Apocalipsis 9:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca na' pi'chigui aso lpe'te so liỹa nelaatec piguim le'ec, ca seuane'ta aso huaqajñi shi'co' najñi, chicqo'ot na piguim, hueetalec na 'laua. Ca' asojo huaqajñi qoỹaanem aso lauaatqate aca tema lapooqo' na lqui'i na leuaxaiquipi.

Apocalipsis 9:1 Iomraidhean Croise

Isaías 14:12

¡Nachiriño' quena piguim, qami' huaqajñi nete'ese! ¡Qanenaxaño' qami' quena 'laua, qami' qadoxonqui' quen ná'ogue na ỹoreta'oguit qomyipi!

Lucas 10:18

Ca' so Jesús 'naaco': —Ajá'a, ỹim seuanchi'ñigui na'le so na'ỹaapec na' najñi, chicqo'tot na piguim, 'ec na nqai'legaxa.

Lucas 8:31

Ca' sojo ne'ec lecmaxaiquipi ne'xoresene'tot so Jesús quiyim se ilari'ña ca nqa'viinqa' na sauaqhuaiquipi.

Romanos 10:7

'neeto' lotqai 'ñirac: ¿Nega'ỹo' ca ishit ta'ña yi loma' na lqui'i na leuaxaiquipi?” —ca' dajo 'neeta quiyim qanavicshiguim so Cristo chicqochiguiñigui nqohin na leuaxaiquipi.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

Apocalipsis 1:20

Ca' dajo dá'maq leloxoỹaxague' se re'xogui taỹauguilo saua siete huaqajñi huañichiriguilo llo'qoota'alo queda ỹoic, chaqai quesaua siete ncoỹeraxanaxaqui' 'oro: saua siete huaqajñi taỹaugui quiñi 'óna nelaatec quená'maq reloqota'a ná'maq mashic icoñiguit da na'qaatec neetalgoto yaua siete 'lauari, chaqai saua siete ncoỹeraxanaxaqui' taỹauguilo sauá'maq neetalgoto yaua siete 'lauari.

Apocalipsis 11:7

Ca noma' ỹomate' dá'maq ỹo'ueetesac, ca' nenoxonshiguim so isecỹac lodegaxat chicqa'ña yi lapooqo' na lqui'i na leuaxaiquipi. Ca reloquia'to saua dos, ca loxonqa ma'le, ca' ỹalauate'.

Apocalipsis 17:8

Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.

Apocalipsis 20:1

Ca na' ime, ca seuane'ta so nelaatec chicqotashiguim queda piguim, lo'qoota'a aso lauaatqate yi lapooqo' na nqui'illipi, chaqai lo'qoota'a so chalego lecaic ncoñiitaxanaxat.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.

Apocalipsis 6:13

Chaqai ana huaqajñi najñi queda piguim, taalec na 'laua, 'nejem ana higo lashi najñi ana la ladala quena' qoyiquejlec queca nonot quesaxanaxaic.

Apocalipsis 8:10

Ca' so liỹa nelaatec piguim le'ec pi'chigui aso lpe'te, ca' najñi aso chalego lecaic huaqajñi, chicqo'ot na piguim, ỹaviquetaugui 'ec ana ncoỹeraxanaxaqui. Ca' 'óna ca tajlec quecaua tres quená'ogue na lachiuguellipi chaqai ná'maq hua'ñi na ne'paxantashiguim huaxaỹaq.

Apocalipsis 8:12

Ca' so liỹa nelaatec piguim le'ec pi'chigui aso lpe'te, ca 'om nalahi añi ra'aasa chaqai ñi shiraigo. Chaqai quecaua tres, 'óna añi 'om caná'ogue ana huaqajñi, ca sham lavinñi yi na'xa'a chaqai yi pe 'ue so napalaxa.

Apocalipsis 8:2

Ca na' ime, ca seuane'talo saua siete nelaatqa piguim lase', nachaatesañi, reloqoso'ot ñi qota'a. Ca saua'maxare qoỹaanema saua siete npe'tel.

Apocalipsis 9:2

Ca na' ime, ca ỹauachi'ña caso tema. Ca' quiyi, ca taashiguim na lesalaxaripi 'ec chicqaugui ca chalego lecaic nqatelaxanaxaqui. Ca' so lesalaxaripi aso tema, ca chicqochigui 'ue so napalaxa, ma' ỹapolec añi ra'aasa chaqai ná'ogue.