Apocalipsis 6:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Na'maxare ỹaatqajam nelamaxaren quena' 'naac: —Qami' qara'gaxala', ỹaatqajam qami' co'teeta chaqai quiyim pacqajñichirigui ná'maq chaxañi'sac, ¿tegue' chaqai laquio' ỹovita ca laloqo' nqai'ñi' quiyim michi' ca nasauaxaset, ca vite ca nouaxanaxaset ná'maq ỹo'uet na'le da qarelauaxa quená'maq hueetalec ana 'laua?

Apocalipsis 6:10 Iomraidhean Croise

Génesis 4:10

Qam ñi qara'gaxala' 'naaco' queso'maxare: —¿Chi'neco' ma' 'viichi'o' dajo? Na leuoripi ca rqaỹa'e' coraxachira'pe na'le quena 'laua ỹaualqaso'ot aỹim, ỹahosaque quiyim seuejlgoto.

Isaías 61:2

sa'xate' naua na'xata' lqouagaxaqui' ñi qara'gaxala', ca na'xa'a quiyim ñi qota'olec coqomi' ỹa'ue qarovi' quena qanpa'guenaxauaripi. Yila' quiyim llo'daxachigui lauel ná'ogue ná'maq rachicota,

Zacarías 1:12

Ca' so lelaatec ñi qara'gaxala' 'naac: Qami' na'gaxala' sqaica lqalanec, mashic ỹovite' setenta ñaxari quiyim 'oisapega na Jerusalén chaqai quenaua na'aateripi quiyi Judá. Ca ¿ỹoto'o' caua ñaxari qanauaantapigui quiyim liỹa rqouaquitegue yi'maxare?

Lucas 2:29

Qami' ỹa'gaxala', nagui, ca' shichi' nañaañirim ca sqaicanqaida ma' ime da ñachaalataxac, ma' ipaquichigui dá'maq ra'qaachiqui' na' 'xachirim, ma' aỹim relaachiqui'.

Lucas 21:22

Ma' quecajo na'xa'a loviraxaqui quiyim qaỹa'ue ca nouaxanaxaset ná'ogue na qomyipi, ma' qaipacqajanchiguilo naua'que naua naneresañi la'qaatqa ñi qota'olec.

Romanos 12:19

Qamiri ñauochaxaua' ỹaqaỹarolqa, 'neeto' lotqai viitaque ca chi rovirii, ta'ta'a quiyim 'xañiigue quiyim chaqaiñi ñi qota'a ñí'maq rouaxanaxan. Ma' quenaua naneresañi la'qaatqa ñi'maxare 'neracsa': “Chaqaỹim ná'maq sa'ue ca nouaxanaxaset ca qom, chaqai chaqaỹim ná'maq seshiuetenaxan, 'naac na ra'gaxalari.”

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

Apocalipsis 18:24

Ma' quiyijo na'a' lodegaxat qaiuanalo naua leuo' ná'maq ỹa'xateta'pe naua la'qaatqa ñi qota'a, chaqai ná'maq lalamaxareteripi ñi'maxare, chaqai ná'ogue ná'maq qaỹalauat quena 'laua.

Apocalipsis 19:2

Ma' ñi'maxare quena' imit na nasauaxaset ỹaatqajam quiichiguilo nqai'ne' naua leloxoỹaxaco dá'maq lliqueta. Ma' ỹo'ueeto' na'le da nouaxanaxaset asó'maq ỹaatqajam nedequenaxai ma' na'axat ná'ogue na qomyipi quena 'laua queda nedequenaxac; ñi'maxare ỹa'ue lovi' caso'maxare da lelauaxa na lelaatqaipi ñi qota'a.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.

Apocalipsis 3:7

Qai'neeta lachita aca lere ñi nelaatec neeta'ñi yi Filadelfia. 'Ñiraco': “'Neeta da la'qaatec ñí'maq ỹaatqajam co'teeta chaqai lliqueta, ñí'maq hueeto'ot ada lauaatqate na lasom ñi lauo' so nashi David, ma' quena' ỹauachigui, ca' qaica ca ishit ỹapogui, chaqai quena' ỹapogui, ca' qaica ca ishit ỹauachigui:

Jueces 16:28

Co'na'le, ca' so Sansón ỹaualqot ñi qara'gaxala', ca 'naaco': —Ñi'xoresene'tot, qami' ỹa'gaxala', quiyim 'eno'chaqai 'oonoqui' liỹa o'lliinchira'a aỹim, ca' nañaañi' ca iquesaxanaxa, qaiyi sa'ue ca ỹovi' quena filisteoipi quesaua ñqote' naqate'.

1 Samuel 24:12

¡Ca' ñi qara'gaxala' imite' qomi' ma'le, ca ñi'maxare ỹo'uet ca nouaxanaxashichi' sauaxat aỹim! Ca quena' ỹim qaica ma' sahotaque quet quiyim 'ue ca shine'tegue qami', ma' qami' qarashi.