Apocalipsis 6:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' na piguim palac, 'ec ana lere quena' qalepajta'. Chaqai ná'ogue aná'maq quemaralec ladocai chaqai ana delec qaidaxan quena loma'.

Apocalipsis 6:14 Iomraidhean Croise

Isaías 54:10

'Eno'm ana qa' ladocai nqo'in ỹoỹoota'a ca loma' chaqai naua quemaralgoto taari'nquira, qam dá'maq iqo'iichi caqami' se nadalaxat chaqai se nqo'ñiñi dá'maq qana'deenaxac queda no'daxa. Dajo 'naac ñi qara'gaxala' ñí'maq 'ue da lqouagaxa caqami'. (54.11-17 Yí'maq dalaxaic Jerusalén.)

2 Pedro 3:10

Qam ca loviraxaqui ma'le so qara'gaxala' ỹovita ma' sqaica ca qaỹahotaque, 'nejem ca cuataxai queetagui yi pe. Ca' ỹaatqajam qaica 'nejem ma'le ca lelamaxa na piguim ma' sogui, chaqai ná'maq hueeto'ot na piguim ỹavic ma'le queca norec, chaqai na 'laua qai'neeta ỹavic chaqai ná'ogue ná'maq hueetalec ana'maxare.

Apocalipsis 16:20

Ná'ogue palac ana delec chaqai ana quemaralec ladocai qa'.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.

Apocalipsis 21:1

Ca na' ime, ca seuane'ta so piguim chaqai so 'laua dalaxaic, ma' só'maq 'auaxaic piguim chaqai só'maq 'auaxaic 'laua pala'pe. Chaqai aso huaaxai tot qaca.