Apocalipsis 7:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Sá'ogue netenegue da laualaxac, 'naacsa': Da qarca'laxa chicqo'ot ñi qota'olec, ñí'maq nqa'xantañigui añi nashi nqa'xanaxaqui, chaqai ñi qagreta llaalec.

Apocalipsis 7:10 Iomraidhean Croise

Isaías 43:11

Qaỹimeta, ỹim na'gaxala'; qaica ca liỹa ỹoqa'oga caỹim ishit ca'laqataxan.

Isaías 45:21

Taxahi, nodohiuo cá'maq huañichigui, taxahiỹata', no'm viitaque, ca' chaqaida nqai'ñii: ¿Negue' cá'maq ỹa'xato' dajo na' ñaqai 'avichiguiñi? ¿Nega'ỹo' cá'maq shi'co' ỹa'xat na'le? ¿Mesqaỹim sa'xat na'le, ỹim na'gaxala'? Chaqai qaica liỹa qota'olec ỹoqota'oga caỹim. Ỹoqota'oga caỹim qaica liỹa qota'olec huegaxanaxai chaqai ca'laqataxanaxai.

Jonás 2:9

Qam ỹim saantacot qami' da ña'aachicyaxac, chaqai queeta saanot qami' aca savigaxat ỹachitaxanataxanqate; chaqai somachichigui ma'le da ỹa'qaatec sepacqajanchigui. ¡Qami' na'gaxala', chaqaqamite' shichi' ca'laqataxañi'!

Zacarías 4:7

¿Negue' aqami', qami' qa' ladocai late'ogue'? ¡Qami' ñigui nqohin ma'le ca no'ueenaxa quiñi Zorobabel! Ñi'maxare naqata'a ma'le cá'maq 'auñi qa', ca' na qom ỹaualqagui ma'le 'naac: ¡Chalego loyac! ¡Chalego loyac!

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Lucas 3:6

qaiyi ná'ogue na qomyipi iuana da nca'laxa ỹaanec ñi qota'olec.”

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 1:36

Ca co'na' so Juan iuane'tegue so Jesús, ca 'naaco': —'Ajñii, chaqaiso sojo só'maq ỹale 'ec ca qagreta llaalec ma' ỹaanec ñi qota'olec.

Juan 4:22

Qamiri Samaria laseripi sqa 'yiiñii cá'maq nqouagaxaiñitacot. Qam qomi' sa'deenaq ñí'maq ñqouagaxainqatacot, ma' da nca'laxa chicqotougui na judioipi.

Efesios 2:8

Ma' quedá'maq le'xorenataxanaxa ñi qota'a, ca' nca'lerec qamiri, chicqochigui da rpi'ỹaxaguii. Qam dajo sqai qamiri chi ro'ueenachiguii, ta'ta'a quiyim chaqai ỹaanema qamiri ñi qota'a.

Apocalipsis 12:10

Ca na'le, ca' sa'xaỹaque so chalego lelamaxa na'qaatec 'maqot na piguim, 'naacsa': —Mashic novi' da nca'laxa, chaqai da nquesaxanaxa quiyim ỹoiquentac ná'ogue najo ñi qota'olec, chaqai da lelaataxanaxac só'maq nela' nashi nca'laxaqui. Ma' mashic qaỹo'da'oguiyi só'maq inaqateguelec na lasauaxaset na qarqaỹaripi, só'maq naua'que naua na'xata' chaqai naua piri reloqoto'ot ñi qota'olec.

Apocalipsis 19:1

Na' ime dajo, ca sa'xaỹaque so netenegue lavillaxac so 'xoic qomyipi, 'maxashiguim quena piguim, 'naac: ¡Semaqachinaq ñi qota'olec! Ma' da nca'laxa, da lauaq, chaqai da nquesaxanaxa lalamaxarete' ñi'maxare.

Apocalipsis 21:5

Ca só'maq nqa'xantañigui aso nashi nqa'xanaxaqui 'naac: —'Ajñi', ỹim dalaxaic nqaishin ná'ogue nanchaqaina. Chaqai qai'neeta 'naac: —'Chiriñi, ma' nauajo na'qaatqa ỹaatqajam lliquete' chaqai ishit qaipi'ỹa'alo.

Apocalipsis 22:3

Ca quiyi ma'le, ca' tot qaica quet ca hueetalec ca nouaxanaxaset. Aca nqa'xanaxaqui ñi qota'olec chaqai so 'ec qagreta llaalec neeta'ñi yí'maq na'a', ca' na lelaatqaipi imaqachintac ma'le ñi'maxare.

Apocalipsis 4:6

Chaqai queda reloqota'gue so qa'xanqa' qai'neeta 'ue so 'ec lachiugue richaauec chaqai richiichiguiñi. Chaqai quenaua lahil so qa'xanqa' hueesa'ñi saua cuatro ise' nca'leesauec no'qaachiguilo quenaua nqote' queda reloxoỹa'gue chaqai queda qoshiỹa'gue.

Apocalipsis 5:7

Ca' sojo qagreta llaalec icona aso lere queda loic só'maq nqa'xantalec aso qa'xanaxaqui.