Apocalipsis 7:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca tot ỹoviro'ot ma'le ca nqopaaxa chaqai ca laquip. Chaqai tot qaỹavigaxat cañi ra'aasa, chaqai tot nauata'guit ca npa'ỹaaxa.

Apocalipsis 7:16 Iomraidhean Croise

Salmos 121:5

Ñi qara'gaxala' ñí'maq reloqota'a qami'; ñi qara'gaxala' ñí'maq ro'ootaxanteguelec qami', ñi'maxare mesqai ca'e qami', ma' ỹahotaque rotauañi'sac.

Salmos 121:6

Añi ra'aasa se na'axat qami' quiyi na'xa'a, chaqai ñi shiraigo quiyi pe.

Salmos 42:2

'Eco' ỹaatqajam 'xoic da ỹaquip quiñi qota'olec, ñí'maq chicqo'ot da nca'laxa. ¿Chi' laquio' liỹa ñovira'a ñi qota'olec?

Salmos 63:1

¡Qami' qota'olec, qami' qota'olec caỹim! 'Ue da ipagaxallic quiyim sedaantaque qami'; ma' vi'saxauot cá'maq souentaque; ỹimá'ogue souentaque qami', shintari' ca 'laua rashivijlec, qaica ca huaxaỹaq chaqai qaica ca nca'laxa.

Cantares 1:6

Totaxan ra'iigui dá'maq quiyim ỹim huerai, ma' yavigaxat añi ra'aasa. Na iqaỹaripi ro'iiua', ca' yilarelec quiyim seloqota'a yi 'uva loma', ¡ca' se squelola yí'maq ỹaatqajam ỹanaxanqa'!

Isaías 49:10

Ca' se rqopachii chaqai se ralauachii raquipii, chaqai sqai taalec qamiri ca ra'aasa lauaq, ma' ỹim se'xoriñii chaqai sashaxanta'pe qamiri, chaqai sauequeta'alo qamiri ca hua'ñi ca ne'paxantashiguim huaxaỹaq.

Jonás 4:8

Ca co'na' nenoxonshiguim aso ra'aasa, ca' ñi qota'olec nac nqai'en so nonot pa'e chicqa'gue da lqodoigue. Ca so'maxare tajlec so npa'ỹaaxa, ca' chita'co' quen ileueta, ca' ỹahotaco' quiyim ileu. Ca 'naaco': —Paguec la'maxa queta' yileu, mesqai 'nejem quiyim yca'leetauec.

Mateo 13:21

Qam ma' sqoỹoxo'ñiguilo naua lpa'yii, ca' se ra'ñi. Ma' quena' 'ue da le'xoric quena nocanaxaquipi souetapigui da na'qaatec, ca' qoshiiuec.

Mateo 13:6

Qam co'na' nenoxonshiguim añi ra'aasa, ca co'na' pa'eelec, ca rashivi, ma' qaicaua caua lpa'yii. Ca ỹaso.

Mateo 5:6

Ỹaatqajam chalego la'maxa ma'le quecá'maq 'ec 'ue na lqopaaxa chaqai na laquip quiyim ỹahotaque ỹo'uet ná'maq ỹahotaque ñi qota'olec, ma' ñi'maxare ỹotauanegue ma'le ca'maxare, qaiyi ishit ỹo'uet.

Marcos 4:17

Qam sqoỹoxo'ñiguilo naua lpa'yii, ca' sqoỹoxouec da lquesaxanaxa, ma' quena' novi' da le'xoric, loqo'm da nocanaxac souetapigui da na'qaatec, ca' qoshiiuec.

Marcos 4:6

Qam co'na' nenoxonshiguim aso ra'aasa, ca' ỹavic, ma' sqoỹoxo'ñiguilo naua lpa'yii. Ca' ỹaso.

Lucas 1:53

Chaqai ná'maq 'xoic ca louenaxanaxa, ca ỹaanem quiyim qaica ca ỹouen nqai'en, qam na nesallaxanqaipi lotqai co'taxachichiguilo naua laua', ca' ilarec.

Lucas 6:21

Chaqai qai'neeta ra'maxaichiguiñi qamiri ma' viitaugui nagui quiyim rqopachii, ma' ỹaatqajam 'ue ma'le ca rquemaraxahi. Chaqai qai'neeta ra'maxaichiguiñi qamiri ma' noỹeñitagui nagui, ma' ỹaatqajam 'ue ma'le ca raỹalliguiriguii.

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Santiago 1:11

Ma' quena' nenoxonshiguim añi ra'aasa, ca nqo'neuec na lpa'ỹaaxa na lauaq, ca' ana peue rashivi, ca ana lenoỹaxai najñi, ca imeho da loyac. Ca 'nejem ca nesallaxanec na'laugui ma'le da chi lo'ueenataxanaxac.

Apocalipsis 21:4

Ñi'maxare nquiỹoorec naua'que naua lachi' ma'le yi'maxare. Ca' tot qaica ca nelauaxa, chaqai ca ỹenaxac, chaqai ca naualqategueñi, chaqai ca nqui'ic, ma' ná'ogue ná'maq shi'co' quen 'ue, qaica ime'uegue.