Apocalipsis 6:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca na' so qagreta llaalec ỹauachigui aso liỹa netanaxanqate, ca lotqai sa'xaỹaque so liỹa quesaua ise' nca'leesauec, 'naacsa': —¡'Antaso'o' ỹala'e', ñaqai 'ajñi'! Ca na' ya'ỹa'a, ca seuane'ta so shipgaq laueraxaic. Ca só'maq neetalec so'maxare lo'qoota'a aso lesallaqataxanaxaqui.

Apocalipsis 6:5 Iomraidhean Croise

Ezequiel 4:10

Ma' ỹovita ca laloqo', ca' lotqai qui'i' naloqojñi' cuarto kilo quiyi na'xa'a, ca 'qui'.

Ezequiel 4:16

Ca na' ime, ca 'naac caỹim: So'uet quiyim qaica na na'ic ma'le quiyi Jerusalén. Na na'ic qanaloqochinta chaqai na qom 'ue da le'xoric quiyim que'e; chaqai qanaloqojontañi na laquip, ca' ni'chigui, qam no'chiitari'.

Zacarías 6:2

Aso 'auaxai nahoglena letogaxaqa saua lo'ol shipga'; ca' aso co'uaataxanta, ca laueraxaqa saua shipga' lo'ol;

Zacarías 6:6

Ca asó'maq nahoglena laueraxaqa saua lo'ol ta'tegue da rapiguim; ca asó'maq lalagaxaqa saua lo'ol taỹa'a yi 'laua queda lauashiguim; chaqai asó'maq lo'ol saua shipga' lecolaxaqa taira'a yi 'laua queda 'guiñi.

Mateo 24:7

Ma' na qomyipi nalauate'e' ma'le ca se lauo' laseripi, chaqai ca nashi nalauate'e' ca liỹa nashi. Ca' 'ue ma'le ca nqopaaxa chaqai na ne'ne', chaqai 'xoic na hua'ñi i'loxol na 'laua.

Apocalipsis 5:5

Ca na'le, ca' 'ue so 'óna queso qo'xoiquipi 'naapiguiỹa': —Totaxan queeta da noỹenaxaqui', ma' ñí'maq qaỹamata'gue sauaxaic leta'a chicqaugui so llaalqaipi so Judá, chaqai qai'neeta chigoxougui na lauo' so nashi David, ñi'maxare rauegaxan. Ca' ishit ỹauachigui ada lere chaqai quiyim naqate' saua siete netanaxanqate qaỹa'gaxanaxansañi.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.

Apocalipsis 6:1

Ca na'le, ca' seuanchigui na' só'maq qagreta llaalec ỹauachigui aso 'auaxai quesaua siete netanaxanqate, ca 'ue so sa'xaỹa quesaua cuatro ise' nca'leesauec retaqa, qam da lavillaxac 'ec ana soxonaxa: —¡'Antaso'o' ỹala'e', ñaqai 'ajñi'!