Apocalipsis 5:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca na'le, ca' 'ue so 'óna queso qo'xoiquipi 'naapiguiỹa': —Totaxan queeta da noỹenaxaqui', ma' ñí'maq qaỹamata'gue sauaxaic leta'a chicqaugui so llaalqaipi so Judá, chaqai qai'neeta chigoxougui na lauo' so nashi David, ñi'maxare rauegaxan. Ca' ishit ỹauachigui ada lere chaqai quiyim naqate' saua siete netanaxanqate qaỹa'gaxanaxansañi.

Apocalipsis 5:5 Iomraidhean Croise

1 Reyes 10:20

Ca' ỹovi' doce so sauaxaic leta'allipi nachaatetañi, neetau'alo na lahil saua seis nco'ỹaxalate'. Chaqai ¡se ỹauanapega quiyim qaỹo'uet quet ca nashi nqa'xanqa' 'nejem so'maxare!

Isaías 11:1

Ca' sojo loỹo chaqaiso so Isaí chicqochigui ma'le aca llaxataxai; ca dalaxai ñaxashiguim chicqochi'ñalo saua lpa'yii.

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Daniel 7:16

ca 'ue so ñqo'neu'a quesauá'maq nachaatesañi, ca' sashiila quiyim ichoxochim dá'ogue. Ca so'maxare saachiguit, ca 'naac caỹim:

Números 24:9

Quena' ỹovita quiyim nco'matec nenanñi so Israel llaalqaipi, ca' 'ec ca regat: qaica ca ishit nqo'xon. ¡Ỹaatqajam qai'xoren cá'maq i'xoren yi'maxare, qam ỹaatqajam 'ue da nqa'viic cá'maq se i'xoren yi'maxare!

Lucas 23:28

Ca so Jesús nqovilca'guit, ca 'naapega so 'aallipi, 'naaco': —Qamiri 'aallipi ra'aari na Jerusalén, se nohiñilec aỹim, ta'ta'a chaqaqamii chaqai naua qachaalaxahi nohiñilec.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 8:52

Ca sá'ogue so qomyipi noỹentagui chaqai naualqategueñi caso'maxare. Qam so Jesús 'naaco': —Se nohiñii. Ma' yi nequetegaxai se ileu. Ayi'maxare chaqai laqata.

Juan 20:13

Ca' saua nelaatqa piguim lase' inate'o' aso'maxare, 'neraco': —Qami' 'aalo, ¿chi'negue ma' noỹiñi'sac? Ca' so'maxare 'naaco': —Sauaxat ma' qai'xato' ca ỹa'gaxala', chaqai se sa'den nega'ỹo' cá'maq qailla'gue ca'maxare.

Romanos 1:3

Dá'maq dajo na'qaatec ỹaatqajam ỹa'xat só'maq qara'gaxala' Jesucristo, só'maq llaalec ñi qota'a. Ca' quedá'maq re'qoochigui ne'xaỹoqsoxoc so'maxare chigoxouguit so nashi leenaxat David.

Romanos 15:12

Qai'neeta so Isaías ỹiriño' na'le da la'qaatec ñi qota'a, 'neetasa': Novi' ma'le ca chigoxougui na llaalqaipi so Isaí, quiyim nachajñi ma' ỹahotaque ỹoiquentac ma'le ná'ogue na qomyipi; ca na'maxare 'ue ma'le ca naquitaxac queca'maxare.

Hebreos 7:14

Ma' ỹaatqajam qaỹa'deenta quiyim so qara'gaxala' chigoxougui so Judá ni'ic, qam so Moisés qaica ca 'naac na'le quesojo ni'ic na' ỹa'xat da 'neeta na netaxaỹaxanqajanqaipi.

Apocalipsis 1:1

Ca dajo dá'maq 'neeta da neuanaxanaxac ỹaanem ñi qota'a so Jesucristo, qaiyi so'maxare ỹa'deenaxanaxanegue na lelaatqaipi dá'maq sqaỹaloq re'oq. Ca' so Jesucristo ỹa'deenaxanaxanegue dajo leuanaxanaxac najo lelaatec Juan, chicqochigui nqai'en so lelaatec piguim le'ec.

Apocalipsis 22:16

—Ỹim Jesús, sela' na ilaatec piguim le'ec quiyim ichoxot ná'ogue najo quená'maq mashic icoñiguit da na'qaatec. Ỹim 'ec llaqtaxai so nashi David. Chaqai 'ec ỹim huaqajñi vigaxarai nete'ese.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.

Apocalipsis 4:10

ca' so veinticuatro qo'xoiquipi ỹa'chi'iñi naua le'cootal quiyí'maq reloqota'ñi so'maxare, ca' imaqachin só'maq sqaica lqodoc da nachaalataxac, ca' illiguiñi ana nado'ontañi quiyí'maq reloqota'ñi so qa'xanqa'. Ca' 'nerac:

Apocalipsis 4:4

Chaqai naua lahil sojo qa'xanqa', ca' 'vii saua liỹa' sauane'talo veinticuatro nashi nqa'xanaxaqui', ca' quesaua'maxare nqa'xantañiguilo so veinticuatro quesó'maq ỹaatqajam qo'xoiquipi, nodaachiguiñi lalagaxaic na looỹac chaqai ana nado'onsañi chicqaugui na 'oro.

Apocalipsis 5:4

Ca' ỹim ỹaatqajam 'xoic da ñoỹenaxac, ma' qaica quet cá'maq qaỹanata quiyim ishit ỹauachigui aso lere, vire'ta quiyim chi retaqalec, chaqai vire'ta quiyim chi ỹa'ajan aso'maxare.

Apocalipsis 6:1

Ca na'le, ca' seuanchigui na' só'maq qagreta llaalec ỹauachigui aso 'auaxai quesaua siete netanaxanqate, ca 'ue so sa'xaỹa quesaua cuatro ise' nca'leesauec retaqa, qam da lavillaxac 'ec ana soxonaxa: —¡'Antaso'o' ỹala'e', ñaqai 'ajñi'!

Apocalipsis 7:13

Ca 'ue so 'óna queso qo'xoiquipi yinat: —¿Nega'ỹo' ná'maq najo ná'maq ỹantañi na nooỹac lalagaxaic, chaqai negue' cá'maq chicqa'gue?