Apocalipsis 7:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Vichiguiño' hueete'e na reloqota'ñi na nqa'xanqa' ñi qota'a, chaqai ro'ueenataxantacot ñi'maxare quenaua'que naua na'xata' chaqai naua'que naua piri quiñi lo'ueenaxanaxaqui. Chaqai ñí'maq nqa'xantañigui añi nashi nqa'xanaxaqui ro'ootaxanteguelec.

Apocalipsis 7:15 Iomraidhean Croise

1 Reyes 6:13

Ca' ỹim sentañigui ma'le na llaalqaipi so Israel, ca' sqaica ma' shique'e quet ma'le na ỹalamaxareteripi. (6.14-36 Dá'maq 'neeta da no'ueenataxac na lauel ñi no'ueenaxanaxaqui.)

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

1 Corintios 3:16

¿Sqa 'yiiñio' quiyim qamiri lauo' ñi qota'a, chaqai so Espíritu Santo chicqo'ot ñi'maxare neetanguilo qamiri?

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

Hebreos 8:1

Ca dá'maq paguec ỹapacauec nqaishinaq quedá'maq sa'xatqatac, chaqaida dá'maq 'neeta da no'ueenataxac só'maq 'oonoqui' qaretaxaỹaxanqajnec. Nagui so'maxare nqa'xantañi queda loic yi nqa'xanqa' ñi qota'a queda piguim.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 13:6

Ca' chaqaida 'ne'tegue quiyim npa'guente'e' ñi qota'a; se no'uen na ỹa'xat queda leenaxat ñi'maxare, chaqai ñi lauo', chaqai ná'maq neeto'ot na piguim.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.

Apocalipsis 21:22

Qam sqaica ca seuana no'ueenaxanaxaqui queso na'a', ma' ñi qara'gaxala' ñí'maq qota'olec sqaica lqalanec, chaqaiñi ñí'maq 'ec lo'ueenaxanaxaqui, chaqai qai'neeta so 'ec qagreta llaalec.

Apocalipsis 22:3

Ca quiyi ma'le, ca' tot qaica quet ca hueetalec ca nouaxanaxaset. Aca nqa'xanaxaqui ñi qota'olec chaqai so 'ec qagreta llaalec neeta'ñi yí'maq na'a', ca' na lelaatqaipi imaqachintac ma'le ñi'maxare.

Apocalipsis 22:5

Ca' yi hua'ñi, ca' tot qaica ca pe ma'le. Ca ná'maq neeta'ñi yi'maxare, ca' tot ỹouen aca lcoỹeraxanaxaqui chaqai ca lauaq añi ra'aasa; ma' ñi qota'a ñí'maq qara'gaxala' coỹaretalec ma'le. Ca saua'maxare sqaica lqodoc quiyim nashillipi ma'le.

Apocalipsis 4:4

Chaqai naua lahil sojo qa'xanqa', ca' 'vii saua liỹa' sauane'talo veinticuatro nashi nqa'xanaxaqui', ca' quesaua'maxare nqa'xantañiguilo so veinticuatro quesó'maq ỹaatqajam qo'xoiquipi, nodaachiguiñi lalagaxaic na looỹac chaqai ana nado'onsañi chicqaugui na 'oro.

Apocalipsis 4:8

Ca' sauajo cuatro ise' nca'leesauec da'ta'a seis laua' quiñi 'óna. Chaqai no'qaachiguilo quenaua nqote' quena pa'aauec chaqai quena pa'aauo. Chaqai quiyi na'xa'a chaqai yi pe sqai ỹaxañiñi quiyim 'nerac: Qami' maq ỹaatqajam co'chiite', qami' qara'gaxala' qota'olec maq sqaica ca qalañirac, qami' ná'maq chaqai'en 'ue qami', chaqai 'ue qami' nagui, chaqai naata'quena ma'le.

Apocalipsis 4:9

Chaqai quena' sauajo ise' nca'leesauec imaqachine' da lecaic chaqai ỹaanot da na'aachicyaxac só'maq nqa'xantañigui aso qa'xanaxaqui só'maq sqaica lqodoc da nachaalataxac,

Apocalipsis 7:9

Ca na' ime dajo, ca seuane'ta so ỹoreta'oguit qomyipi ỹoreta'oguit na la'qaatec, nachaatetañi quiyi reloqota'ñi so nashi nqa'xanqa' chaqai queso qagreta llaalec. Ca so'maxare ỹaatqajam 'xoic, mashic tot qaica ishit naloqochin, chaqai ỹantañi na nooỹac lalagaxaic, chaqai lo'qoota'a ana chavic laue.