Apocalipsis 7:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca na' ime dajo, ca seuane'talo saua cuatro nelaatqa piguim lase', nachaatesañi, hueeta'ñiguilo naua cuatro llico na nonot. Saua'maxare quepaxatesa'guit naua nonoochi', qaiyi se pe'terelec ana 'laua, chaqai ana huaaxai, chaqai ana qo'paq.

Apocalipsis 7:1 Iomraidhean Croise

Ezequiel 37:9

Ca na'le, ca' ñi qara'gaxala' 'naac caỹim: 'Xachi' da ỹeenaxat quiyim nac ca nacat ỹo'uet ca nca'laxa, ca' 'ñirapega: Da la'qaatec ñi qara'gaxala' 'neetasa': Nacat 'viichi' ca nca'laxa, ñaqai naqui' chicqote'ogalo da rapiguim, 'guiñi, lqodoigue, chaqai da lauashiguim, ca 'viichi' quiyim nca'leuec najo qomyipi loshicmaxa ileu.

Daniel 7:2

Ỹim queso i'guemataxac, ca' seuana na nonot chicqo'teguelo naua cuatro llico quiyim npe'taxanshiguim, ca' idaxan na huaxaỹaq caso huaaxai late'ogue'.

Jonás 1:4

Qam ñi qara'gaxala' ỹo'ueeto' quiyim npe'taxanshiguim so nonot quesaxanaxaic. Ca co'na' mashic qoyiuetañigui aso huaaxai, ca' novi' so chalego lquesaxanaxa nonot, ca' mashic 'ec sham conaqta'gue aso huaxaỹaqse.

Zacarías 6:1

Ca' lotqai 'ue so liỹa iuanaxanaxac. Ca' seuane'talo saua cuatro nahoglena lauataxaqui' hueetañiguilo saua dos 'ec qari ladocai, qam bronce.

Zacarías 6:5

Ca' so nelaatec piguim le'ec 'naac caỹim: Nauajo nauá'maq cuatro nonoochi', chicqosapegueu'a ñi la'gaxala' ná'ogue na 'laua.

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Marcos 13:27

Ca ila' ma'le na lelaatqaipi piguim laseripi quiyim lapoon ná'maq lca'acseripi quenaua'que naua lahil na 'laua, vire'ta ná'maq paguec lesega quena 'laua chaqai quena piguim.

Apocalipsis 20:8

Ca' lotqai liỹa eec ỹayin ná'ogue na ỹoreta'oguit qomyipi hueetalec ana 'laua. Ca' quepegue' ỹayin ñi Gog chaqai Magog. Ca lapoonta' quiyim nalliripi, ca' nalauat, ma' ỹaatqajam 'xoic yi'maxare 'nejem na lo'uaxanaxa hueeto'ot na lqodoc aso huaaxai.

Apocalipsis 6:6

Ca' 'ue so sa'xaỹaque nivillaxac 'maxañigui na lavinñi' saua ise' nca'leesauec, 'naacsa': —Qaicaata ca un quiloqui' quena trigo na'chiguit nqohin ca lo'ueenataxanaxac ca qom quiyi 'óna na'xa'a, chaqai 'nejem ca lashivichaqa' ca tres kilos cana cebada. Qam se qana'laxatañi na aceite na'ic chaqai na lataxa.

Apocalipsis 7:3

—Se na'axachii na 'laua chaqai ana huaaxai chaqai ana qo'paq, quiyim saqa' setanaq ná'maq lelaatqaipi ñi qota'olec, sahoqai aca netanaqsete huejlec nqaishinaq na latap.

Apocalipsis 8:7

Ca na' pi'chigui aso lpe'te so 'auaxaic nelaatec piguim le'ec, ca' anac aso qalachi chaqai so norec ỹalequeta'guit na neuoripi, ca' qaỹocorelec ná'ogue na 'laua. Ca' ỹavic añi 'óna quecaua tres qo'pa', chaqai qai'neeta na 'laua 'vii naua lavicqate', chaqai na 'uaqapi ladala.

Apocalipsis 9:14

Ca' so na'qaatec 'naac quesó'maq nelaatec piguim le'ec só'maq pe'teetapigui aso lpe'te, 'naacsa': —So'irec ñaua cuatro nelaatqa piguim lase' qaicoñiretasa'lo neeso'ot na lahi aso lachiugue late'ogue' Eufrates.

Apocalipsis 9:4

Qaila', qam quiyim se na'axat na 'uaqapi, chaqai ana qo'paq, chaqai ná'ogue ana peue ladala hueetalec na 'laua. Ta'ta'a quiyim nodaqajantec ná'maq qom quená'maq sqaca aca letanaxanqate ñi qota'a quena latap.