen queca qom chaqai qamiri ne'naqa quená'ogue na ỹoreta'oguit qomyipi quena 'laua.

Daniel 5:23

Ta'ta'a quiyim qami' ỹashi chaqai 'ñirari' ñi qara'gaxala' queda piguim na' laataxañira'alo so 'taxaquiripi ỹoreta'oguit da no'ueenataxac lalamaxaret na'le ñi no'ueenaxanaxaqui quiyi Jerusalén, ca' ỹoxoiguilo queso lataxa, ca' ni'chiiguilo queso qatallicshichi'ipi, chaqai maqachiñi'sac so rashiilqui'ipi nqolaquipi chicqaugui na 'oro, plata, bronce, fierro, qo'paq chaqai na qa', najo nashiilqaipi se reuanaxan, sqai 'qaa chaqai qaica ca ỹa'den. Qa'chica qami' sqai maqachiñi' ñi qota'olec ñí'maq no'qootañi da nachaalataxaqui' qami' ỹashi, chaqai hueeto'ot ná'ogue ná'maq 'viichi'.

Daniel 5:4

Ca sá'ogue só'maq nqa'xantañi ne'teetac queso lataxa, ca imaqachintac so lashiilec nqolaquipi qaỹachigoxotaugui na 'oro, plata, bronce, fierro, qo'paq chaqai na qa'.

Mateo 21:32

Ma' só'maq nachilaxanataxanaq leenaxat Juan novi' quiyim ỹapaxaguine' qamiri quedá'maq no'uen ñicyaxac, qam sqai viilec. Qam ná'maq icona'piguit ana nishiuete so nashi chaqai ana nedequenaxai huelec so'maxare. Qam qamiri ỹaatqajam huañichigui dajo, qam se retacochahi quiyim viilec.

Hechos 17:29

Vichiguiño' nagui, ma' qomi' llaalqaipi ñi qota'olec sqai hueetapigui qouel quiyim ñi'maxare shinqatapega quiyim 'nejem ca nashiilec nqolac oro, loqo'm ca plata, loqo'm ca qa', chi lo'ueenatec ca qom quecá'maq chi la'deenataxanaxac.

Hechos 19:26

Qalaxam qamiri mashic huañiỹa chaqai 'xaichigui queso ỹale, leenaxat Pablo. So'maxare ỹa'xatetac quiyim mesqai qota'a na chaqai qom lo'ueenatec nashiilec. Ca 'xoic na qom huelec so'maxare, chaqai mesqainaata quenajo Efeso, qai'neeta naua'que naua 'lauari quena Asia.

Hechos 7:41

Ca' so qomyipi ỹo'ueeto' so huaqui llaalec, ỹahotaque la'gaxala'. Ca co'na' ime, ca ralauataxanlec quená'maq chi laloipi, ỹa'ue lachitaxanataxanaxat quiyim ỹaanot so ladenqatec. Ca netoonta'pegue só'maq chi lo'ueenatec.

2 Corintios 12:21

Chaqai 'ue da itelaxa quiyim ma' liỹa sovitalo qamiri, ca' ñi qota'olec ỹo'uet quiyim ñauata'guit ca ỹayiloxo nqai'en caqamiri, chaqai quiyim 'xoic ca ñoỹenlec caqamiri quiyim shi'gom na rasauaxashichii, chaqai saqa' 'xañiñi na napio'xot da chaalataxac, chaqai da dequenaxac, chaqai quiitalec na ramaanaxanaxahi quenanchaqaina.

1 Timoteo 4:1

Qam so Espíritu Santo ỹaatqajam ỹa'xateta'guita naua co'uaataxante' na'xata', ca 'uo' ma'le ca totqai quelec da lpi'ỹaxac, queeta'pegue' na se re'xogui yinaxanaxaiquipi, chaqai na'xaỹaxantapega na napaxaguinataxanaxaquipi chicqo'ot na lelaatqaipi so na'ỹaapec.

Apocalipsis 15:1

Ca seuane'ta quena piguim aso liỹa chalego lecaic netana ỹo'uet da ne'laxa: Siete saua nelaatqa piguim lase' i'xatete' saua siete pa'aaterec nqa'viico. Ca' quesaua, ca' ỹovita ca lqodoc ca lonogoxonaxac ñi qota'a.

Apocalipsis 16:8

Ca' so liỹa nelaatec piguim le'ec co'taxachigui aso 'taxaqui, ỹocorelec añi ra'aasa. Ca' añi ra'aasa qoỹaanem quiyim ỹavigaxat na qom quena lauaq.

Apocalipsis 9:19

Ma' da lquesaxanaxa sojo shipiguiripi hueetaugui na lap chaqai na lqai'it. Ma' na lqai'iteripi 'ec na nanaic 'ue na lqahic, ca' ishit quiyim ra'gaxana na lqai'it.

Apocalipsis 9:21

Chaqai qai'neeta sqai ỹaxanñi da lalauataxanaxac, da le'naxanaxac, chaqai da nedequenaxac, chaqai da locataxac.