Apocalipsis 6:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Chaqai na nashillipi quena 'laua nañoxojñi quenaua lauaco chaqai quena qa' quena quemaralec ladocai, liỹaatac ná'maq leta'allipi, na nesallaxanqaipi, na lashillipi na nouaataxanaq, ná'maq quesaxanaxaiquipi, chaqai ná'ogue ná'maq na'aquipi chaqai ná'maq se na'aquipi.

Apocalipsis 6:15 Iomraidhean Croise

Génesis 3:8

Ca' so ỹale chaqai aso loua 'xairaque ñi qara'gaxala' qota'olec ỹouoxontac yi lanaxanqa' hueetaugui so nonot 'oom queso avit. Ca' saua'maxare nqañoxoterapeguem, tarougui yi qo'paxasat quiyi nanaxanqa'.

Isaías 2:10

Na qomyipi i'guiñi'ñot ma'le na qa', pa'aañi quena 'laua; nañoxojñi ma'le queda chalego lichic loviraxac so qara'gaxala', quedá'maq lecaic da lauaq quiyim nashi.

Isaías 2:19

Ma' ne'laxashiguim ñi qara'gaxala', ca no'xalec na 'laua queda nqolonaxa, na qomyipi i'guenou'guelo naua lauaco na qa', chaqai na temaipi quena 'laua; nañoxojñi ma'le queda chalego lichic loviraxac ñi qara'gaxala' qota'olec, queda lauaq quiyim nashi.

Isaías 2:21

chaqai i'guenou'guelo ma'le naua lauaco na qa', chaqai quenaua laqacqate' na qa', ỹahotaque nqañoxojñi queda lichic da loviraxac ñi qara'gaxala', dá'maq lauaq quiyim nashi, ma' ñi'maxare ne'laxashiguim, ca no'xalec nqai'en na 'laua queda nqolonaxa.

Hebreos 11:38

Ca' sojo qomyipi sqa taiguit quiyim lauora na qomyipi hualoxonyipi hueetalec ana 'laua, ca saua'maxare chaqai queetalec na 'laua qaica qom, chaqai ana quemaralec ladocai, chaqai na lauac na 'laua, chaqai ana temaipi.

Apocalipsis 18:23

Chaqai tot qaiuana ca lauaq aca ncoỹeraxanaxaqui, chaqai tot qara'xaỹa quiyi na'a' ca laỹaac lemaqachic ca shilaq, 'eno'm nesallaxanqaipi quena 'laua ná'maq nemeenaxanyipi na'le, chaqai yiñi' ná'ogue ná'maq ỹoreta'oguit qomyipi queda qatoiquenataxanaxaqui'.

Jueces 6:2

Ca', ma' so Madián llaalqaipi noquiigaxatetauec da lqa'viic queso Israel llaalqaipi, vichiguiño' so qomyipi ỹo'ueete' naua nqañoqotaxaqui' ỹanauguilo naua quemaralgoto qa' ladocai, ma' paguec da lqolonaxa queso Madián llaalqaipi, qaiyi se qaỹovita.