Apocalipsis 6:2 - La'qaatqa ñi qota'olec Qota'olec & Qota'olec Novita Na Qomyipi

² Ca' ya'ỹa'a, ca seuane'ta so shipgaq lalagaxaic. Ca só'maq neetalec so'maxare no'qoota'a aso lo'xoshic. Ca so'maxare qoỹaanem aso nado'o na nashi. Ca' eec, qam chaqa'ma' rauegaxan, chaqai quiyim queeta da lauegaxanaxac.

Apocalipsis 6:2 Iomraidhean Croise

Salmos 110:2

Quena Sión ñi qara'gaxala' qota'olec ỹaanem qami' so lashile' hueetagui da lquesaxanaxa, qaiyi 'viiquiñi'sac na npa'guenaxaua'e'ipi.

Salmos 98:1

¡'Viiñii ca dalaxaic no'ueenec quiñi qara'gaxala', ma' ñi'maxare chalego loyac dá'maq ỹo'uet! ¡Ma' ỹovireta'a doxonaxana da chalego lecaic lquesaxanaxa da lqai'laxat co'teeta!

Isaías 25:8

Ca' ñi qara'gaxala' ỹosogui ma'le da nelauaxa, chaqai ná'ogue nquiỹouec na lachiripi, chaqai na'laañi nqai'en quená'ogue na 'laua quiyim se qanqo'chiguit na lalamaxareteripi. Ñi qara'gaxala' 'naac dajo.

Zacarías 1:8

Ca' queso pe, ca' 'ue so iuanaxanaxac: Seuane'ta so ỹale neetalec so shipgaq letogaxaic, nachaatetañi queso ca'megue hueetaugui yi paxaguisat. Ca' queda qoshiita'gue, ca 'ue so liỹa shipiguiripi, 'vii naua letogaxaqa chaqai na toclqaigo' chaqai naua liỹa' lalagaxaqa.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

1 Corintios 15:25

Ma' so Cristo qaiyiita queetalec quiyim nashi, toco' ma' ỹovita ca na'xa'a quiyim ñi qota'a co'uelec nqai'en ná'ogue na npa'guenaxauaripi.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 14:14

Ca na'le, ca lotqai ñamatashiguim, ca seuane'ta so naueguelec lalagaxaic. Ca' so naueguelec nqa'xantalec so 'ec ca ỹale llaalec ỹantañi aso nashi nado'o 'oro quena lqahic, chaqai lo'qoota'a so nichaqsoxonaxat ỹaatqajam ỹaxaraic.

Apocalipsis 15:2

Seuana qai'neeta só'maq 'ec huaaxai richiichiguiñi na le'ec, ỹalequeta'guit na norec. Ca ná'maq ỹovirau'a quiyim se imaqachin so isecỹac lodegaxat chaqai so lqui'i nadenqatec, chaqai se icoñiguit ca ỹorete' so leenaxat so'maxare, sá'ogue nachaatetañi hueeto'ot na lemanaxa so huaaxai richaañi na le'ec, lo'qoota'a ana liviigue qoỹaanem quiñi qota'a.

Apocalipsis 17:14

Ca' nco'uare'e' ma'le so 'ec qagreta llaalec, qam sqaica lovite', ma' so'maxare la'gaxala' na na'gaxalateripi chaqai lashi na nashillipi. Chaqai ná'maq lapoota'guit so'maxare noỹaxanqateripi chaqai nca'acseripi quiñi qota'a, chaqai ỹaqamaxatete' querelec.

Apocalipsis 19:14

Ca so'maxare qaicoỹareta'pegue' queso nalliripi piguim laseripi ỹantañi ná'maq no'uen nooỹac lino lalagaxaic chaqai co'teeta. Sá'ogue neetalec na shipgaq lalagaxaic.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.

Apocalipsis 9:7

Ca' aso piñai da no'ueenataxac 'nejem na shipgaq lauataq lo'o. Na lqahic neetagui aso 'ec nashi nado'o 'oro, chaqai na lashic 'nejem na qom lashic.