Apocalipsis 8:3 - La'qaatqa ñi qota'olec Qota'olec & Qota'olec Novita Na Qomyipi

³ Ca na' ime, ca lotqai novi' so liỹa nelaatec piguim le'ec no'qoota'a so nichiinaxanaxat lahi' 'oro. Ca' nachaato caso ncopatoxonaxalate. Ca 'xoic so qoỹaanem nichiinaxanaxat, ma' qaỹahotaque ỹaano liỹaataho nqai'en na nqouagaxainaxaquipi ná'maq lalamaxareteripi ñi qota'a, qaillaalec aso ncopatoxonaxalate 'oro queda reloqota'gue so nashi nqa'xanqa'.

Apocalipsis 8:3 Iomraidhean Croise

Éxodo 40:26

Ca' so Moisés pa'xanauo qai'neeta so 'oro ncopatoxonaxala' quena lauel, naloote'oga nqai'en yi napoxonaxat.

Isaías 6:6

Ca' quiyi na'le, ca' 'ue so 'óna quesauá'maq ỹaviquetauguilo naỹo'ña aỹim, lo'qoota'a aso poqo ỹachigoxotalec ada ncopatoxonaxalate, ỹahote'e aso leconaxanqate.

Amós 9:1

Ca seuane'ta ñi qara'gaxala' nachaatetañi, huaqate'e' ada ncopatoxonaxalate. Ca 'neetapiguiỹa': Huaxañitot da huashi'mquera ana nojnaxa ỹa'yiguit na lelaq na no'ueenaxanaxaqui, vire'ta ma' i'loxol nqai'ñi' da hua'nquira; ¡najñi nqai'ñi' na lelaq lahillipi, taalec nqai'ñi' na qomyipi! Ca ná'maq nca'leuec qohit, ca' salauat, sodoota'a na lecat: ca 'eno'm ỹahotaque 'eet, qam qaica ca 'oonolec nca'leuec nqaishin.

Malaquías 1:11

Quená'ogue na qomyipi quena 'laua imaqachintac aỹim; chaqai quenaua'que naua lahil na 'laua qaicopata'a na nichiinaxanaxat quiyim qayimaqachin chaqai qaỹa'ue na nachitaxanataxanaxat, qam chalego la'maxa.

Lucas 1:10

Ca co'na' ñaq ỹavigaxatetac so nichiinaxanaxat, ca sá'ogue so qomyipi nqouagaxaintac, pa'aatauec queso nasoxoc.

Romanos 8:34

¿Negue' queto' cá'maq ishit quiyim ỹa'ue ca nouaxanaxaset? Ma' so Cristo só'maq ileu, chaqai qai'neeta paguec quiyim chaqaiso só'maq liỹa nca'leuec, chaqai neeta'gue da loic ñi qota'a, rashiilaxanteguelgoto qomi'.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

Hebreos 9:4

Hueetaugui aso ncopatoxonaxalate 'oro, aso'maxare ncopatoxolate na nichiinaxanaxat. Chaqai aso lahi' so naqataxaquipi, aso'maxare sá'ogue qaỹa'meenlec quena 'oro, so'maxare hueetañigui aso nehoma 'oro hueetagui so pan leenaxat nega'ỹo' ná'maq najo. Qai'neeta hueeta'anyi aso lashilete so Aarón só'maq liỹa no'ualauco' na'le, chaqai saua qari naneretalgoto saua na'qaatqa queso 'maqataxac.

Apocalipsis 10:1

Ca na'le, ca' seuane'ta so liỹa nelaatec piguim le'ec ỹaatqajam quesaxanaxaic, chicqotashiguim queda piguim, hueetaugui so naueguelec, chaqai na lqahic hueetalec so qoñi'gue. Chaqai na lashic 'nejem na ra'aasa lauaq, chaqai naua lichil 'ec na norec lauaq.

Apocalipsis 14:18

Ca' nenoxonec so liỹa nelaatec piguim le'ec chicqojlec ada ncopatoxonaxalate, hueeto'ot quiyim ilarac so norec. Ca' netenegue da loỹaxanaxac na' roỹaxana só'maq lo'qoota'a so lichaqsoxonaxat, 'naacsa': —'Ueenataxañita na richaqsoxonaxachi' ỹaxaraic, ca lapooñi' ana laxale ana 'uva mashic ỹiita hueetalec ana 'laua.

Apocalipsis 5:8

Ca na' icona aso lere, ca' saua cuatro ise' nca'leesauec chaqai so veinticuatro qo'xoiquipi ỹa'chi'iñi naua le'cootal quiyi reloqota'ñi so qagreta llaalec. Ca' queso qo'xoiquipi nodaachiguiñi 'ue ana liviigue chaqai lo'qoota'a ana 'taxaqui 'oro, no'qaachigui quena nichiinaxanaxat. Ca' najo nichiinaxanaxat chaqaina ná'maq nqouagaxainaxac ná'maq lalamaxareteripi ñi qota'a.

Apocalipsis 6:9

Ca na' so qagreta llaalec ỹauachigui aso liỹa netanaxanqate, ca seuane'ta na lqui'illipi ná'maq qaỹalauato' na'le sauaxat quiyim ipaquichigui i'taxajñi nqai'en da la'qaatec ñi qota'a. So'maxare hueeta'ñi yi pa'aañi caso ncopatoxonaxalate.

Apocalipsis 7:2

Qai'neeta seuane'ta so piguim le'ec chicqa'gue da lqodoigue, lo'qoota'a aso letanaxanqate ñi qota'a ñí'maq nca'leetauec. Ca' sojo piguim le'ec ỹaualaq, qam ỹaatqajam netenegue da laualaxac quesaua cuatro nelaatqa piguim lase' sauá'maq iconchiguito' na'le da lquesaxanqa' quiyim na'axat na 'laua chaqai ana huaaxai. 'Naacsa':

Apocalipsis 8:4

Ca' queda lqai'laxat so nelaatec piguim le'ec chicqochigui so nesalaxaripi, taashi'ma ñi qota'a, liỹaatashiguim na nqouagaxainaxaquipi na lalamaxareteripi ñi qota'a.

Apocalipsis 8:5

Ca na'le, ca' so nelaatec piguim le'ec icona aso lahi' na nichiinaxanaxat, ca ỹemqot aso norec lpoqo hueetalec aso ncopatoxonaxalate. Ca' ỹocorelec na 'laua. Ca na'le, ca' 'ue na soxonaxallipi, chaqai na nalataxa, nqai'legaxaripi, chaqai i'loxol na 'laua.

Apocalipsis 9:13

Ca' so liỹa nelaatec piguim le'ec pi'chigui aso lpe'te, ca' 'ue so sa'xaỹaque na'qaatec 'maxañiguilo saua cuatro lasote aso ncopatoxonaxalate 'oro neeta'ñi da reloqota'gue ñi qota'a.