Apocalipsis 6:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca 'naapega quena quemaralec ladocai chaqai ana qa': —'Irelgoto qomi', ca qarpataqairañi, 'xochiriñi qomi' quiñí'maq nqa'xantañigui añi nashi nqa'xanaxaqui, chaqai queda chalego lecaic nouaxanaxaset ná'ogue ỹo'uet ma'le ñi qagreta llaalec.

Apocalipsis 6:16 Iomraidhean Croise

Salmos 14:5

I'loxol ma'le quena lqolonaxa, ma' ñi qota'olec liỹaatac ná'maq na'xaỹaxane'ta ñi'maxare.

Isaías 2:10

Na qomyipi i'guiñi'ñot ma'le na qa', pa'aañi quena 'laua; nañoxojñi ma'le queda chalego lichic loviraxac so qara'gaxala', quedá'maq lecaic da lauaq quiyim nashi.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Lucas 23:30

Ca' quiyi, ca 'uo' na qom 'naapega na qoỹoqoshi'megue 'laua, 'naac: “Tahilgoto qomi'”; chaqai 'naapegalo naua quemarelgoto: “Ñaq qarayoqchiriñi.”

Apocalipsis 10:6

Ca' ỹaanot da la'qaatec ñí'maq chaqai 'neetari' nca'leetauec, ñí'maq ỹo'uet na piguim, na 'laua, ana huaaxai, chaqai ná'ogue ná'maq hueetañigui na'maxare, 'naacsa': —Tot qaica quet cá'maq qanaỹaloqnaque.

Apocalipsis 19:15

Chaqai na lap neetaugui so lecat ỹaatqajam ỹaxaraic, ca' ỹoda'a ná'ogue ná'maq ỹoreta'oguit qomyipi, chaqai ỹoiquentac, 'ec ỹahote'e aca lashilete fierro quiyim relaataxan. So'maxare imit ma'le na nasauaxaset quena qomyipi, 'nejem nqai'en ca nelam na li'i ana 'uva, co'vigui, ỹahota'ahi naua lapiaate'. Ca 'ec lataxa nqai'en ma' ne'taxañigui dá'maq chalego lecaic nouaxanaxaset chicqaugui dá'maq lonogoxonaxac ñi qota'a ñí'maq qaica ca qalanac.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.

Apocalipsis 4:2

Ca na' noviriñi da lquesaxanaxa so Espíritu Santo, ca' seuana yi nashi nqa'xanqa' hueeta'gue da piguim. Ca' quiyijo qa'xanqa' 'ue so nqa'xanta'ñi.

Apocalipsis 4:5

Ca' quesojo nashi nqa'xanqa' chicqotapegueu'a na nqai'legaxa, na nalataxa, chaqai na soxonaxallipi. Chaqai queda reloqota'uegue so qa'xanqa' ỹaviquetauguilo saua siete ncoỹeraxanaxaqui', qam na lauaq 'ec na norec lauaq. Qam saua'maxare chaqaisaua saua siete no'ueenataxanaxaco se re'xoguilo chicqoro'ot ñi qota'a.

Apocalipsis 4:9

Chaqai quena' sauajo ise' nca'leesauec imaqachine' da lecaic chaqai ỹaanot da na'aachicyaxac só'maq nqa'xantañigui aso qa'xanaxaqui só'maq sqaica lqodoc da nachaalataxac,

Apocalipsis 5:1

Ca na'le, ca seuane'ta quesó'maq nqa'xantañigui aso nashi nqa'xanaxaqui lo'qoota'a aso lere queda loic 'ec lepate nqohin da no'ueenataxac, qoỹeretalec na pa'aauo chaqai na pa'aauec, chaqai qaỹapootagui quesaua siete netanaxanqate qaỹa'gaxanaxansañi.

Apocalipsis 6:10

Na'maxare ỹaatqajam nelamaxaren quena' 'naac: —Qami' qara'gaxala', ỹaatqajam qami' co'teeta chaqai quiyim pacqajñichirigui ná'maq chaxañi'sac, ¿tegue' chaqai laquio' ỹovita ca laloqo' nqai'ñi' quiyim michi' ca nasauaxaset, ca vite ca nouaxanaxaset ná'maq ỹo'uet na'le da qarelauaxa quená'maq hueetalec ana 'laua?

Apocalipsis 9:6

Ca' quecauajo na'xata' na qom idaantaque ma'le ca lelauaxa, qam se ỹanata. Chaqai 'eno'm ỹahotaque ileu, qam da nelauaxa 'eetapeguem ma'le na qomyipi.