Apocalipsis 7:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ma' ñí'maq qagreta llaalec ñí'maq neetañigui na lavinñi yi nashi nqa'xanqa', ñi'maxare reloqota'a 'neeta'gue aca qagreta, chaqai ỹauega ca hua'ñi na ne'paxantashiguim huaxaỹaq chicqaugui da nca'laxa. Chaqai ñi qota'olec nquiỹouec ná'ogue na lachiripi quenaua nqote' na'maxare.

Apocalipsis 7:17 Iomraidhean Croise

Salmos 22:26

Qui'ii, qamiri 'xoraiquipi, chi ỹovireta'a quiyim rquemarii; qamiri ma' daañitaque ñi qara'gaxala', ca' maqachiñii, ca 'xoic ca ñaxaripi rca'lliitauec.

Salmos 23:5

Ca 'maxachisañi ca iqui'ỹaxac, ca' qaiyi ỹauanchigui ná'ogue na ñpa'guenaxauaripi; ca' cochirelec na iqahic quena coraxat, chaqai i'paxanteguelec nqai'ñi' aso ñi'taxaqui.

Isaías 25:6

Cada qa' ladocai leenaxat Sión ñi qara'gaxala' qaica lqalanec 'ue ca ỹa'maxajñi ma'le quená'ogue na ỹoreta'oguit qomyipi ỹo'uet ca nqui'ỹaxac lodegaxat chalego loyac chaqai na ñaauapec lataxa, chalego lo'daxa na na'ic chaqai ná'maq no'uen lataxa.

Isaías 25:8

Ca' ñi qara'gaxala' ỹosogui ma'le da nelauaxa, chaqai ná'ogue nquiỹouec na lachiripi, chaqai na'laañi nqai'en quená'ogue na 'laua quiyim se qanqo'chiguit na lalamaxareteripi. Ñi qara'gaxala' 'naac dajo.

Isaías 35:10

ná'maq ñi qara'gaxala' mashic naqatec quiyim na'ac; ro'ueenaxanta'pegue' ma' inoxono quiyi Sión queda netoonaxac, chaqai queda nachaalataxac se neme da laỹaac. Ỹanata da la'maxa chaqai da loyac chaqai palac ma'le da ỹenaxac chaqai da nqui'ic. (36.1—39.8 Qanaqajñi yi Judá queso lashi yi Siria, leenaxat Senaquerib. Ñi qota'olec ro'ootaxanlec yi Jerusalén, ca ỹo'uet da ne'laxa quedá'maq 'ne'tegue. Na' ralola chaqai na' qanataren so nashi Ezequías.)

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Isaías 49:9

ca' qohinac quena ncoñiitecseripi: Shi'gue qarosoiuec, chaqai qohinapega ná'maq hueetaugui na napalaxa: Nenoxoñiu'ga na re'qojlec. Quenaua'que naua lahil naua nayico 'ue na 'uaqapi, chaqai quecanchaqaica 'laua qaica qom 'ue na loq na qalohipi.

Isaías 60:20

Ca' totqai polec añi ra'aasa caqami' chaqai ñi shiraigo tot na'laañi da lauaq, ma' ỹim, ỹim na'gaxala', ỹim rcoỹeraxanaxagui'i' ma'le sqaica lqodoc; chaqai qaicaua ma'le naua na'xata' rachicoxoquichi'.

Isaías 65:19

Ỹim qai'neeta 'ue da iuagaxa ma'le quena Jerusalén, ñauata'guit da ñitoonaxac quena ỹalamaxareteripi. Ma' quena'maxare tot qara'xaỹaque ma'le ca oỹenaxac chaqai ca ỹaualqatac queca lachitachic.

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Jeremías 31:9

Naqueta nqouagaxainta'guit chaqai noỹenta'guit. Ỹim sauega yi huaxaỹaq ne'paxantashiguim, queso nayic nalo'ojta', ca' qaica ca repoxolaxan. Ma' ỹim leta'a so Israel, chaqai so Efraín só'maq ỹi ỹaalec.

Ezequiel 34:23

Ỹim so'uet quiyim rapil ma'le so ilaatec David só'maq rashii na'le, ca' sano quiyim qaisoota neloxoỹaq cana qagreta, ca so'maxare reloxoỹa'a ma'le na qagretaipi.

Miqueas 5:4

Cajo nashi ne'laxashiguim ma'le quiyim reloxoỹa'a na lalamaxareteripi queda lquesaxanaxa chaqai da lecaic ñi qara'gaxala' qota'olec. Ca 'xoic ca no'daxa ma'le quenajo, ma' cajo nashi qaimaqachin ma'le quenaua'que naua lahil na 'laua.

Mateo 2:6

Ca' qami' Belén, ma' qami' viisaugui yi 'laua Judá, ỹaatqajam chalego lecaic ma'le da nemaqajnataxanaxa ma'le caqami', ma' qami' chicqochi'ñi ma'le ca na'gaxala', cá'maq reloxoỹa'a ma'le ná'maq ỹalamaxareteripi llaalqaipi so Israel.

Mateo 5:4

Ỹaatqajam chalego la'maxa ma'le cá'maq 'ue ca lachicoxo, ma' ñi qota'olec ỹa'maxagui lauel nqai'en ca'maxare.

Juan 10:11

Ỹim ná'maq ỹim no'uen qagreta lo'o. Cá'maq no'uen qagreta lo'o ỹaanec da nachaalataxac cana qagretaipi.

Juan 10:14

Ỹim ná'maq ỹim no'uen qagreta lo'o. Ca' chaqaida dá'maq 'neeta quiyim iuañiua' ñi ita'a, chaqai aỹim seuana ñi'maxare, ca' chaqaida 'nejem quiyim ỹim sa'deenta ana ilo qagretaipi, chaqai ana'maxare ya'deenta. Chaqai aỹim saanougui da ñachaalataxac aná'maq qagretaipi.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Juan 4:11

Ca' aso 'aalo 'naaco': —Qami' ỹa'gaxala', vire'ta qaica ca re'maxasoxonaqchi' quiyim naviquirishiguim ca huaxaỹaq, chaqai aná'maq ni'ỹa qoỹoqochi'ñigui. Ca ¿nega'ỹo' ca chigoxochira'gue ca huaxaỹaq se neme ne'paxantashiguim quiyim nañaañi'?

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

1 Pedro 5:2

Ỹaatqajam quelolliỹa 'maxachii'tegue ná'maq mashic icoñiguit da na'qaatec ná'maq mashic qaỹauaaque reloxoiqachicshii quiñi qota'a, 'ñiitari' ca neloxoỹaq cana qagreta. Ỹaatqajam rasapchii'ta, 'viichitac dá'maq ỹahotaque ñi qota'a. Mese repaguitaque quiyim qanetenteguelgoto qamiri qarelaritac chaqai se naquichite'e aca plata. Ta'ta'a quiyim rasapchii'ta ca ro'ueenataxanaxaguii.

Apocalipsis 14:4

Ca' so'maxare só'maq se iuanapega aca 'aalo, chaqai co'teeta. Chaqai so'maxare só'maq coỹaretegueñi so 'ec qagreta llaalec quecanchaqa taigue so'maxare. Qanca'laxatec, qaỹachigoxotaugui na qomyipi hueetalec ana 'laua, 'ec nqohin aca 'auaxai nachitaxanataxanqate quiyim qoỹaanot ñi qota'a chaqai so 'ec qagreta llaalec.

Apocalipsis 21:22

Qam sqaica ca seuana no'ueenaxanaxaqui queso na'a', ma' ñi qara'gaxala' ñí'maq qota'olec sqaica lqalanec, chaqaiñi ñí'maq 'ec lo'ueenaxanaxaqui, chaqai qai'neeta so 'ec qagreta llaalec.

Apocalipsis 21:23

Chaqai yi na'a' tot ỹouen ca lauaq añi ra'aasa chaqai ñi shiraigo, ma' chaqaida dá'maq lauaq ñi qota'a chaqai so 'ec qagreta llaalec coỹaresalec.

Apocalipsis 21:4

Ñi'maxare nquiỹoorec naua'que naua lachi' ma'le yi'maxare. Ca' tot qaica ca nelauaxa, chaqai ca ỹenaxac, chaqai ca naualqategueñi, chaqai ca nqui'ic, ma' ná'ogue ná'maq shi'co' quen 'ue, qaica ime'uegue.

Apocalipsis 21:6

Na' ime, ca 'naac caỹim: —Ná'ogue mashic ime. Ỹim ná'maq ỹim 'auaxaic chaqai spa'aatec. Ca cá'maq iuet ca laquip, ca' ñi'taxañigui ca ne'paxantashiguim huaxaỹaq chicqaugui da nca'laxa, qaca aca laseuete.

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.

Apocalipsis 4:11

Qami' qara'gaxala' qota'olec, ỹaatqajam 'chichiguiñi quiyim coñichiguit da nauaq, da necaic, chaqai da nquesaxanaxa; ma' qami' ro'ueenachiqui' ná'ogue nanchaqaina, ma' chaqaida dá'maq vi'saque, ca' 'ue, ca' re'oq ná'ogue na'maxare.

Apocalipsis 5:6

Ca' quena lavinñi so nashi nqa'xanqa', hueetañiguilo saua cuatro ise' nca'leesauec chaqai quena lavinñi so qo'xoiquipi seuane'ta so 'ec qagreta llaalec. Nachaatetañi, qam re'qoota dá'maq 'neeto' na' qaỹalauat. Siete saua lasote, chaqai siete nqote'. Ca' saua siete nqote' chaqaisaua saua siete lo'ueenataxanaxaco se re'xoguilo ñi qota'a sauá'maq qanelarrelec ná'ogue na 'laua.