Apocalipsis 6:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ma' mashic novi'o' ná'maq chalego lecaic na'xa'a nouaxanaxaqui ná'ogue, ca ¿negue' queto' ca ishit na'ñaxachiguit?

Apocalipsis 6:17 Iomraidhean Croise

Salmos 110:5

Ñi qara'gaxala' qota'olec hueeta'gue da qatoiqui'; queca na'xa'a ma' ro'o, ca nalauajñi ma'le na nashillipi;

Joel 1:15

¡'Agai, tot qoỹoxoguit ca na'xa'a loviraxaqui ñi qara'gaxala'! ¡Chalego lichic ma' nodoota quiyim qanopoxoỹaxachiñi qomi', chicqo'ot ñí'maq sqaica lqalanec!

Joel 2:1

Pi'chiigui ana npe'te cada qa' Sión naugui yi na'a' Jerusalén; pi'chiigui ca npe'taxanaxac quena' 'ue ca nepalata lichic cada co'teeta naqa' ñi qara'gaxala'. Re'loxollii qamiá'ogue ñiitalec na 'laua Judá, ma' tot qoỹoxoguit ca na'xa'a loviraxaqui ñi qara'gaxala'.

Joel 2:11

Ñi qara'gaxala' 'auetauec queso nalliripi, qara'xaỹaque nqai'en da lauel 'ec soxonaxa. Ỹaatqajam 'xoic so nalliripi; tot qaica ca naloqochin só'maq ilaretac. ¡Chalego lecaic chaqai da lichic só'maq na'xa'a loviraxaqui ñi qara'gaxala'! Ỹaatqajam qaica ca ishit quepaxata'guit.

Joel 2:31

Chaqai añi ra'aasa napalligui ma'le, chaqai ñi shiraigo 'ec na leuoripi ma'le, ma' saqa' novi' ca na'xa'a ñi qara'gaxala'. Cajo na'xa'a chalego da lecaic chaqai da lichic.

Malaquías 3:2

Qam ¿negue' cá'maq nalo'guit ma'le cá'maq na'xa'a loviraxaqui? ¿Negue' cá'maq ishit nachaatetañi ma'le? Ma' da loviraxac 'ec ma'le ca norec, ca qarco'taxajñi; 'ec ma'le ca quiỹoxonaxat ma' naqat na qarishile.

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Romanos 2:5

Qam qami' 'ñaaxai le'taxanata, ca se netogochigui na qavilli'. Vichiguiño' ca chi niỹoqoiseguelta' quena rasauaxashichi', ma' ỹovita ca na'xa'a ma' ñi qota'olec ichoxot ná'ogue na nasauaxaset, ca' quiñi 'óna qaỹa'ue ca nouaxanaxaset,

Judas 1:6

Chaqai só'maq nelaatqaipi quiñi qota'a piguim laseripi quená'maq se ỹaqamaxat ca loma', ta'ta'a quiyim ỹalat cá'maq lalamaxaret la'a', ca' ñi qota'a coñi', nauaanta'guit nqai'en cá'maq pa'aatec na'xa'a ma' qaimit ná'ogue najo, coñirañi quiyí'maq qaica 'nejem napalaxa.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.