Apocalipsis 5:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.

Apocalipsis 5:9 Iomraidhean Croise

Salmos 33:3

'viiñii ca dalaxaic no'ueenec, ¡vigaxañii, qam maqachiñii ca riviigaxanaxaguii!

Salmos 40:3

Ca chicqotougui na ỹap nqai'en so dalaxaic ỹo'ueenec, so no'ueenec imaqachintac ñi qota'olec. Ca 'xoic ná'maq i'laq na' iuanchigui dajo, ca' 'ue da lpi'ỹaxac quiñi qara'gaxala'.

Salmos 96:1

'Viiñii ca dalaxaic no'ueenec ñi qara'gaxala'; ná'ogue na hueetalec na 'laua ro'ueenaxanlec ñi qara'gaxala';

Salmos 98:1

¡'Viiñii ca dalaxaic no'ueenec quiñi qara'gaxala', ma' ñi'maxare chalego loyac dá'maq ỹo'uet! ¡Ma' ỹovireta'a doxonaxana da chalego lecaic lquesaxanaxa da lqai'laxat co'teeta!

Daniel 3:4

Ca só'maq qaỹamaxalec quiyim netaxaỹaq ma' taañi quiyim qoỹaanshiguim, ca na' retaqa ỹaatqajam nelamaxaren, 'naac: —Ñaq na'xaỹaxañiñi qamiá'ogue qamiri ỹoreta'oguita naua ra'qaataxahi:

Daniel 5:19

Ca quesó'maq lquesaxanaxa, ca' ỹaanem ná'ogue na ỹoreta'oguit qomyipi ỹora'alo naua la'qaatqa se qanapacalec chaqai i'loxol quen na qom quena' idaana'a. Ca' so'maxare ỹalauat loqo'm nca'alaxateetauec canchaqai sham 'neeta'gue; 'ue na imaqachin chaqai na liỹa, ca' se imaqachin.

Daniel 6:25

Ca co'na'le, ca' so nashi Darío ỹa'ue so lerec, taỹaugui nqai'en sá'ogue so ỹoreta'oguit qomyipi neetalec yi 'laua, 'naacsa': Sahotaque quiyim qaicanqaida chaqai 'ue nqaiyi caqamiri,

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 26:28

Ma' najo ná'maq iuoripi i'taxajñi dá'maq dalaxaic 'maqataxac. Ca' qaỹocoraqta'pe, qaiyi 'xoic cá'maq qaỹapalaxat ma'le ca lasauaxaset.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

1 Corintios 6:20

ma' ñi qota'a lishiujnaxanqate' qamiri, qam chalego lecaic ca nishiuetenaxaguii. Ca' no'uen quiyim machii'ot quiyim pacqajñiỹauec ñi qota'a quena roshicmaxahi chaqai queda no'ueenataxaguii, ma' naua'que lalamaxarete' ñi qota'a.

1 Corintios 7:23

Ñi qota'a ỹaatqajam chalego lecaic aca lishiuetenaxanqate na' ishiuetene' qamiri. Vichiguiño' sqai 'xañiigue quiyim 'neeta'gue qamiri la'ac ca chaqai qom.

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Efesios 5:19

Chaqai quiñi 'óna quiyim retaxaỹa'pegue' ca liỹa, qam ỹahote'e quená'maq ỹoreta'oguit no'ueenaxanaxaquipi chicqo'ot so Espíritu. Chaqai machiỹauec ñá'ogue añi re'taxanatahi quiyim 'ueenaxañitac chaqai maqachiñitac so qara'gaxala'.

Colosenses 1:14

ỹachigoxochichigui da lelauaxa so'maxare, ca' nca'laxaterec qomi', chaqai ỹapalaxat cá'ogue ca qarasauaxaseteripi.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 11:14

Ma' ná'maq 'neeta'gue dajo da la'qaatec, ca 'ec ichoxochichigui quiyim ñaq imitetaque ca lalamaxaret la'a'.

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.

1 Juan 2:2

So Jesucristo chaqaiso só'maq chicqochigui quiyim qaỹapalaxate' naua qarasauaxasete', chaqai mesqoqometa, ma' qai'neeta quená'ogue na qomyipi hueetalec na 'laua.

Apocalipsis 10:11

Ca na' ime, ca' lotqai qohinapiguiỹa': —Qami' lotqai liỹa pilliralec 'xachi' dá'maq 'naac ñi qota'a taỹaugui na ỹoreta'oguit qomyipi ỹoreta'oguit na la'qaatec, chaqai ná'ogue na ỹoreta'oguit nashillipi.

Apocalipsis 11:9

Ca quesaua tres na'xata' chaqai so lahi so liỹa na'xa'a qaỹa'ajanta'pe saua loshicma' saua'maxare quená'ogue na ỹoreta'oguit qomyipi ỹoreta'oguit na la'qaatec, chaqai se qaỹasene' quiyim qaishiñiñi saua'maxare.

Apocalipsis 13:7

Chaqai qai'neeta qoỹaanem so isecỹac quiyim nalauate'e' ná'maq lalamaxareteripi ñi qota'a, vire'ta quiyim loxonqaipi; chaqai qoỹaanem quiyim ila', ỹoiquentac ná'ogue na qomyipi ỹoreta'oguit na la'qaatec.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.

Apocalipsis 15:3

Ca' so qomyipi ỹo'ueentac da lo'ueenec so Moisés só'maq lelaatec ñi qota'a chaqai da lo'ueenec so 'ec qagreta llaalec, 'neetasa': Ỹaatqajam chalego lecaic chaqai da loyac ná'ogue ná'maq ro'ueenachiqui', qami' qara'gaxala', qami' qota'olec qaica ca qalañirac. Ỹaatqajam ỹalamqate' chaqai lliquete' naua nayigohi', qami' lashi ná'ogue na ỹoreta'oguit qomyipi.

Apocalipsis 17:15

Qai'neeta 'naac caỹim so nelaatec piguim le'ec: —Só'maq huañita huaaxaipi só'maq nqa'xantalec aso nedequenaxai, na'maxare chaqaina ná'ogue na qomyipi ỹoreta'oguit na la'qaatec.

Apocalipsis 4:11

Qami' qara'gaxala' qota'olec, ỹaatqajam 'chichiguiñi quiyim coñichiguit da nauaq, da necaic, chaqai da nquesaxanaxa; ma' qami' ro'ueenachiqui' ná'ogue nanchaqaina, ma' chaqaida dá'maq vi'saque, ca' 'ue, ca' re'oq ná'ogue na'maxare.

Apocalipsis 5:12

Qam ỹaatqajam nelamaxaren quena' retaqa, 'naacsa': Ñí'maq qagreta llaalec qaỹalauat na'le ta'chiguit quiyim icoñiguit da nquesaxanaxa chaqai da nesallaxa, da na'deenaxanaxa chaqai da la'ñaxac, da necaic, da nauaq, chaqai quiyim qaimaqachintac.

Apocalipsis 5:6

Ca' quena lavinñi so nashi nqa'xanqa', hueetañiguilo saua cuatro ise' nca'leesauec chaqai quena lavinñi so qo'xoiquipi seuane'ta so 'ec qagreta llaalec. Nachaatetañi, qam re'qoota dá'maq 'neeto' na' qaỹalauat. Siete saua lasote, chaqai siete nqote'. Ca' saua siete nqote' chaqaisaua saua siete lo'ueenataxanaxaco se re'xoguilo ñi qota'a sauá'maq qanelarrelec ná'ogue na 'laua.