Apocalipsis 8:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' so liỹa nelaatec piguim le'ec pi'chigui aso lpe'te, ca 'om nalahi añi ra'aasa chaqai ñi shiraigo. Chaqai quecaua tres, 'óna añi 'om caná'ogue ana huaqajñi, ca sham lavinñi yi na'xa'a chaqai yi pe 'ue so napalaxa.

Apocalipsis 8:12 Iomraidhean Croise

Jeremías 4:23

Seuana na 'laua quiyim qaica ca qom nelec chaqai qaica cá'maq ỹaatqajam no'ueenataxac; ya'ishiguim quena piguim qaica ca 'ue ca lauaq.

Joel 2:10

Na 'laua i'loxol quena'le cana'maxare, redaỹac na piguim, añi ra'aasa chaqai ñi shiraigo napalliguilo chaqai na huaqajñipi tot qaica ca lauaq.

Joel 2:31

Chaqai añi ra'aasa napalligui ma'le, chaqai ñi shiraigo 'ec na leuoripi ma'le, ma' saqa' novi' ca na'xa'a ñi qara'gaxala'. Cajo na'xa'a chalego da lecaic chaqai da lichic.

Amós 8:9

Ñi qara'gaxala' i'taxajñi da la'qaatec quiyim quecajo na'xa'a, ca' polec nqai'en añi ra'aasa queca na'xa'a lavinñi, ca' quecajo ma'le, ca' ỹaatqajam na'xa'a, qam 'xoic ca napalaxa ma'le quena 'laua.

Mateo 24:29

Ca co'na' ỹovirerec saua na'xata' ne'xoyaxaqui', ca' añi ra'aasa 'om, chaqai ñi shiraigo qaica ca lauaq, chaqai ana huaqajñi najñi quena piguim, vire'ta i'loxol na nquesaxanaxa hueeto'ot na piguim.

Mateo 27:45

Ca co'na' na'xa'a lavinñi, chi ỹovireta'a lavitari', 'xoico' so napalaxa quená'ogue na 'laua.

Marcos 13:24

Qam ma' ime' cauajo ne'xoyaxaqui' na'xata', ca' ñi ra'aasa napalligui, chaqai ñi shiraigo qaica ca lauaq,

Marcos 15:33

Ca co'na' mashic na'xa'a lavinñi, ca 'ue so napalaxa quená'ogue na 'laua chi ỹovireta'a rashiiñi aso ra'aasa.

Lucas 21:25

Ca 'uo' ma'le ca netanqaipi cañi ra'aasa, chaqai ñi shiraigo, chaqai cana huaqajñipi. Chaqai na ỹoreta'oguit qomyipi hueetalec ana 'laua ỹaatqajam se ỹa'den ca 'neeta, chaqai ỹaatqajam no'chi, ma' paguec lichic na lelamaxa na lo'paxa aso huaaxai.

Hechos 2:20

Añi ra'aasa ñigui napalaxa, chaqai ñi shiraigo 'ec leuoripi, ma' saqa' novi' ca chalego lecaic na'xa'a ma' ro'ueenataxan ñi qara'gaxala'. Cajo na'xa'a lodegaxat, qaica 'nejem loyac.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Apocalipsis 12:4

Ỹahote'e so lqai'it, ca' ỹauogolenta ana huaqajñi quena piguim, ca' najñi nqai'en añi 'óna quecaua tres, taalec nqai'en na 'laua. Ca' sojo isecỹac nachajñi, reloqoto'ot aso 'aalo sham co'o, ma' ỹahotaque quiyim ma' ne'qaañi so noctoqui', ca' chaqa'ma' ỹa'ic.

Apocalipsis 16:10

Ca' so liỹa nelaatec piguim le'ec co'taxachigui aso 'taxaqui, ỹocorelec yi nqa'xanqa' quiyim nashi so isecỹac lodegaxat, ca ná'maq loiquenatec so'maxare hueetaugui na napalaxa. Ca' na qomyipi chi ỹa'que'ta na laqa' quena nqui'ic.

Apocalipsis 6:12

Ca na' só'maq qagreta llaalec ỹauachigui aso liỹa netanaxanqate, ca ya'ỹa'a, ca' 'ue so nalataxa idaxanac na 'laua. Ca naue' añi ra'aasa 'ec na nooỹac laueraxaic. Ca ñá'ogue ñi shiraigo toc, 'ec leuoripi.

Apocalipsis 9:15

Ca na'le, ca' qaỹosoorec saua cuatro nelaatqa, qaiyi ỹalauate' ñi 'óna quecaua tres qomi' quená'ogue na qomyipi. Ma' chaqaido' dá'maq 'em qaỹa'maxatesañi quiyim ỹovita ca na'xa'a naloqojnec hueetougui ca shiraigo chaqai ca ñaaxa, ca qaleuote'talo.

Apocalipsis 9:18

Ca' quecaua tres, 'óna ca qaỹalauat quená'ogue na qomyipi, sauaxat saua tres se no'viiñi naquetapougui na lap na shipiguiripi: so norec, nesalaxaripi, chaqai so 'ec quiquiaxaic.