Apocalipsis 7:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca na' ime dajo, ca seuane'ta so ỹoreta'oguit qomyipi ỹoreta'oguit na la'qaatec, nachaatetañi quiyi reloqota'ñi so nashi nqa'xanqa' chaqai queso qagreta llaalec. Ca so'maxare ỹaatqajam 'xoic, mashic tot qaica ishit naloqochin, chaqai ỹantañi na nooỹac lalagaxaic, chaqai lo'qoota'a ana chavic laue.

Apocalipsis 7:9 Iomraidhean Croise

Génesis 13:16

Ỹim ỹaatqajam 'xoic nqaishin ca'maxare, 'nejem na lamoxoỹaxa na 'laua. Ca 'nejem quiyim se qaishit qanaloqochin na namoxoỹaxa, ca' qai'neeta se qaishit qanaloqochin ma'le ca qachaalaxai'pi.

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Salmos 2:8

Yashiila'e' quiyim saañiraxarom quiyim ralamaxarichi' ná'ogue na ỹoreta'oguit qomyipi chaqai ỹovira'a ca lqodoc na 'laua, ca' saanem qami' quiyim ralamaxarichi'.

Salmos 22:27

Qamiri ni'ic, chaqai ná'ogue na ỹoreta'oguit qomyipi quenaua'que naua lahil na 'laua: o'lliinchii'a ñi qara'gaxala', ca' naguipegue'; ¡'yiỹoto naua re'cootallii ñi'maxare!

Salmos 98:3

ỹaatqajam se coua'e da le'xorenataxanaxa chaqai da laqamaxa quena llaalqaipi so Israel. ¡Qaiuana quenaua'que naua lahil na 'laua quiyim rauegaxan ñi qota'olec coqomi'!

Ezequiel 47:5

Ca' naloqochin so quinientos metros liỹa, ca so huaxaỹaq mashic ñigui lachiugue. Ca' tot seshit sapacta, ma' ñigui lachiugue qoỹoqochi'ñigui. Ca' qaidaata quiyim qaỹo'xonta'ta, ca' qaigueme qaishit qaỹapacta.

Daniel 6:25

Ca co'na'le, ca' so nashi Darío ỹa'ue so lerec, taỹaugui nqai'en sá'ogue so ỹoreta'oguit qomyipi neetalec yi 'laua, 'naacsa': Sahotaque quiyim qaicanqaida chaqai 'ue nqaiyi caqamiri,

Lucas 12:1

Ca co'na' nqo'neetauec so lapootecta', ca' co'na' ỹaatqajam 'xoic so qomyipi. Ca vire'ta ỹapaguelec, ca' npataxata'. Ca' so Jesús ỹa'auaxan 'naapega so lapaxaguinatqaipi, 'naaco': —'Neeto' se rovichii'a ana pe'taxachigui na pan hueetaugui na fariseoipi, qam da 'neeta: chaqaida da 'neeta quiyim 'neetapigui lauel quiyim 'maxaraic.

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Juan 12:13

Co'na'le, ca qanouaxanec ana laue ana chavic, ca qaỹaqata'guit so Jesús. Ca qaỹaualqatalec, qohintari': —¡Semaqachinaq ñi qota'olec! ¡Ỹaatqajam no'uen da llicyaxac ná'maq naquetaugui da leenaxat ñi qara'gaxala'! ¡No'uen da llicyaxac ná'maq lashi na Israel llaalqaipi!

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Efesios 6:13

Ca vichiguiño' chaqa'ma' ñiiñi naua'que nauá'maq nquepaqataxanqate' quena roshicmaxahi ỹaanema qamiri ñi qota'a, qaiyi shichii nachaachiỹa'guit ca se no'uen ma' novi' quecajo na'xa'a. Ca ma' ime 'ñii'tegue dajo, ca na'ñaxachiñi.

Hebreos 11:12

Ca so Abraham, 'eno'm mashic ipalata'a ca lqodoc aca lqauaxaqui, qam ỹovirau'a quiyim 'xoic so llaalqaipi, 'nejem ana huaqajñi neeto'ot na piguim, chaqai 'nejem na lo'uaxanaxa hueeto'oto naua lahil aso huaaxai, se qaishit qanaloqochin.

Hebreos 12:22

Qam qamiri mashic nqo'ñiu'a aso quemaralec ladocai leenaxat Sión, yí'maq na'a' lodegaxat ñi qota'a ñí'maq sqaica lqodoc nca'leetauec, yí'maq qohinac Jerusalén hueeta'gue da piguim, yí'maq hueete'e ná'maq ỹaatqajam 'xoic nelaatqaipi piguim laseripi,

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 22:3

Ca quiyi ma'le, ca' tot qaica quet ca hueetalec ca nouaxanaxaset. Aca nqa'xanaxaqui ñi qota'olec chaqai so 'ec qagreta llaalec neeta'ñi yí'maq na'a', ca' na lelaatqaipi imaqachintac ma'le ñi'maxare.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.

Apocalipsis 4:4

Chaqai naua lahil sojo qa'xanqa', ca' 'vii saua liỹa' sauane'talo veinticuatro nashi nqa'xanaxaqui', ca' quesaua'maxare nqa'xantañiguilo so veinticuatro quesó'maq ỹaatqajam qo'xoiquipi, nodaachiguiñi lalagaxaic na looỹac chaqai ana nado'onsañi chicqaugui na 'oro.

Apocalipsis 5:11

Ca na' ime, ca' ñamatashiguim, ca sa'xaỹaque na ỹaatqajam 'xoic lavillaxac na nelaatqaipi piguim laseripi nachaatetaho naqallichinchiguiñi aso nashi nqa'xanaxaqui chaqai quesaua ise' nca'leesauec chaqai queso qo'xoiquipi. Qam ỹaatqajam qaica ishit naloqochin só'maq piguim laseripi.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.

Apocalipsis 6:11

Ca na'le, ca' qoỹaanem na looỹac lalagaxaic. Ca' qohinapega quiyim cocho'qui' liỹa nco'matauec, toco' ma' nalogoñi ỹovita cá'maq naloqojnec quená'maq lqaỹaripi ro'ueenataxantacot so Cristo ná'maq taata'a quiyim qaỹalauat ma'le, 'nejme' saua'maxare.

Apocalipsis 7:8

doce mil queso llaalqaipi so Zabulón, doce mil queso llaalqaipi so José, chaqai doce mil queso llaalqaipi so Benjamín.